Read Nyishi MWMIN NWSWR 85 Bible Online

MWMIN NWSWR 85 - Nyishi bible

MWMIN NWSWR 85

¹At Swa, no noqg nyookam mwwswnum; no Jakubnvn nvtaqnam mam jikurnum.

²Noqg nyiilug nyixaqnam mam no apaq jinum; no bulug nyic mwlwngam momlup jinum.

³Noqg hang lingtwrnam mwlwngam no nookurnum; noqg hang oggul haaxaqnam hoqgv no mwwkurnum.

⁴Ngulam lokta nitib mvdar tvb, ngulam ywwlin bo Pwnboa, hoo ngulug nyimur gab noqg ngulam haaxaqnam mam apaq tukub

⁵No ngulam nwrba gob haaxaq taikun yv? Noqg haaxaqnam mam no ko hosiq-hosiq xaqb haaxaq xoqdu taikun yv?

⁶No ngulam lokta nitib swwdar mvkram yv, ho noqg nyiilungam hwnyir-hvmar pomram yv?

⁷At Swa, noqg tumab abynam mam ngulam kaakin tvb, hoo noqg ywwlinam mam ngulam gvqlwq tvb.

⁸Pwnbo At Sw hoggv gootayin ham ngo tatayin, hoggab mwv swrsongam gootayin mwwg xuqlinam nyiilungam; hvbmabde bulam pacako ho wkur mvmabv.

⁹Hoggub nyijaqkam mwwg ywwlinamv koc dvn hiyv mwam bosdvn, yuunamv ngulug gvda so dooi nvpv.

¹⁰Tumab abynamv la dengkynamv lvkin gob wrwq dvn; jvqtwngv la swrsongv akwn-akwn moopup mins dvn.

¹¹Dengkynamv deela hoqgv buqlin dvn, hoo jvqtwngv doa toloqkv akob kaal dvn.

¹²Vvjaq, At Sw jitayin hoggv aldvn, hoo ngulug nyookv vigo vly-axeqkv swwlin tayin.

¹³Jvqtwngv mwwg otuqb wtayin, hoo mwwg lvpia lwqkapv lamtab nyidwn.