Read Nyishi MWMIN NWSWR 88 Bible Online

MWMIN NWSWR 88 - Nyishi bible

MWMIN NWSWR 88

¹At Swa, ngam ywwlin bo Pwnboa; aal-aiyib noqg agaho ngo xabdwn.

²Ngoqg swgwnam mam noqg agaho haam tvbv; ngoqg xabnam sam no ruucw kwrgab tvb!

³Hoggab ngoqg yvjv hentwr-kaanyi rooxo do, hoo ngoqg swwgv Sux-ywlw nyookub hvvnwq paku.

⁴Ungho haanbo tulug pengko ho ngamkam xitaq kunum; ngo ator dook maanbo nyiib nyipa ku,

⁵sinbo pengko hoqgv ak apaq kunam hvb, mengknam mam nyubu ho joop kunam hvb, hiyam no lokam mwwpa kumanam hvb, hoggab noqg alaq hoqgv bulam mvpaq pakun.

⁶No ngam ung ura jaqb, ho kanbo nyioly nyook ura si vlwq paku.

⁷Noqg hang lingtwrnamv ngoqg ao si vgw jaqdo, hoo noqg iss suduq lvgab no ngam hwqlup paku.

⁸No ngoqg ajin tulungam ngam tumdvb mvpa ku; bulv bos sokum dvb no ngam mvpa ku. Ngam kelin mvma dvb ciqtuml ap paku;

⁹mwwdwq ko-gab ngoqg vnyiqkv nyiqm duku. At Swa; ngoqg alaqkv nam ngo yamga tvl; aal looxiam nam ngo goqdwn.

¹⁰No sinbo gab swrdorxeq bonam nyid nvi yv? Sik bov gorablayil nam paqd nvi yv?

¹¹Noqg tumanam abiam nyubu ho bepor dvn yv, ho Bvdo-gangko nyook ho noqg dengkynam mam bibwq tan yv?

¹²Noqg swrdorxeqkam kan uralo cengm dvn yv, ho noqg jvqtwngam mwwpa kumanam nyook ho doom dvn yv?

¹³Hvbmabde ngo, At Swa, nam xabdwn; ar komcam ngoqg swgwnamv noqg agaho haadwn.

¹⁴At Swa, hoggab no ngoqg yvjam hurpaq gviyin? Hoggab noqg nyuqm mam ngoqg galoqkv kvs gviyin?

¹⁵Dwqtwrv la sigv ngoqg tuudy-yaamy swwca yukho hvvnwqnam, noqg bos belamnam hoqgv ngo hentwr hindu dvn; ngam svka bo dookma.

¹⁶Noqg hang lingtwrnamv ngam nuul wg paku; noqg bos jaqdvb nyinamv ngam twrm paku.

¹⁷Bulv ngam diidwr iss hvb aal loopwngam hwwiyum paku; bulv lvkin gob ngam aosi mutum paku.

¹⁸No ngoqg tumanam imiq nyiam la ngoqg ajinam tum dvb mvpa ku; ngoqg ajin jimbw tulungv kan twdwq nukba.