Read Nyishi MWMIN NWSWR 91 Bible Online

MWMIN NWSWR 91 - Nyishi bible

MWMIN NWSWR 91

¹Hiyv Pwnbog cwwgwl uraho doodwn hv Koibog doonyium ho doomin gvtayin.

²Ngo At Swn betayin, “Ngoqg cwwgwngv hoo ngoqg gurumv, ngoqg Pwnbov, hiyam ngo mwwgw dvn.”

³Hoggab mwv nam alman bog poto hoqgv hoo iicw-tobum dooi sig hoqgv ywwlin tayin.

⁴Mwv nam mwwg alap lvgab lobyum tayin, hoo mwwg alap uraho no cwwgw tayin; mwwg dengkynamv ngoqg svtam-soruqb nyitayin.

⁵Aiyam bos belamnam mam, ho aalam uppuqkv ablam jaqkam no bos kuram,

⁶ho kan ho iicw-tobum dooiyv ruqmin gvsjaqkam, ho aal lvpangam mviyaq-mvcaqnamv haasjaqkam no bos maabv.

⁷Lwwyw go noqg bviywrho nyemaqkv haasjaqkam, lwwyw camg noqg lvqbwq taqc ho nyemaqkv haasjaqkam, hvbmabde bulv noqg ogum ho hvvnwqram.

⁸Nyic nyijongam jinam mam no noqg vnyiq lvgab aro kaapa tayin.

⁹Pwnbov su ngoqg cwwgwngv hv hvbaloqkam no At Swn noqg doogw nyookub mvpa ku

¹⁰alman bov nam haal hog nyimram, swcin-taiyaqkv noqg doogw ogumho haanyiram.

¹¹Noqg wtaq mwlwho nam rvky mvdwb mwwg ao gumtw tulungam nam kvvyw-tada mvdwb mwv gamlin jitayin.

¹²Noqg lvpiangam wlw ho hodaq mvma dvb, bulug alaqkv nam aob gaatur ap tayin.

¹³No sony nyot gvla tvb aoho caatam tayin; sony nyot nyopa ngvla bortangam noqg lvpia uralo caajab tayin.

¹⁴“Hoqgab, mwwg abiv ngam nootul appa, ngo mwam naalin tayin; ngo mwam rao tayin, hoggab mwv ngoqg eminam ceng do.

¹⁵Hwdlo mwv ngam goqyikam, ngo mwam goqrwq tayin; ngo mwwg lvgab vs-axaq moodam dooba tayin; ngo mwam ywwlin tayin hoo mwam xitayin.

¹⁶Swwiyul doonam swwg lvgab ngo mwam xumt dvb mvtayin hoo ngoqg ywwlinam mam mwam kaakin tayin.”