Read Nyishi MWMIN NWSWR 92 Bible Online

MWMIN NWSWR 92 - Nyishi bible

MWMIN NWSWR 92

¹At Swn paqyalinco paqnamsi, ho Pwnbo Aba, noqg eminam bemin bel paqnam si aljaqdo;

²noqg tumab abynam mam ar komcam, ho noqg dengkynam mam aiyam bepor dvb,

³rwwxw-gung gaag yalam dulin mvl, ho tangam bo rwwxwngam dulin mvdwn.

⁴Noqgab, At Swa, noqg bon nyinam tulu hoqgv ngam mwwngam dvb mvpa ku; noqg alaq hoqgv bonam nyinam mam ngo hempol bemin dvn.

⁵Hwdjaqgo noqg nyis tulu si koido, At Swa! Noqg mwwnamv ura jaqb mwwdo!

⁶Damabo nyiv cengnyiram; nyiidam bov sam cenglaqkam ram:

⁷nyicv nwmw buqnam hvb buqlin sujaqkam hoo nyic nyinbo tulungv swwlaql swwrab sujaqkam, bulam nwrba gob mucu-mviya pakun;

⁸hvbmabde no, At Swa, nwrba gob aoho dootayin.

⁹Hoggab kaato, At Swa, noqg ceebio tulungam, ho kaato, noqg ceebio tulungv yuupaq tayin; almab nyinbo mwlwngv cwrsaq-bvraq taikun.

¹⁰Hvbmabde no ngoqg vrrwngam svb vrrw hvb vcjaqb yuumnam; no ngoqg aoso nitbo kutiam toopup paku.

¹¹Ngoqg ceebiog yoqlnam mam ngoqg vnyiqkv kaatkun; ngam nyinyi-nyia bog ocu-ayanam mam ngoqg nyurungv tatkun.

¹²Dvrwqkv pvng svvn hvb jurab yuku hoo Lebanon ho sidar svvn svvnam hvb.

¹³At Swg namho bulam liip pakun; bulv ngulug Pwnbog nam haagaho swwminl doodwn.

¹⁴Bulv axa sujaqkam sija godab hvraqb aaxy xeedwn; bulv sija godab swiywq nyiam-nyiam tvl jurl doodo,

¹⁵At Sw jvqtw dvn hvl beporto; mwv ngoqg lwwnv, hoo mwwg uraho dvrwq maanbo dooma dvn.