Read Nyishi MWMIN NWSWR 95 Bible Online

MWMIN NWSWR 95 - Nyishi bible

MWMIN NWSWR 95

¹Kujo haato, ngul mwlwngv At Swn bemin betuj; kuj ngulv hemp pol goqr rotuj ngulug ywwlin bo lwwn akam!

²Kuj ngul mwlwngv paqyalinco paql mwwg dookub haanuj; kuj ngulv hemp pol goqr rol bemin bel paqtuj!

³Hoggab At Sw koibo Pwnbo akv, hoo mwlwg pwnbo tulug aoho mwv koibo Lvpw at akv.

⁴Swcw nvg urangv mwwg alaqho doodwn; aobo puutu tulu ngvkam mwwg gv.

⁵Sa-svlongv mwwg gv, hoggab mwv ham pwnum, hoo mwwg alaqkv kedam pwtw dvb pwnum.

⁶Kujo haato, ngulv dumpo pvxwl xumtuj; ngulam Pwnbo At Swn ngulv lwbw kumbwl xumtuj!

⁷Hoggab mwv ngulug Pwnbov, hoo ngulv mwwg dvpar hoq nyiilungv, hoo mwwg alaq sonam sviyangv. Soolo mwwg agam yalam no tapa baloqkam,

⁸Meriba ho nyinam hvb, noqg hangv vdw maabv, deexa-rara lo Massag moodho nyinam hvb nyimabv,

⁹hwdlo bulv ngoqg bonam nyinam mam kaalv tvl, nulug ab tulungv ngam yeqkanum hoo ngoqg jvqtwngam hengkanum.

¹⁰Hoggab vnyw campy go ngo bulug hosiqkam muurul hoo benum, “Bulv hvkwg nyiilungv hiyv bulug hangam nyogaq-gaqm dvn, hoo bulv ngoqg lamta tulungam cengk maadkun.”

¹¹Hoqgab ngo hang lingtwrl dingnum, “Bulv ngoqg doonu ko uraho haanyiram.”