Read Nyishi DOOTIN 10 Bible Online

DOOTIN 10 - Nyishi bible

DOOTIN 10

¹Solomonwg dootin. Mwwlaqbo kov ab akam hemp mvdwn, hvbmabde nyiidam bo kov mwwg ann gab mwwdwqb nyidwn.

²Nyic-nyiab nyil gumn naanam tulungv niqtuq lengma dvn, hvbmabde jvqtwnamv sig hoqgv boolin dvn.

³At Sw jvqtw boam kanob sim mvma dvn, hvbmabde mwv nyicbog vcjaqb mwwbynam mam mutum dvn.

⁴Alaq sepy boam jwwgw mvdwn, hvbmabde kwrwbo alaqkam nyet mvdwn.

⁵Hiyv dwr poolam noocum dvn mwv mwwlaqbo ko akv, hvbmabde hiyv vly naadam yubdwn hv hvnywngam baqa bo ko akv.

⁶Jvqtw bog dumpo aoho lvqcam cilwqdvn, hvbmabde nyicbog agamv yolungam kvsdvn.

⁷Jvqtw boam mwwpa namsi lvqcnamv, hvbmabde nyicbog eminv nyiita yukun.

⁸Mwwlaqbo hangv pvvb tulungam svgagvrwq tayin, hvbmabde agam aco bo nyiidam akv yuupaq tayin.

⁹Hiyv xeq lootwb wdwn hv bos-haai maab wdwn, hvbmabde hiyv mwwg lamtangam tuugw-baago dvb mvnboam ham meelin tayin.

¹⁰Hiyv kul-komar vnyiqkv kaanamv vs-axaqkam kaapa dvn, hvbmabde agam aco bo nyiidam akv yuupaq tayin.

¹¹Jvqtw bog agam si swwgwg subuqkv, hvbmabde nyicbog agamv yolungam kvsdvn.

¹²Oyumnamv yolungam muur dvn, hvbmabde abynamv mwlwg nyixaqnam mam pulup dvn.

¹³Hiyv cenglaq dvn mwwg nvbcwrlo, mwwlwqkam kaapa dvn, hvbmabde hiyv cenglaq maadwn mwwg langklo dvvcw laqm mam baqdwn.

¹⁴Mwwlaq bov cenglaqkam paal apdvn, hvbmabde nyiidam bo agamv yuupaqko ogumho boa dvn.

¹⁵Nyetbo nyiig gumnv mwwg atorbo bopam nyidwn; jwwgw bog jwwgwngv bulam yuupaq mvdwn.

¹⁶Jvqtwg nyijongv swwgwb wg dvn, nyicbog paanamv nyimur hoqgv.

¹⁷Hiyv xeq tomswrnam mam tagab dvn hv swwg pagoqb wdwn, hvbmabde hiyv yolu ruql tomswrnam mam haqpaq dvn mwv asaqkam gaqxar gvdwn.

¹⁸Hiyv akv oyumnam mam kvsdvn hv xaalyo bo nvbcwrv, hoo hiyv xeq bepaq-beyaq benbov hv nyiidam bo akv.

¹⁹Hwdlo gomcwrv mvqlw yin, goomurnamv doodwn, hvbmabde hiyv xeq mwwg agam mam cwqdwn hv mwwlaq bov.

²⁰Jvqtw bog lyol si xinam rupv; nyicbog hangv koiywg ximanamv.

²¹Jvqtw bog agamv naleqgo hony dvn, hvbmabde cenglaq maagam gab nyiidam bov sidwn.

²²At Swg lvqcv nyet mvdwn, hoo mwv hoq lvgab mwwdwqkam vbw jima dvn.

²³Almab nyinamv nyiidam bo akam soominam hvb nyidwn, hvbmabde mwwlaqkv cenglaqbo nyi akam hemp mvdwn.

²⁴Hoggam nyic bov bosdvn hv mwwg aoho haatayin, hvbmabde jvqtw bog mwwbynam mam loorwq gvdwn.

²⁵Hwdlo nyodo taa-ngv peeayin, nyic bov dook maadwn, hvbmabde jvqtw bov nwrba gob hwngkwb doodwn.

²⁶Hiyv sepy boam kanam bov, exy lo xiixum hoo vnyiqlo mwk juulwqnam hvb nyidwn.

²⁷At Swn bosnamv swwyu mvdwn, hvbmabde nyicbog vnywngv swwdw tayin.

²⁸Jvqtw bog mwwgwngv hempam kaapa dvn, hvbmabde nyicbog mwwgwngv yuupaq tayin.

²⁹Timb dvb nyimabo gab At Swg lamtangv pwqlw cwwgwngv, hvbmabde almab nyinbo tulungv twrtayin.

³⁰Jvqtw boam nywywngam mvpaqram, hvbmabde nyic bov ked so dookram.

³¹Jvqtw bog agamv mwwlaqkam belin dvn, hvbmabde bimurbo lyolam peepaq tayin.

³²Hoggv loodwb nyidwn ham jvqtw bog agam mam cengdwn, hvbmabde hoqgv almadwn nyicbog agam hoqgv lengdwn.