Read Nyishi DOOTIN 9 Bible Online

DOOTIN 9 - Nyishi bible

DOOTIN 9

¹Mwwlaqkv rwwda kvngo mwnwg palayil; mwnwg nammam mvpkun.

²Mwwlaqkv mwnwg svdin tulungam paap paku; mwwlaqkv mwnwg twws sam mviyo-mvco paku; mwwlaqkv mwnwg dvsam tvlin paku.

³Mwwlaqkv mwnwg nyijwr dvn tulungam pamda hoqg mwlwngam ao yaanbo nyook hoqgv goqa mvdwb kanam namlin paku,

⁴“Hiyv xeq damdam dvn, mwam soqb tobkur mvmto!” Mwwlaqkv bedo hiyv mwwcin maanboam,

⁵“Haato, ngoqg dvsam dvto hoo ngoqg tooiyo-tooco kunam twwsam twwto.

⁶Noqg damdam lamta tulungam apaqto, hoo swwto, hoo cenglaq lamtab wto.”

⁷Hiyv xeq bej-beparbo akam bedarbov mwv atv kam bej-bepar naadwn, hoo hiyv nyicbo nyi akam yolu dvn mwv atv hencnam unnam gvdwn.

⁸Bej-beparbo akam yolu ruqmabv, hoggab mwv nam oyum tayin; mwwlaqbo nyi akam yolu ruqto, hoo mwv nam aby tayin.

⁹Mwwlaqbo nyi akam tomswr baloqkam, hoo mwv mwwlaq yaiya tayin; jvqtw bo nyi akam biswr baloqkam, hoo mwv vi yaiya go cenglaq tayin.

¹⁰At Swn bosnamv mwwlaq laqrab dvn, hoo Dvrwqbo Akam cenglaqnamv mwwlaqkv.

¹¹Hoggab ngoqg galoqkv noqg aal tulungv mvqlw mvtayin, hoo noqg swwdynam vnywngam vbw jitayin.

¹²No mwwlaq baloqkam, noqg gabsu no mwwlaq sudwn; no benyi-beya baloqkam, no aro laqm baqtayin.

¹³Dvn akwg pacanamv hurv twq; mwn kaaby dvb nyis do hoo hog luugkam cengma.

¹⁴Mwn mwnwg nam yabga ho doodwn; mwn pamda hoqg mwlwngam ao yaanbo dootam mam naal doodwn,

¹⁵hiyv hoqb wpeq boam, bulug dinda ko lamtab wdu boam goql doodwn,

¹⁶“Hiyv xeq damdam dvn, mwam soqb tobkur mvmto!” Mwn bedo hiyv mwwcin maanboam,

¹⁷“Dvconam issiv tiiswr dvn, hoo kvsil dvs dvnamv dvngam dvn.”

¹⁸Hvbmabde hoqho sigv doodwn hvl mwv cengma dvn, ho mwnwg nyiin tulungv Sux-ywlw ura jaqho doodwn.