Read Nyishi NYIJWQ 1 Bible Online

NYIJWQ 1 - Nyishi bible

NYIJWQ 1

¹Debidg ko tuup Jerusalemho lvpw atwg tomswr bog gomcwrv.

²Tomswr bov bedo, mwlwngv niqtuq dookma, mwlwngv niqtuq dookma! Hog mwlwngv niqtuq dookma.

³Nyodo nvg niikum lo nyia kog hentwr henjongv bonam nyinam niqtuqkv hoggv doodwn?

⁴Ko hotam ak wdwn, hoo ko hotamv hvvsiqdvn, hvbmabde swcwngv nwrba gob doodwn.

⁵Doonyiv caadwn, hoo doonyiv haadwn, hoo nyebia jaqb caalinko nyookub wdkun.

⁶Dooiyv nyooko hoqgv nyoodumb yicadvn; hoo dooiyv yikur-yikur yidwn, hoo lokta hoq yirab kob yikur dvn.

⁷Pobu hocw-hotv sa-svlob tolwqdo, hvbmabde sa-svlongv bwwr maado; pobu hocw-hotv tol wk nyookub, lokta pobu tulungv hoqb todkun.

⁸Hog mwlwngv vcjaqb mwwdwq do; nyiv ham besar nyoma; vnyiqkv kaatwl xumt kuma dvn, ho nyurungv tanam tvlwq kuma dvn.

⁹Hoggv doopkun hv dootayin, hoo hoggv nyipa kun ham nyitayin, hoo nyoodo nvg niikum so nitbo akam dooma.

¹⁰“Kaato, soq si nit go” hvl benam pagoq ak dood nvi yv? Kol ngulug otuq hoqgv hoqhv dooky kunum.

¹¹Otuq pagoq tulungam mwwpanam dooma dvn, ho hoq pengko ho kokwb haata bo pagoq tulungam kam kokwngam mwwpanam dooram.

¹²‍Tomswrbo ak ngo, Israelwg Jerusalemho lvpw atwb swwl doonum.

¹³‍Hoo nyodo nvg niikum so hog mwlw nyinam mam mwwlaq lvgab meelin kvka dvb ngo ngoqg hvvjw lvgab meekanum. Soq si nyia kongam nyoma mam dvb Pwnbov jipa kun, soq si kam hempnam bon kumanyi.

¹⁴‍Nyodo nvg niikum soqg hog mwlwngam nyinam mam ngo kaapa kun, hoo kaato, hog mwlw si niqtuq dookma hoo dooiyam nootu tanam hvb nyidwn.

¹⁵Hoggv pvgw dvn ham dinda dvb mvnyi kuma dvn, hoo hoggv dooma dvn ham xitaq dvb nyiram.

¹⁶‍Ngo ngoqg hvvjw ura lo benum, “Ngo vc-loodab mwwlaqkam cenglaq pakun, ngoqg otuqb Jerusalemho doonbo mwlwngam ngo mwwlaq yaanam, hoo ngoqg hvvjwngv vc-loodab mwwlaqkam la cenglaqkam cengpa kun.”

¹⁷‍Hoo ngoqg hvvjwngam mwwlaqkam cengdwb hoo rugaqkam la pacangam cenglaq nvdwb nyinum. Ngo cengnum soq si kam dooiyam nootu tanam hvb nyitwqdo.

¹⁸Hoggab viywg mwwlaqnamv viywg mwwdwqnamv, hoo hiyv vigo cenglaq dvn hv mwwdwq vi yaadwn.