Read Nyishi NYIJWQ 6 Bible Online

NYIJWQ 6 - Nyishi bible

NYIJWQ 6

¹Nyodo nvg niikum so almanbo ak ngo kaapa pakun, hoo hoqhv nyia ko aoho vi-rwbwq tvl doodo:

²‍Pwnbov hiyv nyi akam gumn-ranam, doog-daqgnam mam, hoo xinam mam jipan, hoqgab mwwg mwwbinam hog mwlw ham mwv doogmab nyiram, hvbsujaqkam bulam soomin-nyirmin mvdwb mwam Pwnbov atoram jima, hvbmabde nyoodo nyi akv ya ham soopaq dvn. Soq si kam niqtuq dookma; soq si vcjaqb almanbo go.

³‍Nyi akv ko lwwgwg abwb swws jaqkam hoo vnyw vigo doosjaqkam, ho mwwg vnyw swwnamv vigo swwdwb nyisjaqkam, hvbmabde mwwg swwca ho albo pagoq lvgab mwwg yvjv xumt maanum, hoo mwam svma gokam liik maanum, hoqgab ngo bedo ko bwwma tanam ak hv mwam alyadwn.

⁴‍Hoggab hoqhv niqtuq dookmab haadwn hoo kan urab wdkun, hoo kanv hoq eminam pulup dukun.

⁵‍Hoq aoho, hoqhv doonyiam kaapa maas jaqkam ho hog akam cengma sujaqkam, hvbmabde hoqhv doonu kongam mwam ya kaapa yaadwn.

⁶‍Mwv lwwyw laaleq vnyw lwnyi go swws jaqkam, hvbsujaqkam albo soominam mam soopa deema — nyook akin golo mwlwngv wram yv?

⁷‍Nyia kog hog mwlw hentwr henl bon nyinam si mwwg atwg kepo gab, hvbsujaqkam mwwg dwnw-twwnwnamv xumt maata.

⁸‍Mwwlaqbo nyiv damabo aoho hognvkv hila yaadwn? Hoo jwwgwbo nyi akv hoggv doodwn, hiyv cengdwn nyi agaho mwv atv hoggub nyil swwiyin dvn?

⁹‍Dwnw-twwnw tvl gaqkar yinam mam vnyiq kaapanamv alyadwn: soq si kam niqtuq dookma hoo dooiyam nootu tanam hvb nyidwn.

¹⁰‍Hognvkv xeq haata dvn ham eminam mingxo pakun, hoo nyia kov hoggv ham cengpakun, hoo mwam ator yaanbo akam mwv yolu paiyaq mins laram.

¹¹‍Gampo rooxongv, gomtoq dooma dvn, hoo nyia kov hoggv goojo kaapa tan?

¹²‍Nyia kog algab mwv niqtuq doomab anyo go mwwg swwca de moodho mwv yal bobo wpeqnam hvb swwnam mam hiyv cengdwn? Hoggab nyodo nvg niikum so mwwg kokwb hoggv nyia koam haatayin hiyv nyiam betam latayin?