Read Nyishi SOLOMONWG BEMIN 5 Bible Online

SOLOMONWG BEMIN 5 - Nyishi bible

SOLOMONWG BEMIN 5

¹Ngoqg nyem ajina, ngoqg tvmw nga, ngoqg boolub ngo haanum, ngoqg swwtiam la kuty tulungam ngo nookumnum, ngoqg tong ngoiyapam lvgab ngoqg tong ngolangam ngo dvnum, ngoqg roo alangam gwwi lvgab ngo twwnum. Ajin tulu, dvto, twwto hoo aby lvgab twwxum to!

²Ngo yubsnum, hvbmabde ngoqg hangv huul doonum. Yal ak! Ngoqg tumanamv padin dingdu do. “Ngoqg nyem ajina, ngoqg abynam, ngoqgab jot-kvlbo aka, ngoqg pwk yobura, ngoqgab mvko tvb, hoggab ngoqg dumpongv gums lvgab juja duku, ngoqg dumpiam aiyig hviyiq lvgab bampam mvdo.”

³Ngoqg vjam ngo pipaqnum; hoggub yu ham ngo koota yukun? Ngoqg lvpiangam ngo hurs pakun; hoggub yu ngo ked ho caaxiab tayin?

⁴Ngoqg tumanamv mwwg alaqkam viyap xwrko nanhv laqdaq tvl doodo, hoo ngoqg hang ura lo ngo vcjaqb hempnum.

⁵Ngo ngoqg tumanam mam mvko jitab gorabnum, hoo ngoqg alaq soqgv swwtiv biqlinum, ngoqg lvqcw lo swwtiv koqbu tvl, viyap xwrtum nan nagub biqlinum.

⁶Ngoqg tumanam gab ngo mvko jinum, hvbmabde ngoqg tumanamv tobkurl wleq kunum. Mwv goosnum ngoqg yvjv tapa mvmanum. Ngo mwam meegaqnum hvbmabde mwam meepa maanum; ngo mwam goqnum, hvbmabde mwv ngam goqrwq maanum.

⁷Rvkybo tulungv bopam urab bulv wdu yikho ngam kaapanum; bulv ngam jwwnum, bulv ngam yaamam dvb mvnum, bvly tulungam rvkil daqnbo nyi tuluhv, bulv ngoqg putum nan naapaqnum.

⁸Jerusalemwg nyem ko tulunga, ngo nulam bexy-beril bedwn, nulv ngoqg tumanam mam kaapa benyiloqkam nulv mwam betam taab ngo aby gab vc cidwn.

⁹Hoggub jaq noqg tumanamv asaqg tumanam mam alyadwn, nyem tulug pengko hoqgv mwlwngam kangam yaan boa? Hoggub jaq noqg tumanamv asaqg tumanam mam alyadwn, ho no ngulam bexy-beril bedwn?

¹⁰Ngoqg tumanamv kwlwq-kvlaql hoo moolw-cexam dvn, cam lwwyw pengko lo kaacin dvb nyidwn.

¹¹Mwwg dumpongv dvrwq-kwrwqbo hun hvb nyidwn, mwwg dumkwqkv biqkwr-beqlal, poaq hvb kaaya dvn.

¹²Mwwg vnyiqkv pobu soiyoq ho pukum pupnbo hvb nyidwn, gwwi hoqgv hwrxaql tvl, swnyiq bviywr ho tuul doonam hvb nyidwn.

¹³Mwwg rudinv duiyup-twwgab piucw lol appan hvb nyidwn, puutu hoqgv sungam bo nwmw sulinam hvb nyidwn. Mwwg naborv lili opu hvb, swwty alangv dilin lingdu bo hvb nyidwn.

¹⁴Mwwg laqpongv hun yoqdwr, lvgab guj mvnamv. Mwwg gvngv xiilapnam svt vxiv, sappir lvgab guj mvnamv.

¹⁵Mwwg lvpiangv alabastar rwwdangv hun aoho diidaqnamv. Mwwg gv tojv Lebanon ho xuqnam, sidar svvda tulungv.

¹⁶Mwwg agamv vigo tiiswr do, hoo mwwg hog mwlwngv mwwby dvb nyido. Soq si ngoqg tumanamv hoo soq si ngoqg ajinv, Jerusalemwg nyem ko tulunga.