Read Nyishi AIJAYA 20 Bible Online

AIJAYA 20 - Nyishi bible

AIJAYA 20

¹Hoq vnyw ho Assiriyag lvpw at Sargonwg kanamnam peelo bo sipai saab Asdod haanum hoo ham ceekol nyob panum hoo ham naareqnum—

²‍hoq moodho At Sw Amojwg ko tuup Aijayanvn goonum, hoo begamv, “Noqg hwwpo hoqg tuila vjam toosuq to hoo noqg lvpia hoqg samtaqnan nam pipaqto, hoo wto,” hoo mwv hvb nyinum, talo tvl lvpia asarb wnum.

³‍Ho At Sw benum, “Ngoqg nyera Aijaya vnyw nywum go Ijipt la Kus gab ceekol kaacin dvb talo tvl lvpia asarb gaql yvnum,

⁴‍hoqhvb kalam Assiriyag lvpw atv Ijipt gv nootunam nyi tulungam hoo Kus nyi tulug nyuum mam, anyo-akam mam, talo dvb la lvpia asar dvb, tapia lvgab, Ijiptam talo dvb booxa tayin.

⁵‍Ho bulv hang hol hoo hvnyw tayin hv hvbaloqkam Kuswg mwwgwnam gab hoo Ijipt gv largam gab.

⁶‍Hoo hoq aalam soiyoq ho doonbo tulungv betayin, ‘Kaato, ngulv hiyam mwwgwnum hoo Assiriyag lvpw at hoqgv ywwlin kodwb hiyam ngulv svka gab kenum si hoggv nyipa kun! Hoo ngulv hoggub nyil keleq tayin?”