Read Nyishi AIJAYA 21 Bible Online

AIJAYA 21 - Nyishi bible

AIJAYA 21

¹Sa-svlo pagoq gab gamt tonam. Negeb ho cwkeq-lvmeq dooiyv pwrdu do, hoqhv deexa-rara hoqgv, hoo al-looda maanbo gvda hoqgv haadwn.

²Vs-axaq deenam mam nyiqry kaanam ak ngam kaatamnum; nyipinbo tulungv nyipin dvn, hoo twrnbo tulungv twrdwn. Elama, odumb caato; Mediya nga, jootuml apto; mwnwg koxio-rorw dvb mvnam mwlwngam ngo mutum taikun.

³Hoqgab ngoqg gvvsiv vc cidu dvn; lomduq dvb vc-cinamv ngam mviya paku, nyemv ko bwwtayin cinc cinam hvb; ngo sam cwqla kumab ngo dumpo pvxw kunum; ngo sam kaanyi kumab ngo hang hoknum.

⁴Ngoqg hangv any maab tabko-tablol wpa kun; bosnamv ngam mooma-sasa dvb mvpa ku; ngoqg mwungnam aiyv ngoqgab bosil tvmdwr dvb ya nyikub paku.

⁵Bulv dvsam mwx-mvaq paku, bulv upiqkam puul ap paku, bulv dvdo, bulv twwdo. Lvpw atwg ko tuup tulunga, daqrabto; svtam mam mvxaq-mvraqto!

⁶Hoggab At Sw ngam benum: “Wto, rvkybo nyi ak pvvta; hoggv mwwg kaapanam ham mwam pui bepa mvto.

⁷Hwdlo mwv svpuram xargbo, svpuram swwrw lo rwwtu bo nyi tulungam, svdam aoho xarn bo nyi tulungam, svjin aoho xarn bo nyi tulungam kaapa yin, mwam ruucw-kwrgab gvdwl, hingky jaqb tagabto.”

⁸Ho mwv xablinam mam kaapanum: “At Swa, aal loopwngam, ngo rvky ko soja ao si daqdwn, hoo ngam nyim dvb jiksi ngo ai yupwngam doodwn.

⁹Hoo kaato, svpuram xarg bov, swwrw lo svpuram rwwtu bo nyi tulungv haado!” Hoo mwv birwqnum, “Bebilonv yoql paku, yoql paku; hoo mwnwg pwnbo tulug guss mwlwngam mwv deela ho vmwq gob mvpa kun.”

¹⁰Ngoqg jurpy mvxaql hoo juuxaqnam aka, nyiit At Sw, Israelwg Pwnbo hoqgv ngo hoggv tapa kun, ham ngo nam pui baqdwn.

¹¹‍Duma pagoq gab gamt tonam. Ngam nyi ak Seir hoqgv goqdu do, “Rvky boa, aiywg hwd moodam? Rvky boa, aiywg hwd moodam?”

¹²Rvky bov benam: “Arv haado, hoo aiyv kam hvb nyidwn. No kod nyiloqkam, koto; lokta hookur ta.”

¹³Arabiya pagoq gab gamt tonam. Dedan nyi tulu nga, Arabiyag puum tvgeq uraho no doogw tayin.

¹⁴Hvngwr yin iss bwa dvn; dvikam kanongv nyiidwn, Tema gvdaho doonbo nyi tulunga.

¹⁵Hoggab bulv lyoqr orioq hoqgv, lyoqr orioq nwqlwq tanam hoqgv, uppuq tvganam hoqgv, hoo nyob padwb nwwteqnam hoqgv keleq pakun.

¹⁶‍Hoggab At Sw ngam benum, “Vnyw nywg uraho, vnywngam ree goql bonam nyimnam hvbjaq, Kedarg hog mwlw yuunamv nyiitayin.

¹⁷‍Hoo Kedarg ko tuup tulu hoqgv ator jaqb uppuq ablaqbo tulungv anyo go doonyu tayin, hoggab At Sw, Israelwg Pwnbov sam bepakun.”