Read Nyishi AIJAYA 27 Bible Online

AIJAYA 27 - Nyishi bible

AIJAYA 27

¹Hoq aalam At Sw mwwg ator bvla koijaqb daatbo lyoqr orioq lvgab jarnbo Dooji-bur tvbam, tuuku-baalal bo Dooji-bur tvbam laqm-baqm tayin, hoo mwv sa-svlo urag mucum lvvr-laanyiam mengtayin.

²Hoq aalam, “Kaangambo roo boolu gab, bemin beto!

³At Sw, ngo ham rvky bov; lwxiam ham ngo iss jidwn. Hvbmab nyiloqkam ham nyi akgon mvjab-mwiyiq tayin, ham ngo ai aalwb rvky dvn.

⁴Ngo ham hang lingtwr kuma. Ngo taa-ngam la wwngam nyob pakin dvn yv! Ngo hoq tulu ham caajab-caiyab tayin, ngo bulam lvkin gob wm rampaq tayin.

⁵Ho bulam ngoqg roanam mam nootul doomto, bulam ngoqg lvgab swrsob doomto, bulam ngoqg lvgab swrsob doomto.”

⁶Haata bo aalam Jakub rwbam nootu tayin, Israelv jurlinl hoo opu puutayin hoo gvda gvt mwlwho aaxy xeel bwrtayin.

⁷Mwv bulug jwwnam hvbkalam bulam mwv jwwn mvi yv? Ho bulam patabo panam hvbkalam bulv patab pai yv?

⁸Xika-xikal nam nyuum book lvgab bulam ai dvn; mwwg hang lengl saqlinam lvgab dou-cagag dooi yid aalam bulam mwv nuupaq dvn.

⁹Hoqgab soq sib nyinamv Jakubg nyixiaqkam pvlyw tayin, hoo soq sib nyinam si mwwg nyimurnam mam mvxaqtvl aaxiv naleqgo xeetayin: hwdlo mwv yugwg wlw mwlwngam mvikam roopuq wlw hvb vmwq-akaq tayin, Asirim ho sulum park yugwngv doqdul dookram.

¹⁰Hoggab gurum nwqtumnam bopamv vp-cwkw duku, hoqho doonbo nyi tulungv deexa-rarangam haqpaql hoo apaqnam hvb apaq dvn; hoqho svv kongv nwmw dukum do; hoqho nwmwngv buql danyib doodo hoo hoqg haqbv yomlup tvl doodo.

¹¹Hwdlo hoqg haqb tulungv sengyikam, hoq tuluhv dwrtu paku; hoo nyemv haalayil hoq tulu ham wm parpa ku. Hoggab soq nyiilu si mwwcin maanbov; hoqgab hiyv bulam mvnbo hv bulam aya mwwpa dvb mvma pan; hiyv bulam pwnum hv bulam mwwswngam kaatam ram.

¹²Israelwg nyiilungam, hoq aalam At Sw Iupratas pobu hoqgv Ijipt gv kucw namgub am jurpiam daqlin tayin, hoo nulv akin-akinb ammam giqkum tayin.

¹³‍Hoo hoq aalam vcjaqb tuuly miqtayin, hoo hiyv Assiriya nyook ho yuupaq kunum hoo hiyam Ijipt nyookub ruqlinum hoq tulungv At Swn Jerusalemwg dvrwqbo puutu ho haalayil xumtayin.