Read Nyishi AIJAYA 31 Bible Online

AIJAYA 31 - Nyishi bible

AIJAYA 31

¹Hiyv Ijipt ho svka gab inbov hoo svpur tulungam svqgw bov, hiyv ceriot tulungv mvqlw ko-gab, hoo svpur xarnbo nyi tulungv vcjaqb ator ko-gab mwwjwbo mwlwngv mwwdwqnam jaqkv, hvbmabde bulv Israelwg Dvrwqbo Akam tuugab ma ho At Swn tox ma!

²Hoo hvbsujaqkam mwv mwwlaq dvn hoo ciqcaq-bviyaqkam baqa dvn; mwwg gomcwram mwv goqkur maadwn, hvbmabde almanbo nombungam hoo hiyv nyixiaq mvdwb svka bo tulungam ceekol daqrab tayin.

³Ijipt nyi tulungv nyia kov, bulv Pwnbo ma, hoo bulug svpur tulungv ui ala baqnbov, bulv yal ma. Hwdlo At Sw mwwg alaqkam ijin yukam, nyiba bo tulungv dwqtup tayin, hoo svka bov yoql tayin, hoo bulv lvkin gob yuupaq tayin.

⁴Hoggab At Sw ngam benum, “Sony nyot ak ho maalo sony nyot nyopangv mwwg cexnam aoho dugumnam hvb, hoo hwdlo sviya rvky bo tulungv mwam goqlam yin, mwv bulug sogoqnamv, ho goqlamnam yalam bos maadwn, hoqgab nyiit At Sw Jaiyon puutu hoola hoqg yorn tuluho haalayil nyob patayin.

⁵Pvta hoggub jaakar yvdwn, hoq hvbkalam nyiit At Sw Jerusalem mam rao tayin; mwv raol hoo ham naalin tayin; mwv hoqham ywwlinl pvvtayin.”

⁶Israelwg ko tulunga, mwam hiyvg nyiilungv vcjaqb ceekol tvjw maanbo hoqgv wkur tuku.

⁷‍Hoggab hoq aalam nulug nyicbo alaqkv nulgab mvnum, mwwg hun-rup murty tulungam nyiicwr cwrxiv joopaq tayin.

⁸“Hoo Assiriya nyi tulungv lyoqr orioq niqtuqb haatayin, nyia ko ma; hoo lyoqr orioq niqtuqb mwam twrm tayin, nyia ko ma; hoo mwv lyoqr orioq hoqgv ketayin, hoo mwwg tuudy-yaamy tulungam nwwteql bon nyim tayin.

⁹Mwwg lwwn tulungv bosil duqpaq tayin, hoo mwwg saab tulungv bos layil bon nyicwngam nyikram,” At Sw bibwqdo, hiyv Jaiyon lola, hoo Jerusalem wmmwb bioql doodwn.