Read Nyishi AIJAYA 39 Bible Online

AIJAYA 39 - Nyishi bible

AIJAYA 39

¹Baladanwg ko tuup Merodak-baladan Bebilonwg lvpw atwb swwd moodho, Hejekiyag vc peekul hoo alkunam mam tapa tvl mwv hvvky pootam lvgab potangam la aky ak jilwql kanamnum.

²‍Hoo Hejekiya bulam hempwl svgagvrwqnum. Hoo mwv bulam mwwg gumn noosungam kaakinum, rupam, hunam, duiyup-twwgapam, xinam kutiam, mwwg nwwxo svtam illy-uppuq mwlwngam, mwwg pvvkuml apko nam tulu hoqg kaapanam mwlwngam kaakinum. Bulam mwwg noosu uraho ho lvpw-haty ho Hejekiyag kaakin maanam hog akkam dookmanum

³‍Ho nyiqry benbo Aijaya lvpw at Hejekiya dookho haanum, hoo mwam benum, “Hoggv soq nyi tulu si benum? Hoo hogloqkv bulv haanum?” Hejekiya benum, “Bulv aado kiyo Bebilon nyook aloqkv ngoqg dook si haanum.”

⁴‍Mwv benum, “Hoggv nvkv bulv noqg namho kaanum?” Hejekiya birwqnum, “Ngoq noosu uraho hog mwlw doon boam bulv kaapa kun. Ngoqg noosu tulug uraso bulam kaakin maanam hog akkam dook maanum.”

⁵‍Ho Aijaya Hejekiyanvn benum, “Nyiit At Swg gomcwr sam tato:

⁶‍Kaato, aalv hoodu do, noqg nam uraho doonbo mwlwngam, hoo soq aal nagub noqg abwg noocum pvvnam mam Bebilonwb baqtayin. Hog akjijaqkam apaqram, At Sw bedo.

⁷‍Hoo nulug atwg ko tuup tulu gon, hiyv nulug hoqgv haata bov, hiyam no bulug ab gob swwtayin, bulam nyumwb bool wgtayin, hoo nyiipium bo nyi hvb Bebilonwg lvpw atwg lvpw-haty ho bulam bon nyim dvb pvvtayin.”

⁸‍Ho Hejekiya Aijayanvn benum, “At Sw gomcwram noqg benam hv alpa.” Hoggab mwv mwwgamv, “Swrso bvla bos haai maab ngoqg swwcangv dooinvp mwwnum.”