Read Nyishi AIJAYA 56 Bible Online

AIJAYA 56 - Nyishi bible

AIJAYA 56

¹Soq sib At Sw bedo: “Jvqtwngam pvvto, hoo dvrwqkam nyito, hoggab oyu maadab ngoqg ywwlinamv haatayin, hoo ngoqg ywwlinam mam mvko jitayin.

²Hiyv soq sam nyinbo nyi akv, hoo hiyvg ko tuupv soq sam bugil doogbov, hiyv Doonunam aalam pvvdwn, ho hoqham kacdvb mvma dvn, hoo hiyvg alaqkv almanbo nyik hoqgv pvvgin dvn hv nyi xinam jaqkv.”

³Nyoodo nyiv hiyv mwv atv nyiba-wba dvn ham At Swn hvl bem mvmabv, “Jvqtw jaqb At Sw ngam mwwg nyiilu hoqgv xuqxub tayin”; hoo nyiipium bo nyiingam hvl bem mvmabv, “Kaato, ngo sengn bo svvnv.”

⁴Hoggab soq sib At Sw bedo: “Nyiipium bo nyiv hiyv ngoqg Doonu aalam pvvdwn, hiyv ngoqg mwwbynam pagoqkam xuqdwn hoo ngoqg birwl apnam mam bugil doodwn,

⁵ngoqg namho hoo ngoqg bvly uraho ngo doom dvb jitayin riic-xemy doonbo tulug emin alyatayin, poogw ak nwqp tayin; ngo kuiyum xaqb doody bo eminam jitayin ho ham nywywngam mvpaq nyokram.

⁶“Hoo nyoodo nyiilungv hiyv atv atv At Swg hoobum ho haadwn, mwwg gab nyis nyimto, At Swg eminam aby mvto, hoo mwwg nyera gob nyimto, nyiicwr-cwrxiv hiyv Doonu aalam pvvdwn hoo hoqham kacdvb mvma dvn, hoo ngoqg birnam mam bugil doodwn-

⁷ngo hoq tulu ham ngoqg dvrwqbo puutu ho boa tayin, hoo bulam ngoqg swgw ko namlo ho hwnyir-hvmar dvb mvtayin; bulug boyuql aky jinam mam hoo bulug pwr jinam mam ngoqg yugw lo loorwq tayin; hoggab ngoqg namlo sam nyiilu mwlwg swgwl dook namlongv hvl goqtayin.”

⁸Pwnbo At Sw, hiyv nyuum boonam Israelam goqkum bov bibwqdo, “Goqkum kunum nyi tulu lvgab ngo asaq nyi ngamkam mwwgab goqkum tayin.”

⁹Deela soq yvnbo tuun-mee ngv hoo nyoro svdin mwlwngv haal lyomeq twqto.

¹⁰Mwwg rvkybo nyi tulungv nyiqca do; bulv hog akkam cengma; bulv cooikab doonbo iky tulungv; bulv pwma dvn, gilw-gejaml yuma moodu dvn, yubnam mam dvb aby dvn.

¹¹Iky tulungv vcjaqb dwnw dvn; bulv nywywngam xumt maadwn. Hvbmabde bulv cenglaq maanbo sviya rvkybo tulu hvb nyidwn; bulv mwlwngv at atwg lamtab wdwn, mwlw jaqkv mwwg at atwg niqtuq lingtwq koob nyidwn.

¹²“Haato,” bulv bedo, “Ngam opo loq kaapa mvtwb; opo pootuqkam twwg dvl ngulv atv twwdeq sutju; hoo soolo sam vcjaqb xibin yaadwb aaram mam alyatayin.”