Read Nyishi AIJAYA 59 Bible Online

AIJAYA 59 - Nyishi bible

AIJAYA 59

¹Kaato, hoqham ywwlin dvb, At Swg alaqkv otu maadwb, ho hoqham tapa dvb, mwwg nyurungv tanga maadwn;

²hvbmabde nulug nyixiaqnam tulungv nul gvla nulug Pwnbo pengko lo mvpin-mvra paku, hoo nulug nyicv mwwg nyuqm mam kvs dvb mvpa ku hoqgab mwv tapa ma.

³Hoggab nulug alaqkv ywlw twwnum hoo nulug lvqcw tulungv nyixiaqdo; nulug nvbcwrv xaalyo lyopa ku; nulug lyolv bec-beya bedo.

⁴Nyi akkam jvqtw ho kvtaq dvb haama; nyi akkam pvvb bekjaqb nyima; bulv asar dvb mvnyi-moiyu ko ho hingw dvn, bulv vm mvvdo, bulv vs-axaqkam mwo coodwn hoo nyixiaqkam dwrbuqdwn.

⁵Bulv cumdwq baqnbo tulug pwpam gubdwn; bulv apa peedwrg gaalo taasinam sordwn; mwwg pwpam dvnbo tulungv sidwn, hoo hoq pwp ham nyumdup yin bortangam garlinum.

⁶Bulug cumnam mam vj hvb koojiqram; nyi tulungv bulug atwg mvnam hoqgv bulug gvvngam kootum nyoram. Bulug nyis nyinamv nyixiaqnam mam nyidwn, hoo kwr-korwb nyinamv bulug alaqho doodwn.

⁷Bulug lvpiangv almanwb xardwn, hoo bulv nyebia jaqb svswqbo nyiingam ywlw twwtab xardwn; bulug mwwnamv mwwxiaqnam mam mwwdwn; hemp maanam mvla mucu-mviyanamv bulug lamta paada ho doodwn.

⁸Swrso lamtangam bulv cengma dvn, hoo jvqtwngv bulug lamta ho dooma do; bulug lamtangam bulv tuugw-baago dvb mvpa ku; hoq lamtab wnbo tulungv akkam swrsongam cengma do.

⁹Hoqgab jvqtwngv ngulug soqgv aado do, hoo jvqtwngv ngulam ruqtinl kuma; ngulv huto gab la huuda kvla boam svqgwnam, hvbmabde kaato, kan twdwq ho, ngulv moiya-rvxa tvl wl doodwn.

¹⁰Ngulv nyiqca bov sulungam hubgaqnam hvb nyido; ngulv vnyiq dooma bov hubgaqnam hvb hubgaqdo; ngulv kanam dwqtubnam hvb aal lvpangam dwqtub do, atorbo mwlwg pengko ho ngulv nyi sinbo hvb nyidwn.

¹¹Ngul mwlwngv sutum hvb huqdwn; ngulv rinknv-rinknv pwk tulu hvb rindu dvn; ngulv jvqtw gab svqgwnam, hvbmabde hog akkam dooma do; ywwlin kodwb mwwnum, hvbmabde hoqhv ngul galoqkv aado do.

¹²Hoggab ngulug nyimurnamv noqg agaho naleq tvl doodo, hoo ngulug nyicv ngulam ceebiob kaakin do; hoggab ngulug nyimurv ngulug lvgab doodo, hoo ngulug nyixiaqkam ngulv cengdo:

¹³nyimurv, hoo At Swn haqpaqnamv, hoo ngulug Pwnbo lvgab wmin gvpel wkurnam mam, bejab-biyiql hoo tvjw maab goodu do, surnam mam la vm mvvnam gomcwram hang hoqgv goolin do.

¹⁴Lootwngv haqpaq paku, hoo dvrwq jvqtwngv aado duku; hoggab jvqtwngv nyi mwlwg kaaga deela ho dwqtup ter gob nyidku, hoo lootwngv haala ma.

¹⁵Jvqtwngv kumwq paku, hoo hiyv alman hoqgv wleqdvn mwv atv mengk dvn. At Sw sam kaapanum, hoo hoqham mwv hemp maanum ho hoqho lootw doomanum.

¹⁶Hoqho mwv nyi akkam doonam kaapa maanum, hoo swrdorxeq gob nyinum hoqho nyi akkam goorwq-gootaq dvb dook maanum; ho mwwg atwg alaqkv mwam ywwlinam mam baqa jinum, hoo mwwg dvrwq jvqtwngv mwam torg-daal doognum.

¹⁷Mwv dvrwq jvqtwngam hwwpo ho soruq gob gvnum, hoo ywwlinam mam mwwg dumpo ho lyoqdwr bopyab gvnum; mwv ree daqnam mam vj hvb koonum, hoo hwrcwnam mam kamt hvb koonum.

¹⁸Bulug nyis nyinam tulu hvbkalam, mwv nyilwq tayin, mwwg ceebio tulungam hang lingtwrnam mam, mwwg nyemaq tulungam kwly daqnam mam; soiyoq nyook tulungam mwv kwliam jitayin.

¹⁹Hoqgab dou-haaga hoqgv bulv At Swg eminam bostayin, hoo dou-caga hoqgv mwwg yuunamv lengtayin; hoggab mwv pobu tonam hvb toa tayin, hoqham At Swg dooi hoqgv miqa tayin.

²⁰“Hoo Jakub uraho hoqgv nyimur hoqgv wkurbo gab, Pvlywbo akv Jaiyon lo haatayin,” At Sw bibwqdo.

²¹“Hoo ngoqgab, soq si ngoqg bulug lvgab birnamv,” At Sw bedo: “Noqg aoho ngoqg Yal doon bov, hoo ngoqg gomcwram ngo noqg agamho vlwqnamv, noqg agam hoqgv lengpaq deema, hvbmab noqg ko hosiq tulug agam hoqgv, ho noqg ko hosiq-hosiq agam hoqgv,” “soq mood soqgv nwrba cwtam hoqgv nwrba gob,” lengpaq deema, At Sw bedo.