Read Nyishi LIBITIKAS 12 Bible Online

LIBITIKAS 12 - Nyishi bible

LIBITIKAS 12

¹At Sw Mojesnvn agam goonv begamv,

²“Israel nyiilungam agam beto, ‘Nyemv ko gvl nyega ko bwwb nyiloqkam mwn aal kvn go hudu duul dootayin. Mwnwg namc dooikam mwn dvrwq maadwn.

³‍Hoo piin deen aalam kongam vpin niqtuqkam pepaql-mux mvtayin.

⁴‍Ho mwn aal cammum leq loum gob namra haamab vrr tayin. Mwn dvrwqbo dupum-dvrab pam idaqram, ho dvrwq namlo ho haalaram, hwdlo mwnwg xeexaqnam aalv wnyi maady deedib.

⁵‍Hvbmabde mwn nyem ko bwwb nyiloqkam mwn hapta vnyi go dvrwq maab dootayin mwnwg namc dooikam mwnwg dvrwqma hvb nyitayin. Hoo mwn aal camx leq loox gob namra haamab vrr tayin.

⁶“‘Hoo hwdlo mwnwg xeexaqnam aalv wnya yukun, mwn nyega ko gab jaqkam ho nyem ko gab jaqkam, mwn kvvrwq minsko tombu haagaho vnyw nywgbo sviya ko dorg boyuqnam aky gab hoo pukum dorg nyic aky gab nyubam bwa jitayin,

⁷‍hoo mwv hoq tulu ham At Swg agaho mwnwg nyic kwly gab pwr jitayin. Ho mwnwg ui sarnam hoqgv mwn dvrwq taikun. Mwn nyega ko maalo nyem ko bwwjaqkam mwn soq pvvb tulu sam nyitayin.

⁸‍Hoo mwn sviya ko jinyi maai nyiloqkam, mwn pukum akam bo maalo anyo bo dornyi go bwatayin, dorgwn ham mwnwg boyuqnam aky gab hoo dorgwn ham nyic aky gab jitayin. Hoo nyubv mwnwg nyic kwly gab pwr jitayin, hoo mwn dvrwq taikun.’”