Read Nyishi LIBITIKAS 17 Bible Online

LIBITIKAS 17 - Nyishi bible

LIBITIKAS 17

¹Hoo At Sw Mojesnvn agam goonv begamv,

²“Aaron nvla mwwg ko tuup tulungam la Israel nyiilungam agam goog dvl bulam beto, Soq pagoq tulu sam At Sw gaml jipa ku.

³‍Israelwg nombu hoqgv hiyv lajaqkam svv hvvb dorg maalo sviya ko dorg maalo sibin dorg svmcw ura hoojaqkam ho svmcw lvvg hoojaqkam patab baloqkam,

⁴‍hoo ham kvvrwq minsko tombu haagaho At Sw xumk pirr otuqho At Swn aky lvqc gob jima baloqkam, hijum gorgiam hoq nyi ham baqm tayin. Mwv ywlw twwpa, hoo nyi ak ham mwwg nyiilug pengko ho xitaq kuram.

⁵‍Israel nyiilungv bulug pwr jinam tulu ham bulv rongo bvbin koho pwr jitayin, ho nyubv kvvrwq minsko tombu haagaho bulv hoqham At Swn bwa jitayin, hoo At Swn hoq tulu ham swrso aky gab pwr jitayin.

⁶‍Hoo nyubv At Swg yugw ho uiyam kvvrwq minsko tombu haagaho pwqyaq tayin hoo oxam At Swn sungam mvdwb partayin.

⁷‍Ho bulv xaaram uiyam pwr jipel meqgam gab bulv lokkam hoqham pwr jikuram. Soq sam nwrba xaqb bulug hotam-hotamb pvvb gob nyig nvka.

⁸“Hoo no bulam betayin, Israel nombungv jaqkam ho maalo bulug pengko ho doonbo nyoodo nyi ngvjaqkam boyuqnam akiam pwr jibnyiloqkam

⁹‍hoo ham kvvrwq minsko tombu haagaho At Swn aky jima baloqkam, hoq nyi ak ham mwwg nyiilu lvgab xitaq kuram.

¹⁰“Israel nombug nyi ngvjaqkam ho bulug pengko ho nyoodo nyi ngvjaqkam hijum dvbnyiloqkam, ngoqg nyuqmv hoq nyi ak ham ceebiob nyitayin hoo mwam mwwg nyiilug pengko ho xitaq kuram.

¹¹‍Hoggab swwgwg atorv hijumho doodwn, hoo ngo ham nulam yugw ho nulug yvjwg nyic kwly gab pwr jipa kun, hoggab hijumv swwgwg nyic kwly gab pwr jitayin.

¹²‍Hoqgab ngo Israel nyiilungam bepa kun, hiyv jaqkam nulug pengko hoqgv hoo bulug pengko ho nyoodo nyi jaqkam hijum mam dvmabv.

¹³“Israelwg nyiilu hoqkv jaqkam hoo nulug pengko ho nyoodo nyi jaqkam, nyoro gaql svdin maalo pvta mengb nyiloqkam hoqg hijum mam toopaql ked mwrbiub tvl vdinam dvto.

¹⁴‍Hoggab hog deedy-luuxig svdin hoqg swwgv hijumho doodwn: hoq hijumv hoqg swwgv. Hoqgab ngo Israel nyiilungam bepa kun, nulv hoolu deedig svdin hijum mam dvmabv, hoggab hog deedy-luuxig svdin hoqg swwgv hijumho doodwn. Hiyv lajaqkam ham dvbnyiloqkam ham xitaq kuram.

¹⁵‍Hoo nyiidu nyi jaqkam ho nyoodo nyi jaqkam hiyv atv danyib sin boam hoo dwr-pee cexnam vdinam dvbnyiloqkam mwwg vjam niixaq tayin hoo mwv atv iss lvgab gv hurstayin hoo ariyum namgub kac tvl dootayin; ho mwv dvrwq taikun.

¹⁶‍Hvbmabde mwv hoq tulu ham niixaq kama ho hurs kama baloqkam mwwg nyijongam mwv baqtayin.”