Read Nyishi LIBITIKAS 3 Bible Online

LIBITIKAS 3 - Nyishi bible

LIBITIKAS 3

¹“Mwwg akiv swrsog pwr aky gab nyiloqkam, mwv svv hvvtw hoqgv hvvb gojaqkam hoo hvvn gojaqkam aky jiyi nyiloqkam, mwv un-tar gvma boam At Swg agaho jitayin.

²‍Hoo mwv mwwg alaqkam mwwg aky jitanam dumpo ho idaqtayin hoo ham kvvrwq minsko tombu haagaho patab tayin, hoo Aaron gv ko tuup nyub tulungv uiyam bwa layil yugw taqg-taqsaqho pwqyaq tayin.

³‍Hoo swrso pwr aky hv At Swn dvnam aky jinamv, mwv hara hoqg ox mwlwngam hoo vx-aiyeqho ox doonbo mwlw ham,

⁴‍hoo kiicwr pwnyi lvgab gvvs hoqg ox tulu ham, hoo ringtaq lvgab vsinam mwv kiicwr lvgab peelin tayin.

⁵‍Hoo Aaron gv ko tuup tulungv ham yugwg boyuqnam akiam wm gudu ko wsw aoho partayin; hoqhv At Swn dvnam aky sungam bo gob nyitayin.

⁶“Mwwg akiv swrsog pwr aky gabnyilo, mwv sviya pvtw hoqgv yaap gojaqkam hoo yaan gojaqkam aky jiyi nyiloqkam, mwv un-tar gvma boam At Swg agaho jitayin.

⁷‍Mwv sviya ko dorg mwwg aky gab jidnyiloqkam, mwam ham At Swg agaho jim tayin,

⁸‍mwwg alaqkam mwwg aky jitanam dumpo ho idaqtayin hoo ham kvvrwq minsko tombu haagaho patab tayin; hoo Aaron gv ko tuup tulungv hoqg uiyam yugw taqg-taqsaqho pwqyaq tayin.

⁹‍Ho swrso pwr aky hoqg ox tulungv At Swn dvnam aky jinamv, mwv gv dorpwg oxam amy namgub, hwngtw polo alo namgub peelin tayin, hoo hara hoqg ox mwlwngam hoo vx-aiyeqho ox doonbo mwlw ham,

¹⁰‍hoo kiicwr pwnyi lvgab gvvs hoqg ox tulu ham, hoo ringtaq lvgab vsinam mwv kiicwr lvgab peelin tayin.

¹¹‍Hoo nyubv ham yugw ho partayin hoqhv At Swn dvnam aky jinamv.

¹²“Mwwg akiv sibin dorg jidnyiloqkam, mwam ham At Swg agaho jim tayin,

¹³‍hoo mwwg alaqkam hoq aky jitanam dumpo ho idaqtayin hoo ham kvvrwq minsko tombu haagaho patab tayin; hoo Aaron gv ko tuup tulungv hoqg uiyam yugw taqg-taqsaqho pwqyaq tayin.

¹⁴‍Ho mwv hoqgv aky jitayin, mwwg aky jinamv At Swn dvnam aky jinamv, hoo hara hoqg ox tulungam hoo vx-aiyeqho ox doonbo mwlw ham,

¹⁵‍hoo kiicwr pwnyi lvgab gvvs hoqg ox tulu ham, hoo ringtaq lvgab vsinam mwv kiicwr lvgab peelin tayin.

¹⁶‍Hoo nyubv ham yugw ho partayin hoqhv At Sw gab dvnam aky sungam bongv. Ox mwlw jaqhv At Sw gv.

¹⁷‍Soq si nulug hotam-hotam nwrba xaqb pvvb gob nyitayin. Nulv hoglo nyookho doojaqkam nulv oxam la uiyam dvmabv.”