Read Nyishi JERIMIYA 43 Bible Online

JERIMIYA 43 - Nyishi bible

JERIMIYA 43

¹Hwdlo bulug Pwnbo At Sw bulam betam mvdwb mwam kanam mam, Jerimiya nyiilungam soq bulug Pwnbo At Sw gomcwr tulu sam goonya yukho,

²‍Hosaiyag ko tuup Ajariya la Kariya gv ko tuup Johanan la kwr-korbo nyiilungv Jerimiyanvn benum, “No vm mvvl bedo. ‘Ijiptwb wl bolo doomabv hvl, ngulug Pwnbo At Sw nam sam betam mvdwb kanam ma,’

³‍hvbmabde Neriyag ko tuup Baruk ngulam ceeko mvdwb nam kanam paku, ho ngulam bulam meng dvb ho ngulam Bebilonwb nyuum boom dvb, ngulam Kaldiya nyi tulug alaqho gvqlwq pakun.”

⁴‍Hoqgab Kariya gv ko tuup Johanan la nyob pagbo saab tulungv la nyiilungv At Sw goonam mam tvjw maab, Juda gvdaho dooky dvb mwwnum.

⁵‍Hvbmabde Kariya gv ko tuup Johanan la nyob pagbo saab tulungv Juda gvdaho boumnam mamla nyob gvdab bulam ruqpaq kunum gvda hoqgv bulv Judaho doota kub wkur kunbo tulungam nookumnum-

⁶‍nyega tulungam, nyem tulungam, ko hury tulungam, lvpw atwg nyem ko tulungam, hoo nyiicwr-cwrxiam hiyam rao bo kepten Nebujaradan Sapan ko tuup, Ahikamwg ko tuup Gedaliag alaqho gvqlwq pel wleqnam mam; nyiqry benbo Jerimiya hoo Neriyag ko tuup Baruknvn kam bool wgnum.

⁷‍Hoo bulv Ijipt gvdaho haanum, hoggab bulv At Sw goonam mam tvjw maanum. Hoo bulv Tapanes ho haaknum.

⁸‍Ho At Swg gomcwrv Jerimiyanvn Tapanes ho haanum:

⁹“Noqg alaqho wlw pwt booloq naato hoo hoq tulu ham Parog lvpw namlog Tapanes haagaho Juda nyi tulu kaadwb kvsil apto,

¹⁰‍hoo bulam beto, ‘Soq sib Israelwg Pwnbo, nyiit At Sw bedo: Kaato, ngo Bebilonwg lvpw at Nebukadnejjar, ngoqg nyerangam naal hoo kanam tayin, hoo ngo mwwg lvpw pwqlw doogwngam soq ngoqg kvsil apnam wlw tulug aoso mvl aptayin, hoo mwwg xinam lvpwngam mwv bulug aoso tomlup doog tayin.

¹¹‍Mwv haalayil Ijipt gvdangam jwwtayin, ho dooi-palam lvgab sim deenam mam hoq tulu ham sim tayin, ho nyuum boodynam mam nyumwb bootayin, hoo lyoqr orioq lvgab siyin dvn hoq tulu ham lyoqr orioq lvgab sim tayin.

¹²‍Ngo Ijipt gv pwnbog namlongam wm rwlwq tayin, hoo mwv bulam gux tayin hoo nyumwb bool wgtayin. Hoo mwv Ijipt gvdangam sviya rvky bov hoggub mwwg vj lo tagam-yanam mam puxaqnam hvb puxaq tayin, hoo mwv hoq gvda hoqgv swrsob wleq taikun.

¹³‍Mwv Ijipt gvdag Heliyopolis ho pwlw soogw tulungam jwwdub tayin, hoo mwv Ijipt gv pwnbog namlo tulungam wm lvgab rwlwq tayin.’”