Read Nyishi JERIMIYA 47 Bible Online

JERIMIYA 47 - Nyishi bible

JERIMIYA 47

¹Paro Gajangam nyob paa maatab Palistan nyi tulug pagoq gab At Swg gomcwrv nyiqry benbo Jerimiyanvn haanum.

²“Soq sib At Sw bedo: Kaato, issiv nyoodum toloqkv burl tolin do, hoo hoqhv vcjaqb topoq-toloql tol tayin; hoqhv gvda mwlwngam hoo hoqho doonbo mwlwngam topw tayin, bopam mamla hoq uraho doonbo mwlwngam topw tayin. Nyiv sogoq goqlin tayin, hoo gvdaho doonbo mwlwngv sogoq kiirl xabtayin.

³Mwwg svpur tulug cumdinam mam, mwwg ceriot tulug hib-hiby xaanam mam, bulug ceka tulug duqdinam mam, tapa peel, ann-ab tulungv bulug ko tulungam kookuram, laanyi maanbo tulungv bulug alaqho dootayin,

⁴hoggab Palistan nyi mwlwngam twrm dvb hoq aalv hoodu do, Taiyar la Sidon hoqgv svka bo vx-ceram mvpaql mutum tayin. Hoggab Palistan nyi tulungam la, Kaptor soiyoqg boumnam mwlwngam At Sw twryum do.

⁵Tuqxo loolnamv Gajag aoho haapa ku; Askelonv yuupaq paku. Bulug lywpa ho boumnam tulunga, hog hwd oyu go no atv un mvgwl dootayin?

⁶Oa, At Swg lyoqr orioqkv! Hog hwd oyu go no cooikab dootayin? No atv noqg wrw urab haato; cooikab hoo doonu to!

⁷Hoggub si cooikab dooiyin dvn hwdlo At Sw hoqham nyim dvb jik bvnyiloqkam? Askelon gvla sa-svlog suguram ceeko yikho mwv hoqham xuqlinl ap pakun.”