Read Nyishi NYIX-RIINAM 5 Bible Online

NYIX-RIINAM 5 - Nyishi bible

NYIX-RIINAM 5

¹At Swa, mwwpa tvb, hoggv ngulam nyipa kun; kaagab to hoo ngulam xima dvb mvnam mam kaato!

²Ngulug otungam nyi kooxnam tulungv naapa ku, ngulug nammam nyoodo nyi tulungv doog paku.

³Ngulv ab dooma bo hopinb nyipa ku; ngulug ann tulungv xwwmy hvb nyipa ku.

⁴Ngulug iss twwnam mam ngulv kor jidwb nyiky dvn; ngulv svvdangam rvdwb nyiky dvn.

⁵Ngulam ruqmin gvnbo tulungv ngulug lwwpo si doodo; ngulv ngadku; ngulam doonu dvb jikma.

⁶Dvsam naleqgo naadwb, ngulv Ijiptam la Assiriyangam alaq gaadwn.

⁷Ngulug ab tulungv nyic nyinum, hoo bulv dookma; hoo ngulv bulug nyixiaql nyigongam baqya dvn.

⁸Nyera tulungv ngulug ao si pvvb bwwl doodo; ngulam bulug alaq hoqgv naalinbo akkam dooma.

⁹Ngulug swwgam ludum tvl ngulv ngulug dvsam naadwn, hoggab deexa-rara lo lyoqr orioq doogam gab.

¹⁰Dwr kano lvgab oggul gunamv ngulug gv vpinam pwcw xvwrnam hvb og do.

¹¹Jaiyon lo nyem tulungam humlil nyigdo, Judag bopam tulu lo dvn nyijwr tulungam humlil nyigdo.

¹²Bulug alaqkv lvpw atwg ko tuup tulungam paqyinam; nyi axa tulungam modu duul kaatam kuma

¹³Nyega yaapa tulungam nwwteql cvngpar ho dux xumb do, hoo nyega ko tulungam svvda vgwg niikumho jaatinum.

¹⁴Nyekam tulungv bopam toggoqkam wleq paku, nyega yaapa tulungv bulug rwwxw-gunggangam apaq paku.

¹⁵Ngulug hvvjw soqg hwnyir-hvmarv ponyi paku; ngulug noso soonamv nyix-riinam gob nyikub paku.

¹⁶Ywr dumtupv ngulug dumpo soqgv yoql paku; ngulam vrrv ku, hoggab ngulv nyic nyipa ku!

¹⁷Hoggab ngulug hangv soqgab vc paku, soq pagoq tulu gab ngulug vnyiqkv nyiqmv paku,

¹⁸hoggab Jaiyon puutungv dooxa-xaaram do; Jekel tulungv hoq aoho gaqmin yvdo.

¹⁹Hvbmabde, At Swa, no nwrba gob pvvb bwwl doogdvn; noqg pwqlw dootamv hotam-hotam namgob dooyu dvn.

²⁰Hoggub yu no ngulam nwrba gob mwwpa kuma dvn, hoggub yu no ngulam hwd aal jaqgob haqpaq pakun?

²¹Noqgab ngulam bookur tukub, At Swa, ho ngulam bookur tukub! Kolwg hvb ngulug aal tulungam nyidar tukub-

²²hvbmabde ngulug lvgab noqg hang lingtwr twryanamv, doomin gvknv no ngulam luduml haqpaq looda paku.