Read Nyishi IJIKEL 41 Bible Online

IJIKEL 41 - Nyishi bible

IJIKEL 41

¹Ho mwv ngam dvrwq namlo urab boolwqnum hoo swwrwngam xikanum. Taqg-loosaqb swwrw tulug hoqg taqtv ax kiubitnum.

²‍Hoo haagag taqtv cam kiubitnum, hoo taqg-loosaq hoqg haaga cwqcv ang kiubitnum. Hoo mwv hoqg wrw aasongam xikanum, hoqhv campy kiubitnum, hoo hoqg taqtv camnyi kiubitnum.

³‍Ho mwv wrw urangam hoo haaga swwrw tulungam haabnv xikanamv, hoqg wrwngv vnyi kiubitnum; hoo haagangv ax kiubitnum; hoo haagag taqg-loosaq cwqcv kvn kiubitnum.

⁴‍Hoo mwv wrw aasongam xikanamv, camnyi kiubit, hoo hoqg taqtv camnyi kiubitnum, wrwngv wko-wpeq dvb nyinum. Hoo mwv ngam benum, “Soq si Dvrwq Kwrwqbo Dook.”

⁵‍Ho mwv dvrwq namlog cwqcam xikanum, dvrwq namlog bviywr-bvcar hoqg jwwkamv ax kiubit, hoo bviywrg pwqlwg taqtv vpy kiubitnum.

⁶‍Hoo bviywr pwqlw tulungv namcanam (namhonam) oumv, akwn aoho akwn mvcanum, namcanam (namhonam) vxiv cammum gogaqb wrw doonum. Dvrwq namlog pwqlw cwqcam taqg-loosaqb kwtwngv tornum, ho hoq tuluhv dvrwq namlog cwqcam torgw dvb nyimanum.

⁷‍Hoo hoq aob pwqlw mvcanam tuluhv taqt yaiyanam, hoggab dvrwq namlog aob mvcanamv dvqsin-dvqyin daqcanum. Hoqgab dvrwq namlog aongv nyosa taqt jaqnum, hoo namcanamv (namhonamv) ako jaq hoqgv lvpa namcanam (namhonam) mam daqpeq layil mwlwg namcanam (namhonam) ao namgub daqcanum.

⁸‍Ngo kaat gvl dvrwq namlog taqg-loosaq mwlwngam baag taqt jaqdvb mvcanum; bviywr hoqg pwqlw tulug rwwdangam xikanamv rapeq daagwb ax kiubit aasonum.

⁹‍Bviywrg pwqlw lvvgwg cwqc jwwkamv ang kiubitnum. Bviywr pwqlw tulungv la dvrwq namlog pengko ho rooto bo nyosangv doonum hoo

¹⁰‍pwqlw akwnwg taqtv camnyi kiubitnum hoqhv dvrwq namlongam taqg-loosaqb muiyum tvl doonum.

¹¹‍Hoo bviywr pwqlw tulug viyap pam rooto bo nyosa daiyab roqkonum, viyap yabgwn hv nyoodum daiya ho doonum, hoo akwn nyooko daiya ho doonum. Hoo rooto bo nyosag taqg-loosaq taqtv ang kiubitnum.

¹²‍Hoq nammv dou-haaga daiya ho vp-vpwb baag haagag taqtv camkvn kiubitnum, hoo nam hoqg taqg-loosaq cwqcig jwwkamv ang kiubitnum, hoo hoqg aasongv cam kiya kiubitnum.

¹³‍Ho mwv dvrwq namlongam xikanum, hoqhv lwwg kiubitnum; hoo nam hoqg haagangv la cwqc tulug aasongv lwwg kiubitnum;

¹⁴‍ho dvrwq namlog dou-cagag haaga taqtv kam lwwg kiubitnum.

¹⁵‍Ho mwv nam hoqg haagab tuunbo baagam la langkwg taqg-loosaqb doonu ko tulug aasongam xikanamv lwwg kiubitnum. Ura jaqg wrwngam la haaga baagam xikanum,

¹⁶‍haaga dwqtam mamla goqnyo bo pupum tulungam hoo doonu ko oumg taqg-loosaqkam, haaga dwqtamg yvbgw svvdangam haty hoqgv pupum ao namgub (ho pupum tulungam mutumnum),

¹⁷‍viyap aongam, ho ura jaqg wrwngam kam hoo lvvg hoqkam kam xikanum. Hoo cwqc urangam kam hoo lvvgam kam xij akinam xijnum.

¹⁸‍Hoqhv cerubim mamla pvng svvn tulungam mwiyw-mvcil mvpnum, pvng svvnv cerub vnyig pengko ho doonum. Cerub vx-cwrv nyuqm vnyi gogaqb baqnum:

¹⁹‍nyia ko nyuqm hvb nyinbo ak pvng svvn taqcgon ho doonum, hoo sony nyot nyopa akwg nyuqm hvb nyinbo ak pvng svvn taqcgon ho doonum. Hoq mwiyw-mvcnam tuluhv dvrwq namlo nvmpwngam dooiyiknum.

²⁰‍Nam haty hoqgv viyap ao namgub, cerubim mamla pvng svvn mwiyw-mvcnam mam aiyin lvkin dvb wrwg cwqc tuluho mwlwq tvl doonum.

²¹‍Wrw urag yvbgw tulungv bubdwr vpynum, hoo Dvrwqbo Wrwg agangv meeg luukinum

²²‍yugwg svvdag aongv oum kiubit, aasongv vnyi kiubit, hoo taqtv vnyi kiubitnum. Hoqg gamb tulungv, hoqg doopiv, hoo hoqg cwqcv svvdangam mvnum. Mwv ngam benum, “Soq si tebolv hv At Swg agaho doodwn.”

²³‍Wrw urangv la Dvrwqbo Wrw ho viyapv yvbnyi go doonum.

²⁴‍Hoq viyap yvbnyi yvbnyiv taqg-loosaqb kuqpin-kuqra dvb mvnum.

²⁵‍Hoo wrwg viyap tulug aoho cerubim mamla pvng svvn tulungam mwiyw-mvcnam mam mwlwql apnum, hoq hvbkalam cwqc tulu hookam mwlwqnum. Hoo lvvgwg haagangam svvtaq tuulup tvl apnum.

²⁶‍Hoo hoqho goqnyo bo pupum tulungam la pvng svvn tulungam taqg-loosaqb baag cwqc tulungam, hoo dvrwq namlog bviywr hoqg pwqlw tulungam, la svvtaq tuulupnam mam mwlwq tvl apnum.