Read Nyishi IJIKEL 5 Bible Online

IJIKEL 5 - Nyishi bible

IJIKEL 5

¹“Hoo no, nyia ko tuupa, hvreqbo lyoqr orioqlo daag naato. Dum reqnbog yoqc hvb hoqham noqg dumpo dummam la nvmmam reqnto. Ho jaakanan lo ak naag dvl dummam xipin-xira to.

²‍Hwdlo naareqnum aalv wnya yukam, no dum pommum deen ham bopamg pengko ho wm parto. Hoo dum pommum deen ham bwwlayil lyoqr orioq hoqgv bopam taqg-loosaqho twqmwqto. Hoo dum pommum deen ham dooiho hurs-hurtar to, hoo ngo lyoqr orioqkam puseq tvl bulam ruqmin gvtayin.

³‍Hoo no dumlo anyo go meeg naag dvl hoo ham noqg vjho hiqgab to.

⁴‍Hoo hoqgv no meeg naalin gvdwl hoq tulu ham wmho hurlwql hoq tulu ham wm parto. Hoq hoqgv Israelwg nombu mwlwho wmv gulin tayin.

⁵“Soq sib Pwnbo At Sw bedo: Soq si Jerusalemv. Ngo mwnwn nyob tulug ra lvpaho doom dvb mvpan, mwnwg taqg-loosaqb nyook tulungam dooyum mvpan.

⁶‍Hoo mwn ngoqg pvvb tulungam ceekol taleq layil nyic nyiangam nyob asaqkam hilayab nyipa ku, hoo mwn ngoqg gamlam ceekonv nyook dooyum bo tulungam hilayab nyinum; hoggab bulv ngoqg pvvb tulungam haqpaqnum hoo gaml bepkob nyima-wmanum.

⁷‍Hoqgab soq sib Pwnbo At Sw bedo: Nulam nyob dooyum bo tulungam hilayab nulv hentwr hendwn, hoggab hvbnyiloqkam nulv ngoqg gaml bekwb nyima-wma ho ngoqg pvvb tulungam tvjw ma, hoo nulam dooyum bo nyob tulug pvvb tulug bek bvkam nyil swwma,

⁸‍hoqgab soq sib Pwnbo At Sw bedo: Kaato, ngo, ngo jijaqkam nulam ceeko dvn. Hoo ngo nulug pengko ho nyob tulug kaagaho pw-hwwtayin.

⁹‍Hoo nulug bulum dvb nyigam gab ngo nulug lvgab nywywngam nyika maanam mam nyitayin, hoo hoqham ngo nywywngam lokta nyitin kuram.

¹⁰‍Hoqgab ab tulungv bulug atwg ko tuup tulungam bulug pengko lo dvtayin, hoo ko tuup tulungv bulug ab tulungam dvtayin. Hoo ngo nulug aoho pw-hwwtayin, hoo swwl doon bo nulug akgon ngo dooiho cwrsaq-bvraqb mvtayin.

¹¹‍Hoqgab, ngo swwl doonbo, Pwnbo At Sw bibwqdvn, hoggub nyijaqkam nulv ngoqg dvrwq namlongam nulug kac-tanyiaql nyinam lvgab almab hoo bulum dvb mvpa ku, hoqgab ngo nulug lvgab dookram. Ngoqg vnyiqkv nulam kvvmw ram, hoo ngo aya mwwpa kuram.

¹²‍Pac oum deen nulv dooi-palam ho sitayin hoo nulug pengko ho nulam dwr-kanho twrtayin; Pac oum deenam lyoqr orioq lvgab nul mwlwg taqg-loosaqho mengtayin; hoo dooi lvgab cwrsaq-bvraq dvb mvtayin hoo bulam lyoqr orioqkam puseq tvl bulam ruqmin gvtayin.

¹³“Hoqgab ngoqg haaxaqnam mam hoq hvb nyil xumtayin, hoo ngo ngoqg hang lingtwrnam mam bulug aoho mvlin tayin hoo ngo atv atam xumt tayin. Hoo bulv cengtayin ngo At Swv hvl- ho ngo ngoqg kaaneqnam mam agam goopa kun-hwdlo ngoqg hang lingtwrnam mam ngo bulug aoho pvvnam.

¹⁴‍Hoq aoho, ngo nulam dooxa-xaaram dvb mvtayin hoo taqg-loosaq nyob tulungv nulam bej-bepar bikum tayin hoo wpeq bo mwlwg kaagaho nulv koor-kaanyi gob nyitayin.

¹⁵‍Hwdlo ngo hang lingtwr layil nulug aoho yolu dul pw-hwwikam, hoo hang lingtwrl yolu ruqyikam, nulam bej-beparl hoo dooxy-xeetayin, nulug taqg-loosaqg nyob tulungam beol belam hoo koor-karaq tayin.— ngo At Sw su, ngo sam bepakun—

¹⁶‍hwdlo ngo sig-dorgv kurumbo dwr uppuqkam, twrdy bo uppuqkam nulam ceeko mvdwb kanam yin, hogloqham ngo nulam twrm dvb kanam tayin, hoo hwdlo ngo dwr kano aoho hvraqb dwr kanongam vigo haam tayin hoo nulug dvs-twwsam bvqlwq mvmab mutuml aptayin.

¹⁷‍Ngo dwr kanongam la dwr-peengam nulam ceeko mvdwb kanam tayin, hoo hoq tuluhv noqg ko huriam naareq tayin. Dooi-palam mvla ywlw-twwnamv nam wpeq tayin, hoo ngo noqg aoho lyoqr orioqkam bwa tayin. Ngo At Swv su; ngo sam bepakun.”