Read Nyishi DANIYEL 12 Bible Online

DANIYEL 12 - Nyishi bible

DANIYEL 12

¹“Hoq moodam koibo lvpw atv Maikel daqrab tayin, hv noqg nyiilungam rvky tayin. Hoo hoqho vs-axaq moodv haatayin, hoqhvb nyinamv nyob tulug swwlin yuk hoqgv sija godab nyika maata. Hvbmabde hiyvg eminam kitap ho xeql apnam mam kaapanam tulungam, hoq moodam noqg nyiilungam naalin taikun.

²‍Hoo naleqgo swcwg diimwr uraho yubk bov huurab tayin, tuugin kuiyum xaqb, hoo tuugin hvnyw bvla kuiyum swwgwb ximanam hentwram hentayin.

³‍Hoo hiyv pumb rwnam tuluhv doa aog huto hvb huutayin; hoo hiyv dvrwq lootwb wkur pakun, hv takar tulu tvvb nwrba cwtam hoqgv nwrba gob dootayin.

⁴‍Hvbmabde Daniyel, no, twrmnam moodv haama deedib, gomcwram mutumto hoo kitap ham morxtubl mutum to. Naleqgo nyiingv wkur-wxy tayin, hoo cenglaqkv vigo swwca tayin.”

⁵‍Ho Daniyel, ngo, kaanum, hoo kaato, vnyi gota daqnum, akwn hv kucwg soq kvtin so hoo akwn hv kucwg aloq kvtin ho daqnum.

⁶‍Hoo hiyv kucwg aoho daqn bov, pud vj koonbo nyi akam nyi ak benum, “Soq swrdorxeqb nyinam tulu si hwdlongam nyitwr taikun?”

⁷‍Hoo pud vj kootwl kucwg aoho daqn bog benam mam ngo tapanum; mwv mwwg lvqbwq alaqkam la laqc alaqkam doa yaab icanum hoo nwrba gob swwl doonbo eminho mood ak, moodam vnyi hoo moodam papo gob nyitayin, hoo hwdlo dvrwqbo nyiilungam leenam-parnam huqlwngv nyiyum yukun soq mwlw pagoq si nyiyum taikun.

⁸‍Ngo tapanum, hvbmabde ngo tacin maanum. Ho ngo toxnum, “Ngoqg bir ata, soq pagoq tulug niqtuqkv hoggv?”

⁹‍Mwv benum, “Noqg lamtab wto, Daniyel, hoggab gomcwr tulungam mutum pan hoo ham vtwr moodv haama deedib morxtubl mutumnum.

¹⁰‍Naleqgo atv atv dvrwq dvb darxaqtayin hoo atv atv puulu dvb mvtayin hoo raxor tayin, hvbmabde nyic-nyiabo tulungv nyic jaqb nyitayin. Hoo nyic-nyia bov akjijaqkam cenglaqram, hvbmabde pumb rwnam hv cenglaq tayin.

¹¹‍Hoo lwxiam boyuql aky jinam mam naapaq de mood hoqgv naalayil bulum-kac dvb nyil dooxa dvb mvknamv aal 1,290 gob nyitayin.

¹²‍Hiyv 1,335 aal hvvcnam gob kaayal doon bov xinam jaqkv.

¹³‍Hvbmabde vtwr namgub noqg lamtab wto. Hoo no doonu tayin hoo vtwr aal namgub nam jibwqko nyook ho daqtayin.”