Read Nyishi HOSIYA 4 Bible Online

HOSIYA 4 - Nyishi bible

HOSIYA 4

¹At Swg gomcwr sam tato, Israelwg ko tulunga, hoggab At Sw gvdag doonbo nyi tulu lvgab haqxoq minsdo. Hoggab dengky bo la tumab aby bo dooma, hoo nyook si Pwnboam cengma;

²Hoqho dingnamv, xaalyongv, mengnamv, dvconamv, hoo bwwxinamv; bulv hog mwlwngam mvpiado, hoo mingsiq-mingsiql mengdu do.

³Hoqgab gvdangv nyix-riido, hoo hoqho doonbo mwlwngv mwwdwq do, hoo nyorog svdin ngvkam hoo doag pvta tulu ngvkam, hoo sa-svlog ngui yamkam naapaq paku.

⁴Hvbsujaqkam hiyv ak nvkam timb maabv, hoggab nyub tulunga, nulug lvgab ngo timb dvn.

⁵Nulv aalam dwqtup tayin; nyiqry kaanbov kam aiyam nulug lvgab dwqtup tayin; hoo ngo noqg annam twrtayin.

⁶Ngoqg nyiilungv cengma ko-gab twrdwn; hoggab nulv cengdy sanam mam haqpaq paku, ngoqgab nulug nyub swwnam mam ngo haqpaq pakun. Hoo Pwnbo pvvbam nulv mwwpa kuma ko-gab, hoggab ngo kam nulug ko ngam mwwpa kuram.

⁷Bulv hog hwd mvqlwb swwca dvn, hwd kalam go bulv ngam ceekol nyic nyinum; ngo bulug yuunam mam hvnyw dvb kwly tayin.

⁸Ngoqg nyi tulug nyic hoqgv bulv dvdo; bulug nyixaq gab bulv rvvsw roogum do.

⁹Hoo hoqhv nyub nyinam hvbkalam nyiilungv nyitayin; bulug nyij-muj gab bulam ngo laqm-baqm tayin hoo bulug bon nyinam hvbkalam nyilwq tayin.

¹⁰Bulv dvtayin hvbmabde xumtram; bulv nyimwl sootayin, hvbmabde hojar-jaram, hoggab bulv At Swn haqpaq paku hemp dvb

¹¹nyimw dvb, opo, hoo nitbo opo twwdwb, hoq tuluhv cenglaqkam naapaq dvn.

¹²Ngoqg nyiilungv tacaq tan sookin gab hwwgaq do, hoo bulug beqnyiangv bulam gamt tolin mvgdo. Nyimw bo yal akv bulam booxar paku, hoo bulv nyimwl soomin dvb bulug Pwnboam apaq paku.

¹³Bulv puutu aoho pwr jido hoo yorn tuluho boyuqnam akiam, swwreq svvn, svvn gotwq, hoo swwxw svvn niikum ho jikar do, hoggab hoq tulug doonyiumv aldo. Hoqgab nulug nyem ko tulungv nyimwl soomin do, hoo nulug haabo nywxwngv bwwxin do.

¹⁴Nulug nyem ko tulungv hwdlo nyimwl nyidu yin, ho nulug haabo nywxwngv hwdlo bwwxin bwwdu yin ngo laqm-baqm jiram; hoggab nyega tulungv atv yocu-yabio bo tulug lvgab wmin gvdo hoo yocu-yabio bo tulug xumnam lvgab pwr jimin gvdo, hoo nyi akv cenglaq mabnyiloqkam ocu-aiyanamv haatayin.

¹⁵Israela, nulv nyimwl soomin jaqkam, Judangam nyimur mvm dvb jimabv. Gilgal uralo haama bv, ho Betaben bvkam caama bv, hoo “At Sw kaaya tvka hvl dingmabv.’’

¹⁶Svv hvvgur tamynam hvb, Israelv tamy do; rooto bo nwmw mwwtaqho sviya ko akam At Sw bulam dvm dvb hootayin yv?

¹⁷Iprayimv murty tulu lo nyiba do; mwam vpwb apaq to.

¹⁸Hwdlo bulug twwnamv twwnya yin, bulv atam nyimw ko ho jido; bulug pvvb bvvl doogbo tulungv tumab hvnyw aby do.

¹⁹Dooi alapv bulam tumtwl ap pakun, hoo bulug pwr jigam gab bulv hvnyw-moolw tayin.