Read Nyishi HOSIYA 6 Bible Online

HOSIYA 6 - Nyishi bible

HOSIYA 6

¹Haato, kuj ngulv At Sw gab wkur nuj; hoggab mwv ngulam mwpdvb, ngulam mwv mvnyiaq pakun; mwv ngulam un puujdvb, mwv ngulam un mvg pakun.

²Aal loonyi kokwngam mwv ngulam nitdvb turab mvtayin; aal loum aalam mwv ngulam gorab mvtayin, ho ngulv mwwg agaho turl dootayin.

³Kuj ngulv cengtuj, kuj ngulv At Sw cengdwbjaq nyituj; hoggub komc mikangv kvxaq maadwn mwwg lvvgwb wnamv nyitayin; dug nyodongv swcwngam iss hoiyaqnam hvb mwv nyodo hoa pan hvb ngulug dookub haatayin.’’

⁴Iprayimv, nulug lvgab ngo hoggv nyitayin? Judanga, nulug lvgab ngo hoggv nyitayin? Nulug abynamv arkomc haapam hvb nyido, gumsiv nyebia jaqb wxanam hvb nyido.

⁵Hoqgab ngo nyiqry benbo tulu lvgab bulam patabnum; ngo bulam ngoqg agam gomcwr lvgab mengnum, hoo ngoqg pw-hwwnamv huto hvb huul wdwn.

⁶Hoggab ngo tumanam abiam mwwby do hoo pwr jinam mam ma, boyuqnam aky jinam mam alyadwn Pwnbog cenglaqkam cengnamv.

⁷Hvbmabde Adam hvbkalam bulv birwl apnam mam pvvb juqbonum; ho bulv ngam mwwjw looda maab nyinum.

⁸Gilead bopamv almab nyinbo tulungv, hijum lvgab sibiq biqdu do.

⁹Naalil naareqbo tulungv nyi akam kvsil tooiya namhvb, ho nyub tulungv lvkin gob nyibam do; bulv Sekem lamta ho mingdu do; bulv nyic nyil swwdo.

¹⁰Israelwg nombu uraho al looda maan ak ngo kaapa paku; Iprayim lo nyimw bov doodwn; Israelam kacdvb mvknum.

¹¹Hoggab hwdlo ngoqg nyiilungam nvtaqnam mam ngo jikur yikho, Judanga, nam kam, vly naadam xuqlin pakun.