Read Nyishi AMOS 6 Bible Online

AMOS 6 - Nyishi bible

AMOS 6

¹Jaiyon ho jampwb doon bov, hoo hiyv Samariyag puutu ho svqtinl swrsob doon bov mwwdwqto, Israelwg dvparv nyook mwlw so otuqcob xinam nyiib haadwn!

²Kalne jisiqto, hoo kaaka to, hoo hoq hoqgv koibo Hamatwb wmto; ho Palistanwg Gat nagub imto. Nulv hoq lvpw-haty tulu ham alyad nvi yv? Ho bulug gvdangv nulug gvdangam koi sviya nvi yv,

³nulv ciqcaq-bviyaq aalam aado kiyob pvvpaq paku hoo kwr-korbo moodam ogumb baqa pak nvi yv?

⁴“Hiyv kwlwq-kvlaqbo kartaq aoho karnbov hoo bulug kartaq ho bulv atv vjin-ata bo mwlwngv, hoo sviya kongam sviya pvtw hoqgv dvnbov hoo pvvcumnam sviya pengko hoqgv sviya kongam dvnbov mwlwngv mwwdwqto,

⁵hiyv rwwxw-gungga yal lvgab jaama bo beminam bedwn hoo Debid hvb bulv atv rwwxw-gungga mvnnan tulungam mvlin dvn,

⁶hiyv pukaq lo opongam twwdwn hoo dengky bo kuty lvgab bulv at atam nyedar darxaq dvn, hvbmabde Josapg ocu-aiyanam mam mwwdwq maadwn!

⁷Hoqgab bulv otuqcob nyuum boonam pengko hoqgv wco bov, hoo bulug dvmin-twwminl soominam tulungv nyiita yukun.”

⁸‍Pwnbo At Sw mwv atv bir pakun, mwlwg Pwnbo, At Sw bibwqdo: “Ngo Jakubg larnam mam haqdwn, hoo mwwg cwwgw nan tulungam oyum dvn, hoo ngo bopam mam la hoq uraho doonbo mwlwngam jipaq tayin.”

⁹‍Hoo nam namkin ho nyiv wyw go doonyu bov, bulv sitayin.

¹⁰‍Hoo hwdlo nyiin-orum akgon, hiyv mwam svma liid bo akv kuty lvgab hwrxaql, mwwg alo tulungam nam hoqgv naarabl lvvgwb baqlin dvn, hoo mwam bedwn hiyv nam soqg lwkwngv, “Sija godab nulug lvgab ak ta dood yv?” Mwv betayin, “Dookma”; Hoo mwv betayin, “Cooikab dooto! Ngulv vcwr gokam At Swg eminam bepa yooju.”

¹¹Hoggab kaato, At Sw gaml jido, hoo nam namtbo tulungam vmwq-yumgub mudup dvb nyitayin, hoo namnyo bo nammam vcwr-vcwr gob mvtayin.

¹²Svpur tulungv lwwn aoho xard nvi yv? Lwwtaq aoho nyiv svv lvgab rongo tuqd nvi yv? Hvbmabde nulv jvqtwngam cumdwq gob mukub paku hoo lootw aaxiam tvcw svvpo gob mukub paku-

¹³nulv Lo-debar ho hiyv hemp dvn, ho bedwn, “Ngulv ngulug atwg ator hoqgv maaiyv Karnaim mam ngulv atgab naareqnum?”

¹⁴“Hoggab kaato, nulam ceeko mvdwb nyob hoolu ak daqrab mvtayin, Israelwg dvpara,” mwlwg Pwnbo, At Sw bibwqdo; “hoo bulv nulam Lebo-hamat hoqgv Arabag pobu kucw nagub nyijab-nyiyiq tayin.”