Read Nyishi AMOS 7 Bible Online

AMOS 7 - Nyishi bible

AMOS 7

¹Soq si Pwnbo At Sw hoqgv ngam kaakinum: kaato, mwv komar takam tulungam mvlinum hwdlo swwnyiu bov raab buqlinl swwrab yukho, hoo kaato, hoq swwnyiu bo hv lvpw at akwg mvxaqko kokw so swwnum.

²‍Hwdlo bulv gvdag nwmwngam dvnyia yukho, ngo benum, “Pwnbo At Swa, anyal apaq tvb! Hoggub Jakub daqnyi tayin? Mwv vcjaqb anyo dvn!”

³At Sw soq pagoq so anyo go mwwkanam; “Soq si nyikram,” At Sw benum.

⁴‍Soq si Pwnbo At Sw hoggv ngam kaakinum: kaato, Pwnbo At Sw goqdunum wm lvgab pw-hwwdwb, hoo hoqhv vcjaqb urab gulwqnum, hoo gvdangam gutwr kunum.

⁵‍Ho ngo benum, “Pwnbo At Swa, sam naapaq tuku! Hoggub Jakub daqnyi tayin? Mwv vcjaqb anyo dvn!”

⁶At Sw soq pagoq gab anyo go mwwpanum; Pwnbo At Sw benum, “Soq si nyikram.”

⁷‍Soq siilaq mwv ngam kaakinum: kaato, sorka nan lvgab At Sw bvly toqtumnam bviywrho daqnum, mwwg alaqho sorka nan ak bvvnum.

⁸‍Hoo At Sw ngam benum, “Amos no hoggv kaapa do?” Hoo ngo benum, “Sorka nan ak.” Ho At Sw benum, “Kaato, ngoqg Israel nyi tulug pengko ho ngo sorka nan ak mvp gviyin; ngo nywywngam bulam korbol wleq kuram;

⁹Aisak murty xumkumko nyookam nyoum puum gob mvtayin, hoo Israelwg xumkumko nam tulungam haqpaqnam gob mvtayin, hoo ngo Jeroboam dvparam lyoqr orioq hoqgv ceekol daqrab tayin.”

¹⁰‍Ho Betelwg nyub Amajiya Israelwg lvpw at Jeroboamnvn pui jilwql begamv, “Israelwg dvpar pengko ho Amos nam ceekol almab nyidwb hwws paku. Gvda si mwwg gomcwr tulungam tanyi kuma.

¹¹‍Hoggab Amos bepa ku, “Jeroboam lyoqr orioq lvgab sitayin, hoo Israelv hoggub nyijaqkam mwwg gvda hoqgv aadob nyuum wtayin.’ ”

¹²‍Hoo Amajiya Amosnvn benum, “Nyiqry kaanboa, wto, Juda gvdab kenku, hoo alo dvsam dvta, hoo alo nyiqry kaal beta,

¹³‍hvbmabde, Betel so nywywngam lokta nyiqry kaal bekmabv, hoggab soq si lvpw atwg xumkum kov, hoo soq si lvpw-hatig xumkumko namlongv.”

¹⁴‍Ho Amos birwql hoo Amajiyanvn benum, “Ngo nyiqry kaanbo kama, ho nyiqry kaanbo ko kama, hvbmabde ngo sviya rvky bo akv hoo taoq svvn rongongam mvxaq bov.

¹⁵‍Hvbmabde At Sw ngam sviyangam rvkil rool yvk hoqgv goqlinum, hoo At Sw ngam benum, ‘Wno ngoqg nyi tulu Israelam nyiqry kaal beta.’

¹⁶‍Hoqgab sija At Swg gomcwr sam tato. “Nulv bedo, “Israelam ceekol nyiqry kaal bemabv, hoo Aisak gv dvparam ceekol tomswrl maabv.’

¹⁷‍Hoqgab soq sib At Sw bedo: “Noqg nywxw akv bopam uraho meqjo bob nyitayin, hoo noqg nyem-nyega ko tulungv lyoqr orioq gombub haatayin, hoo noqg gvdangam xinnan lvgab tvqnyi gob xipin sutayin; no atv-atv kacbo gvdaho sitayin, hoo Israelv hoggub nyijaqkam hoq gvda hoqgv aadob nyuum wtayin.’”