Read Nyishi JONA 2 Bible Online

JONA 2 - Nyishi bible

JONA 2

¹Kokw so Jona ngui aiyeq hoqgv mwwg Pwnbo At Swn xumnum,

²ho benam, Ngoqg vs-axaq soqgv, ngo At Swn goqnum, hoo mwv ngam birwqnum; Sux-ywlw ura soqgv ngo xabnum, hoo no ngoqg yalam tapanum.

³Hoggab no ngam iss ura jaq si joolwq paku, sa-svlog haara ura si, hoo ngam diidwr issiv hwwiyum paku; noqg iss suduq-duqn bo mwlwngv hoo noqg koijaqb iss hwqnamv ngoqg aob tobo duku.

⁴Kokw so ngo benum, ‘Ngam aado nuupaq paku noqg kaaga hoqgv; hvbsujaqkam ngo lokta noqg dvrwqbo namlo aoho kaatayin.’

⁵Issiv ngoqg swwgam naadkub hinglup paku; iss urangv ngam hinglup paku; nwmw-nwsinv ngoqg dumpongam liitu paku

⁶yorn puutug rwb tulungv. Ngo ked ho hvvc kunum hoqho ngam nwrba gob svpongv xwrtuml apnum; hvbsujaqkam no ngoqg swwgam ung hoqgv boolinum, ngoqg Pwnbo At Swa.

⁷Hwdlo ngoqg swwgv any maab nyiidu yuk ho, ngo At Swn mwwpanum, hoo ngoqg swgwnamv, noqg dvrwqbo namlo uraho hvvcnum.

⁸Hiyv niqtuq doomab murtiam xumn bongv bulv tumab abynam hingwngam haqpaq dvn.

⁹Hvbmabde ngo paqyalinco paqnam yal lvgab nam pwr jitayin; ngo hoqgv dingr pakun ham ngo jitayin. Ywwlinamv At Sw gv!”

¹⁰‍Hoo At Sw nguiyam benum; hoo nguiyv Jonanvn ked pwtw ko aoho baalin kunum.