Read Nyishi JONA 3 Bible Online

JONA 3 - Nyishi bible

JONA 3

¹Kokw so At Swg gomcwrv Jonanvn lwnyi dvb haanum, ho benam,

²“Gorabto, Nenibib wno, ngoqg nam pui beknam ham hogloq bopam hv koidvn ham sigv hvl sogoq goqpa ta.”

³‍Ho At Swg gomcwr bekjaqb, Jona gorabnum hoo Nenibib wnum. Hoq moodho Nenibi bopamv vc-loodab koinam, hoqg taqtam aal loum go wdwb nyinam.

⁴‍Jona aal loog wnam gob bopam urab haanv wrabnam. Hoo mwv sogoq goqrabnum, “Aal campy kokwngam, Nenibingv twrtayin!”

⁵‍Hoo Nenibi nyiilungv Pwnbon mwwjwnum. Mwlwngam koi yaanbo hoqgv mwlwngam anyo yaanbo nagub tuila vjam kootwl dvma-twwmab vrr rwdwb hvl bulv bir kunum.

⁶‍Gomcwrv Nenibig lvpw at dook ho wcnum, hoo mwv mwwg pwqlw hoqgv gorabnum, mwwg kamt vjam pipaqnum, ho mwv atv tuila vjam pulup tvl, mubho doanum,

⁷‍Hoo mwv Nenibi mwlwho pui ak xeqnv jilinum, “Lvpw atv la mwwg xinam ajin tulungv pvvb jilinam: Ho begamv nyiingam ho svdinam, svb-svvngam ho sviyangam hog akkam dvka mvmabv. Bulam dvnam-twwnam mam dvm mvmabv,

⁸‍hvbmabde nyiingam la svdinam tuila vj lvgab tomlup tvl, hoo bulam ator jaqb Pwnbon goqmto. Nyi vxiv mwwg alman lamta hoqgv hoo mwwg guunyi hoqgv wkur tuku.

⁹‍Hiyv cengdwn? Pwnbov mwwkurl ngulam apaq kams yv hoo mwwg vcjaqb haaxaqnam hoqgv apaq jikam suiyv, ho ngulv yuupaq maab nyikam suiyv.”

¹⁰‍Bulv hog nvkv nyinum ham Pwnbov kaapanum, bulv hoggub alman lamta hoqgv mwwkur kunum, mwv bulam ciqcaq-bviyaq tanam mam Pwnbov apaq jinum, hoo mwv hoqham nyikmanam.