Read Nyishi JONA 4 Bible Online

JONA 4 - Nyishi bible

JONA 4

¹Hvbmabde sam Jona vcjaqb al mwwpa maanum, hoo mwv haaxaqnum.

²‍Hoo mwv At Swn xuml benum, “At Swa, ngo soq sam bemanam yv hwdlo ngo ngoqg nyook ho doodu yuk ho? Hoqgab lak ngo nyebia jaqb Tarsisib kedwb nyinum; hoggab ngo cengnum no anya bvla aya mwwpa bo Pwnbov, haaxaq xaqla maadwn hoo tumab naleqb aby dvn, hoo ciqcaq-bviyaq tanam mam apaq jidwn.

³‍Hoqgab sija, At Swa, ngoqg swwg sam ngoq soqgv naapto, hoggab soq si ngoqgab sinamv turl doonam mam alyadwn.”

⁴‍Hoo At Sw benum, “No haaxaq xaqdin dood nvi yv?”

⁵‍Jona bopamg hoqgv leng layil dou-cagab wl hoo mwv atgab taabo ak mvtwl hoo doonum. Mwv hoq doonyium uraho doonum, hoggv bopamv hoggub nyin badwq ham kaadwb mwv mwwnam.

⁶‍Pwnbo At Sw svvn ak swwm dvb mvnam hoo hoqhv Jonanvn doqyumnum, hoqhv mwwg dumpo aoho doonyium mvmdvb, mwwg vs-alo hoqgv mwam ywwlin mvdwb. Ho hoqg svvn daqgam gab Jona vc-loodab hempnam.

⁷‍Hvbmabde loogwn arkomc ho, Pwnbov topum ak tolwq tvl svvnam dvxin mvnam, ho hoqhv sengnum.

⁸‍Hwdlo doonyiv caalin yuk ho, Pwnbov dou-cagag dooiyam vc-jaqb yimdvb kanamnum, hoo doonyiv Jonag dumpo ho xaadaqnum ho mwv sitabnum. Hoo mwv benum mwv siyin pa hoo benum, “Soq si ngoqgab sinamv turl doonam mam alyado.”

⁹‍Hvbmabde Pwnbov Jonanvn benum, “No svvn gab haaxaq xvqdin dood nvi yv?” Hoo mwv benum, “Vv ngo haaxaq xvqdinv, haaxaq xaqtab sul sitayin.”

¹⁰‍Hoo At Sw benum, “No svvn gab mwwdwqdo i, hoggab ham no bon nyikam ma, ho ham swwrab dvb mvkam ma, hogloq hv ai yubkin golo swwrabnum hoo ai yubkin golo yuupaq nukun.

¹¹‍Hoo ngo Nenibingam aya mwwpa kima dvn yv, hoqg koibo bopam mam, hogloq ho 120,000 nyiilungv doodwn hoo bulug lvqbwq gv hoggv laqce hoggv ham cengma dvn, hoo tuun-mee ngvkam vigo doodwn?”