Read Nyishi XINAM 2 Bible Online

XINAM 2 - Nyishi bible

XINAM 2

¹At Sw Mojes nvla Aaronnvn agam goonv begamv,

²“Israel nyiilungv bulug svmcw ho bulug ab imiq dvparam jetam torca tvl nyiicwr-cwrxiv atwg mwwlwqb mvl dootayin. Bulv kvvrwq minsko tombungam taqg-loosaqb sulu nwqyum tvl dootayin.

³‍Dou-caga daiya ho Judag dvparv svmcw mvl dootayin, ho Amminadabg ko tuup Nason Juda nyiilug hoqg peelob nyinum,

⁴‍mwwg dvpar hoqg emin xiqlwq bov 74,600 kunum.

⁵‍Hoq dvqsinho Isaakar gv nyob hoolungv svmcw mvl dootayin, ho Juar gv ko tuup Netanel Issakarwg nyiilu hoqg peelob nyinum,

⁶‍mwwg dvpar hoqg emin xiqlwq bov 54,400 kunum.

⁷‍Ho Jebulunwg nyob hoolu hoqgv Helonwg ko tuup Eliyab Jebulunwg nyiilu hoqg peelob nyinum,

⁸‍mwwg dvpar hoqg emin xiqlwq bov 57,400 kunum.

⁹‍Judag svmcw ho emin xiqlwqbo dvparv doonbo nyiv 186,400 kunum. Bulv otuqcob wco mvtayin.

¹⁰“Nyooko daiya ho Reubenwg dvparv svmcw mvl dootayin, ho Sedeurg ko tuup Elijur Reubenwg nyiilu hoqg peelob nyinum,

¹¹‍mwwg dvpar hoqg emin xiqlwq bov 46,500 kunum.

¹²‍Hoq dvqsinho Simeonwg nyob hoolungv svmcw mvl dootayin, ho Jurisaddai gv ko tuup Selumiyel Simeonwg nyiilu hoqg peelob nyinum,

¹³‍mwwg dvpar hoqg emin xiqlwq bov 59,300 kunum.

¹⁴‍Ho Gadwg nyob hoolungam Reuelwg ko tuup Eliyasap Gadwg nyiilu hoqg peelob nyinum,

¹⁵‍mwwg dvpar hoqg emin xiqlwq bov 45,650 kunum.

¹⁶‍Reubenwg svmcw ho emin xiqlwq dvpar doonbo nyiv 151,450 kunum. Bulam bulug dvqsinb wmtayin.

¹⁷“Ho kvvrwq minsko tombungam, Lebi nyi tulug lvgab svmcw pengko ho mvtayin. Bulv at-atwg dookam hoggub dooiyin dvn ham bulv mvrab tayin.

¹⁸‍Dou-haaga daiya ho Iprayimg dvparv svmcw mvl dootayin, ho Ammihudg ko tuup Elisama Iprayimg nyiilu hoqg peelob nyinum,

¹⁹‍mwwg dvpar hoqg emin xiqlwq bov 40,500 kunum.

²⁰‍Hoo mwwg dvqsinho Manasseg nyob hoolungam Pedajur gv ko tuup Gamaliel Manasseg nyiilu hoqg peelob nyinum,

²¹‍mwwg dvpar hoqg emin xiqlwq bov 32,200 kunum.

²²‍Ho Benjaminwg nyob hoolungam Gideoni gv ko tuup Abidan Benjaminwg nyiilu hoqg peelob nyinum,

²³‍mwwg dvpar hoqg emin xiqlwq bov 35,400 kunum.

²⁴‍Iprayimg svmcw ho emin xiqlwq dvpar doonbo nyiv 108,100 kunum. Bulam tommum deenwb wwm tayin.

²⁵‍Nyoodum daiya ho Danwg dvparv svmcw mvl dootayin, ho Ammisaddai gv ko tuup Ahiejer Danwg nyiilu hoqg peelob nyinum,

²⁶‍mwwg dvpar hoqg emin xiqlwq bov 62,700 kunum.

²⁷‍Hoo mwwg dvqsinho Aserwg nyob hoolungam Okranwg ko tuup Pagiel Aserwg nyiilu hoqg peelob nyinum,

²⁸‍mwwg dvpar hoqg emin xiqlwq bov 41,500 kunum.

²⁹‍Ho Naptalig nyob hoolungam Enanwg ko tuup Ahira Naptalig nyiilu hoqg peelob nyinum,

³⁰‍mwwg dvpar hoqg emin xiqlwq bov 53,400 kunum.

³¹‍Danwg svmcw ho emin xiqlwql dvpar doonbo nyiv 157,600 kunum. Bulam vtwr-anyab daayob soosin sooiyinl wmtayin.”

³²‍Soq tulu si Israel nyiilug bulug ab vxig imiq dvparam emin xiqlwq kunumv. Svmcw ho bulug dvpar mwlwngam emin xiqlwq kunam nyiv 603,550 kunum.

³³‍Hvbmabde Israel nyiilug pengko ho Lebi nyi tulungam emin xiqlwq mabwk hvl At Sw Mojesnvn gaml jinum.

³⁴‍Ho Israel nyiilungv hvb nyiknum. At Sw Mojesnvn gaml bekjaqb bulug svmcwngam bulv at-atwg mwwlwq koob mvknum, hoo nyiicwr-cwrxiv mwwg nyob hoolu dookub hoo mwwg abwg imiq dvpar dookub, bulv wrab kunum.