Read Nyishi XINAM 25 Bible Online

XINAM 25 - Nyishi bible

XINAM 25

¹Hwdlo Israel nyiilungv Sittimho dooyikho, nyiilungv Moabg nyem ko tulu lvgab yocu-yabiob nyinum.

²‍Soq tulu si nyiilungam bulam pwnbo tulungam pwr jim dvb goqnum, hoo nyiilungv dvnum hoo bulug pwnbo tulungam xumnum.

³‍Ho Israelv atv mwv Peorg Baal luukam tulwq sunum. Hoo At Sw Israel nyi tulug aoho vcjaqb hang lengnum.

⁴‍Hoo At Sw Mojesnvn benum, “Nyiilu peelo bo tulungam naato hoo bulam doonyi ho At Swg agaho paqyin to, ho At Swg vcjaqb hang lengnamv Israelwg dook hoqgv wkurl wleqtai.”

⁵‍Hoo Mojes Israelwg nyegam tulungam benum, “Hiyv bulv atv Peorg Baal luukam tulwq sun boam nulv nyiicwr-cwrxiv mwwg nyi tulungam mengtayin.”

⁶‍Hoo kaato, hwdlo bulv kvvrwq minsko tombu haagaho nyix-riidul dooyikho, Mojes la nyi dvpar mwlwngv kaapa dvb, Israelwg nyiilu nyi ak Midian nyem ak mwwg imiqho boal haagnum.

⁷‍Hwdlo nyub Aaron ko tuupwg Eleajarwg ko tuup Pinehas ham kaapanum, ho mwv nyi dvpar hoqgv gorabl wlayil mwwg alaqho nwwxo soog naanum

⁸‍hoo Israel nyi hoqg dook pwqlwb haamin gvnv Israel nyi ham la hoqg nyem ham bunyiam kepo ho nwqlwql nwwxnum. Ho swlin-momin nyinamv Israelwg nyiiluho nyingin kunum.

⁹‍Hvbsujaqkam, hoqg swlin-mominho sikbo nyiv lwwyw camnyi gola lwwyw vpy gob nyinum.

¹⁰‍Hoo At Sw Mojesnvn benum,

¹¹“Nyub Aaron ko tuupwg Eleajarwg ko tuup Pinehas Israel nyiilug pengko ho ngoqg hang lengtwrnam mam wpaq mvpa ku, mwv ngoqg kaaneqnam lvgab kaaneql mingnum, hoqgab ngo Israel nyiilungam ngoqg kaaneqko ho twryum maanum.

¹²‍Hoqgab mwv benam, ‘Kaato, ngo mwam ngoqg swrso pvvb birnam mam jigyin,

¹³‍hoo hoqhv mwwgab dootayin hoo mwam la mwwg hotam tulungam nyubwb pvvb birnamv kuiyum namgub dootayin, hoggab mwv mwwg Pwnbo gab kaaneqdo hoo Israel nyiilug nyic kwly gab pwr jinum.’”

¹⁴‍Israel nyi ak Midian nyem lvgab mengtaqnam hoqg eminv Salug ko tuup Jimri, Simeon nyob dvpar ab hoolu hoqg peelo bob nyinum.

¹⁵‍Hoo Midian nyem hoqg eminv Kojbi, Jur gv nyem kov, Midian nyob pengko hoqg peelo bo nyem koob nyinum.

¹⁶‍Hoo At Sw Mojesnvn agam goonv begamv,

¹⁷“Midian nyi tulungam hentwr-kaas mvgdvl hoo bulam jwwtab to,

¹⁸‍hoggab bulv nulam vm mvvl hentwr-kaas dvb mvpa ku, ho Peorho bulv nulam jinyioqnum, hoo Midianwg peelo bo nyem ko, bulug any-bwrm Kojbinvn Peorho swlin-momin nyiyik aalho mengknum.”