Read Nyishi XINAM 26 Bible Online

XINAM 26 - Nyishi bible

XINAM 26

¹Swlin-mominv wxo kokw so, At Sw Mojes nvla nyub Aaron gv ko tuup Eleajarnvn benum,

²“Israel nyiilug dvpar mwlwngam xika to, ab vxig imiq dvparam, Israel ho nyob palaq deenbo nyi mwlwngam vnyw camnyi akambo hoqgv naarab layil hoq odum mam no xika to.”

³‍Hoo Mojes la nyub Eleajar nyi tulug lvgab Moab lywpag Jordon pobug Jeriko ho bulam agam gool begamv,

⁴‍At Sw Mojesnvn gaml jinam hvb xika to. “Vnyw camnyi akambo hoqgv naarab layil hoq odum nyiilungam xika to,” Israel nyiilungv Ijipt hoqgv lengk bo tulungv soq si:

⁵‍Reuben, Israelwg ko tuup vbw cociqkv; Reubenwg ko tuupv: Hanok, Hanokwg nyob tulu gob nyiknum; Pallu, Pallug nyob tulu gob nyiknum;

⁶‍Hejron, Hejronwg nyob tulu gob nyiknum; Karmin, Karmig nyob tulu gob nyiknum.

⁷‍Soq tulu si Reubenwg nyob hoolu hoqg nyiv, hoo bulug nyiingv 43,730 kunum.

⁸‍Hoo Pallug ko tuupv Eliyab.

⁹‍Eliyabg ko tuupv: Nemuyel, Datan, hoo Abiram. Soq tulu si Datan la Abiram, nyi dvpar hoqgv xuqlinum, hwdlo bulv At Swn bidu-bel tamab ceeko yikho, hiyv Mojes nvla Aaronnvn Kora dvpar ajin lvgab bidu-bel tamab ceekonum

¹⁰‍hoo swcwngv gamkoqnv bulam Kora tulu lvgab lvkin gob dvmeqnum, hwdlo bulug dvparv siyikho bulam wm lvgab 250 nyiingam dvmeqnum, hoo soq tulu si bul gab beonam gob nyiknum.

¹¹‍Hvbmabde Korag ko tuup tulungv simanum.

¹²‍Simeon ko tuup bulug nyob hoolu hoqgv: Nemuyel, Nemuyelwg nyob tulu gob nyiknum; Jamin, Jaminwg nyob tulu gob nyiknum; Jakin, Jakinwg nyob tulu gob nyiknum;

¹³‍Jera, Jera gv nyob tulu gob nyiknum; Soul, Soulwg nyob tulu gob nyiknum.

¹⁴‍Soq tulu si Simeon gv nyob hoolu hoqg nyiv 22,200 kunum.

¹⁵‍Gad gv nyob hoolu hoqg ko tuupv: Jepon, Jeponwg nyob tulu gob nyiknum; Haggi, Haggi gv nyob tulu gob nyiknum; Suni, Sunig nyob tulu gob nyiknum;

¹⁶‍Ojni, Ojni gv nyob tulu gob nyiknum; Eri, Eri gv nyob tulu gob nyiknum.

¹⁷‍Arod, Arod gv nyob tulu gob nyiknum; Areli, Areli gv nyob tulu gob nyiknum.

¹⁸‍Soq tulu si Gad gv ko tuup nyob hoolu hoqg nyiv, hoo bulug nyiingv 40,500 kunum.

¹⁹‍Judag ko tuupv Er la Onan; hoo Er la Onan Kanaan gvdaho siknum.

²⁰‍Hoo Judag nyob hoolu hoqg ko tuupv: Sela, Selag nyob tulu gob nyiknum; Perej, Perejwg nyob tulu gob nyiknum; Jera, Jerag nyob tulu gob nyiknum.

²¹‍Hoo Perejwg ko tuupv: Hejron, Hejronwg nyob tulu gob nyiknum; Hamul, Hamulwg nyob tulu gob nyiknum.

²²‍Soq tulu si Judag nyob hoolu hoqgv xikum kunamv 76,500 kunum.

²³‍Issakarwg nyob hoolu hoqg ko tuupv: Tola, Tolag nyob tulu gob nyiknum; Puba, Punig nyob tulu gob nyiknum;

²⁴‍Jasub, Jasubwg nyob tulu gob nyiknum. Simron, Simrong nyob tulu gob nyiknum.

²⁵‍Soq tulu si Issakarwg nyob hoolu hoqgv xikum kunamv 64,300 kunum.

²⁶‍Jebulunwg nyob hoolu hoqg ko tuupv: Sered, Seredag nyob tulu gob nyiknum; Elon, Elonwg nyob tulu gob nyiknum; Jahleel, Jahleel gv nyob tulu gob nyiknum.

²⁷‍Soq tulu si Jebulunwg nyob hoolu hoqgv xikum kunamv 60,500 kunum.

²⁸‍Josapg nyob hoolu hoqg ko tuupv: Manasse la Iprayim.

²⁹‍Manasse ko tuupv: Makir, Makirg nyob tulu gob nyiknum. Makir Gilead abwb nyinum; Gilead, Gileadwg nyob tulu gob nyiknum.

³⁰‍Soq tulu si Gilead ko tuup tulungv: Iejer, Iejerwg nyob tulu gob nyiknum; Helek, Helekwg nyob tulu gob nyiknum;

³¹‍hoo Asriyel, Asrielwg nyob tulu gob nyiknum; hoo Sekem, Sekemwg nyob tulu gob nyiknum;

³²‍hoo Semida, Semidag nyob tulu gob nyiknum; hoo Heper, Heperwg nyob tulu gob nyiknum.

³³‍Heperwg ko tuup Jelopehad ko tuup doomanum, hvbmabde nyem kov doonum. Hoo Jelopehadwg nyem ko tulug eminv Mala, Noa, Hogla, Milka, hoo Tirja.

³⁴‍Soq tulu si Manasseg nyob hoolu hoqgv xikum kunamv 52,700 kunum.

³⁵‍Soq tulu si Iprayimg nyob hoolu hoqg ko tuupv: Sutela, Setulag nyob tulu gob nyiknum; Beker, Bekerwg nyob tulu gob nyiknum; Tahan, Tahanwg nyob tulu gob nyiknum.

³⁶‍Hoo soq tulu si Sutela ko tuup tulungv: Eran, Eranwg nyob tulu gob nyiknum

³⁷‍Soq tulu si Iprayimg nyob hoolu hoqgv xikum kunamv 32,500 kunum. Soq tulu si Josapg ko tuup nyob hoolu hoqg nyobv.

³⁸‍Benjaminwg nyob hoolu hoqg ko tuupv: Bela, Belag nyob tulu gob nyiknum; Asbel, Asbelwg nyob tulu gob nyiknum; Ahiram, Ahiramwg nyob tulu gob nyiknum.

³⁹‍Sepupam, Sepupamwg nyob tulu gob nyiknum; Hupam, Hupamwg nyob tulu gob nyiknum.

⁴⁰‍Hoo Belag ko tuupv Ard la Naaman: Ard, Ardwg nyob tulu gob nyiknum; Naaman, Naamanwg nyob tulu gob nyiknum.

⁴¹‍Soq tulu si Benjaminwg nyob hoolu hoqgv xikum kunamv 45,600 kunum.

⁴²‍Soq tulu si Danwg nyob hoolu hoqg ko tuupv: Suham, Suhamwg nyob tulu gob nyiknum. Soq tulu si Danwg nyob hoolu nyobv.

⁴³‍Suhamwg nyob hoolungam xikum kunamv 64,400 kunum.

⁴⁴‍Aserwg nyob hoolu hoqg ko tuupv: Imna, Imnag nyob tulu gob nyiknum; Isbi, Isbig nyob tulu gob nyiknum; Beriya, Beriyag nyob tulu gob nyiknum.

⁴⁵‍Beriyag ko tuup tulungv: Heber, Heberwg nyob tulu gob nyiknum; Malkiyel, Malkiyelwg nyob tulu gob nyiknum.

⁴⁶‍Hoo Aserwg nyem ko eminv Sera.

⁴⁷‍Soq tulu si Aserwg nyob hoolu hoqgv xikum kunamv 53,400 kunum.

⁴⁸‍Naptalig nyob hoolu hoqg ko tuupv: Jahjeel, Jahjeel gv nyob tulu gob nyiknum; Guni, Gunig nyob tulu gob nyiknum;

⁴⁹‍Jejer, Jejerwg nyob tulu gob nyiknum; Sillem, Sillemwg nyob tulu gob nyiknum

⁵⁰‍Soq tulu si Naptalig nyob hoolu hoqgv xikum kunamv 45,400 kunum.

⁵¹‍Soq tulu si Israel nyiilungam xikum kunamv 601,730 kunum.

⁵²‍At Sw Mojesnvn agam goonv begamv,

⁵³“Soq gvda tulu sam otu nvvsiq mvdwb bulug nyob dvpar nyi mvqlwngam kaal horpin-hora tayin.

⁵⁴‍Nyob mvqlw boam no mvqlw go otu nvvsiq mvdwb jitayin, hoo anyo bo nyobam anyo go otu nvvsiq mvdwb jitayin; nyob vx-cwram bulug naady sanam mam hingky jaqb jitayin.

⁵⁵‍Hvbmabde gvdangam tak cingdvl horpin-hora tayin. Bulug ab hoolug nyob eminho bulv otungam naatayin.

⁵⁶‍Bulug otu nvvsiq deenam sam nyi mvqlw bo la anyo bo pengko ho tak cingl horpin-hora tayin.”

⁵⁷‍Soq tulu si Lebi nyi tulug nyob hoolungv: Gerson, Gersonwg nyob tulu gob nyiknum; Kohat, Kohat gv nyob tulu gob nyiknum; Merari, Merarig nyob tulu gob nyiknum.

⁵⁸‍Soq tulu si Lebig nyob hoolungv: Lebi nyobub, Hebron nyobub, Mahli nyobub, Musi nyobub, Kora nyobub nyiknum. Hoo Kohat Amramwg abwb nyiknum.

⁵⁹‍Lebi nyem ko Ijipt gvdaho ko bwwnamv, Amramwg nywxw hoqg eminv Jokebed. Hoo mwn Amramnvn Aaron nvla Mojes hoo bulug bwrm Miriyamnvn ko bwwjnum.

⁶⁰‍Hoo Aaron gab Nadab, Abihu, Eleajar, hoo Itamar lengnum.

⁶¹‍Hvbmabde Nadab la Abihu hwdlo bulv At Sw agaho wm parm dvb bemanam mam pargam gab bulv siknum.

⁶²‍Hoo nyega ko pool bargwb akambo hoqgv naarab layil hoq odum mam xikum kunamv 23,000 kunum. Hoggab bulam Israel nyiilungam xika ko ho xitaq maanum, hoggab Israel nyiilungam otu nvvsiq mvdwb jikho bulam jitaq maanum.

⁶³‍Soq tulu sam Mojes la nyub Eleajar Israel nyiilungam Moab lywpag Jordon pobug Jeriko ho xika kunum.

⁶⁴‍Hvbmabde Mojes la nyub Aaron bunyiv Israel nyiilungam Sinai deexa-raraho xika kunam nyi akjijaqkam xium maab xilwq kunum.

⁶⁵‍Hoggab At Sw bulam benum, “Bulv deexa-raraho sitayin.” Jepunneg ko tuup Kaleb la Nunwg ko tuup Josuanvn apaq twqtwl, hoqg lvvgho akjijaqkam apaq maanum.