Read Nyishi XINAM 28 Bible Online

XINAM 28 - Nyishi bible

XINAM 28

¹At Sw Mojesnvn agam goonv begamv,

²“Israel nyiilungam gaml jil betam to, ‘Ngoqg akiam, ngoqg dvsam akiam, ngoqg sungam bo akiam, xuqlin kunam moodho nulv ngam hingky jaqb jito.’

³‍Hoo no bulam beto, soq sib nulv At Swn dvs akiam jitayin: aal looxiam vnyw nywg bo un-tar gvma bo yaap dornyi go jiky tayin.

⁴‍Dorgwn aram jitayin, hoo dorgwn ariyum mam jitayin;

⁵‍albo wtwngam ipa wyw hoqgv ak dvs aky gob, ho hin ak hoqgv oum go tubjabnam kutiam jitayin.

⁶‍Soq sib lwxiam aky jidwb nyitayin, hogloq ham Sinai Puutuho At Swn sungam bo dvs aky gob jidwb bir kunum.

⁷‍Sviya dor-dor gab hin ak hoqgv oum go twws akiam jitayin. Hoqham Dvrwqbo Wrwho At Swg twws aky gob tooj tayin.

⁸‍Sviya dorgwn ham ariyum mam aky jito. Aram dvs aky gob la twws aky gob jinam hvb no ham At Swn sungam bo dvs aky gob jitayin.

⁹“Doonu Aalam, vnyw nywg bo un-tar gvma bo sviya dornyi go, hoo albo wtw ipa wyw hoqgv vnyi go dvs akiam kuty lvgab mviyo tvl, hoo hoqg twws akiam jito:

¹⁰‍lwxiam dvsam la twws akiam jinam lvvg hoqgv, soq sib Doonu Aalam lwxiam boyuqnam aky gob jitayin.

¹¹“Nulv pool bvrxiam, At Swn nulug boyuqnam akiam jitayin: svv hvvtw hoqgv hvvb dornyi go, yaap tvmwr dorg, vnyw nywg bo un-tar gvma bo yaap kvn go jitayin;

¹²‍ho hvvb dor-dorgab albo wtwngam ipa wyw hoqgv oum go, ho mviyonam kutiam dvs aky gob jitayin, hoo yaap dor-dorgab albo wtwngam ipa wyw hoqgv vnyi go, ho mviyonam kutiam dvs aky gob jitayin;

¹³‍hoo sviya ko dor-dorgab albo wtwngam saryw hoqgv sarg, ho mviyonam kutiam dvs aky gob jitayin; boyuqnam akiam At Swn sungam bo dvs aky gob jitayin.

¹⁴‍Hvvb dor-dorgab bulv twws akiam hin ak hoqgv papo go, ho yaap dor-dorgab twws akiam hin ak hoqgv oum go, hoo sviya dor-dorgab hin ak hoqgv oum go jitayin. Soq sib boyuqnam akiam pool-poolam jil vnyw nywpwngam aky jitayin.

¹⁵‍Hoq tulu lvgab bimp dorg kam nyic aky gob At Swn jitayin; soq sam lwxiam boyuqnam la twwnam aky jinam lvgab jitaq tayin.

¹⁶“Vnywg otuq poolwg aal camleq loopiv At Swg Dvtv Durum dvnamv,

¹⁷‍hoo hoqg poolwg camleq loong aal hoqgv sookuml soonam mam nyirab dvn. Aal kvn go opap kiilwq maanam wtwngam dvdwb nyitayin.

¹⁸‍Otuq aalam dvrwqbo dookum mam dooto. Nulv dooxa-daqya bo bon akkam nyimabv,

¹⁹‍hvbmabde dvs akiam la boyuqnam akiam At Swn jito: svv hvvtw hoqgv hvvb dornyi go, hoo yaap tvmwr dorg, vnyw nywgbo un-tar gvma bo yaap loq dor kvn go jito;

²⁰‍albo wtwngam la kuty mviyonam mam dvs aky gob jito; hvvb dor-dorho ipa wyw hoqgv oum go, hoo yaap tvmwr dor-dorho wyw hoqgv vnyi go jito;

²¹‍ho wyw hoqgv ak sviya kvn ho jitayin;

²²‍nulug nyic kwly gab pwr jidwb, sibin bimp dorg kam nyic gab aky jitayin.

²³‍Nulv soq tulu sam ar roxiam lwxiam boyuqnam aky jinam lvgab jitayin.

²⁴‍Hoq hvb nulv aal kvn go aal looxiam nulv dvs hoqgv dvsam At Swn sungam bo dvs aky gob jitayin. Soq sam lwxiam boyuqnam la twwnam aky jinam lvgab jidwb nyitayin.

²⁵‍Hoo nulv aal kvn go dvrwqbo dookum mam doodwb nyitayin. Nulv dooxa-daqya bo bon akkam nyimabv.

²⁶“Aaxy-aaram lengco boam jid aalam, hwdlo nulv nit am mam At Sw gab dvs aky gob nulug Jurpiq Durum dvdam jiyikam, nulv dvrwqbo dookum mam dootayin. Nulv dooxa-daqya bo bon akkam nyimabv,

²⁷‍hvbmabde boyuqnam akiam At Swn jitayin: svv hvvtw hoqgv hvvb dornyi go, yaap tvmwr dorg, vnyw nywgbo yaap kvn go jitayin;

²⁸‍albo wtwngam la kuty mviyonam mam dvs aky gob jitayin, hvvb dor-dorho wtw mviyonam mam ipa wyw hoqgv oum go, ho yaap tvmwr dor-dorho wtwngam ipa wyw hoqgv vnyi go jitayin,

²⁹‍sviya kvnwg dor-dorho wtwngam wyw hoqgv ak jitayin.

³⁰‍nulug nyic kwly gab pwram sibin bimp dorg jitayin.

³¹‍Lwxiam boyuqnam akiam la hoqg dvsam akiam jinam lvvg hoqgv nulv bulam twws akiam jitayin. Un-tar gvma boam kaal dvl hingky jaqb jito.