Read Nyishi XINAM 3 Bible Online

XINAM 3 - Nyishi bible

XINAM 3

¹Hwdlo Sinai Puutuho At Sw Mojesnvn agam gooyikho soq tulu si Aaron la Mojesg hotamv.

²‍Soq tulu si Aaron gv ko tuup eminv: Nadab vbw cociqkv, hoo Abihu, Eleajar, hoo Itamar.

³‍Soq tulu si Aaron gv ko tuup tulungv eminv hiyam nyubwb swwm dvb kuty neel nyub gob mvknamv.

⁴‍Hvbmabde hwdlo Nadab la Abihu bulug nyidy maanam wm mam At Swg agaho Sinai deexa-raraho pargam gab, bulv At Swg agaho siknum bulv ko doomanum. Ho Eleajar la Itamar bulug ab Aaron gv swwnam bumpw ho nyub gob nyil swwknum.

⁵‍Hoo At Sw Mojesnvn agam goonv begamv,

⁶“Lebi nyob nyi tulu ham ogumb boonwqto, hoo bulam nyub Aaron gv agaho doomto, ho bulv mwam bon nyij tayin.

⁷‍Bulv xumk pirho bon nyil mwam la nyi mwlwg dvparam kvvrwq minsko tombu agaho bulam rvkil doog tayin.

⁸‍Bulv xumk pirho bon nyil kvvrwq minsko tombug hog mwlwngam kvvyw-tadal hoo Israel nyiilungam rvkil doog tayin.

⁹‍Hoo no Lebi nyi tulungam Aaron nvla mwwg ko tuup tulu gab jitayin; bulam Israel nyiilug pengko hoqgv mwwgab jipa kun.

¹⁰‍Hoo no Aaron nvla mwwg ko tuup tulungam xuqlin tayin, hoo bulug nyub tulungam bulv rvky tayin. Hvbmabde lvvg hoqgv asaqkv haab nyiloqkam, mwam sim tayin.”

¹¹‍Hoo At Sw Mojesnvn agam goonv begamv,

¹²“Kaato, ngo Lebi nyi tulungam Israel nyiilug pengko hoqgv otuqcob ko bwwconam kwlib ngo bulam Israel nyiilug pengko hoqgv naapa kun. Lebi nyi tulungv ngoqgv ku,

¹³‍hoggab otuqcob ko bwwconam mwlwngv ngoqgv su. Hwdlo Ijipt nyi tulug otuqcob ko bwwnam mwlwngam ngo jwwtab yukho, ngo Israelwg otuqcob ko bwwnam mwlwngam ngoqgab garxaq kunum, hoqhv nyi ngam la svdinam. Bulv ngoqgv ku: ngo At Swv.”

¹⁴‍Hoo At Sw Mojesnvn Sinaig deexa-raraho agam goonv begamv,

¹⁵“Lebig ko tuup tulug emin xeqto, bulug nyob la ab imiq dvparam; pool barg akam kunbo hoqgv naarab layil hoq odum mwlw nyega koam no xeqto.”

¹⁶‍Ho At Swg gaml jil gomcwr bekjaqb Mojes bulug eminam xeqtu kunum.

¹⁷‍Hoo soq tulu si Lebig ko tuup tulug eminv: Gerson hoo Kohat hoo Merari.

¹⁸‍Hoo soq tulu si Gersonwg ko tuup tulug nyobv: Libni la Simei.

¹⁹‍Hoo Kohat gv ko tuup tulug nyobv: Amram, Ijar, Hebron, hoo Ujjiyel.

²⁰‍Hoo Merarig ko tuup tulug nyobv: Mahli hoo Musi. Soq tulu si Lebi nyi tulungv bulug ab imiq dvpar hoqgv.

²¹‍Gerson hoqgv Libni nyi tulug nyobv lengnum hoo Simei nyi tulug nyobv lengnum; soq tulu si Gerson nyi tulu hoqgv nyobob lengk bov.

²²‍Bulug nyega ko tuup hvnam mam pool barg akam hoqgv naarab layil hoq odum mam xikumnamv 7,500 kunum.

²³‍Gersonwg nyob hoolungv xumk pirr dou-haaga daiya langk ho svmcw mvl doonum,

²⁴‍Laelwg ko tuup Eliyasap Gerson nyi tulug dvpar hoqgv peelob nyinum.

²⁵‍Hoo Gerson ko tuup tulungam kvvrwq minsko tombug xumk pirr hoqg tortumnan vjam tulu ham, hoo kvvrwq minsko tombu haagag tortumnan vj tulu ham kaal bon nyim dvb benum,

²⁶‍baag haagag vj torl haqpnan tulu ham, xumk pirr baag haaga tulug viyapg vj tortumnan vj tulu ham hoo yugwngam tortumnan, hoo hoqg oso-ter tulu ham bulam kaam dvb jinum—soq svk bon nyis mwlwngam bulam nyim dvb jinum.

²⁷‍Kohat hoqgv Amram nyi tulug nyobv lengnum hoo Ijar nyi tulug nyobv lengnum hoo Hebron nyi tulug nyobv lengnum hoo Ujjiyel nyi tulug nyobv lengnum; soq tulu si Kohat nyi tulu hoqgv nyobob lengk bov.

²⁸‍Bulug nyega ko tuup hvnam mam pool barg akam hoqgv naarab layil hoq odum mam xikumnamv 8,600 kunum, bulv dvrwq namlongam rvkil doognum.

²⁹‍Kohat gv ko tuup nyob hoolungv xumk pirrwg nyooko daiyaho svmcw mvl doonum,

³⁰‍Ujjiyelg ko tuup Elijapan Kohat nyi tulug imiq dvpar hoqgv peelob nyinum.

³¹‍Hoo bulug rvkil bon nyidy sanamv pvvb uddum wrw hoqg tebolam, lemp twgwngam, yugwngam, nyub tulug dvrwq namlo ho bon nyinnan dupum-dvrab pam, tortumnan vj tulu ham bulv rvkil doog tayin; soq svk bon nyis mwlwngam bulam nyim dvb jinum.

³²‍Hoo nyub Aaron gv ko tuup Eleajar Lebi nyi tulug peelo bo aoho mwv peelo gob nyil dvrwq namlongam hingkib rvkil doogbo nyi tulu ham hingkib rvkil doog mvdwb kvvyw-tada yaanum.

³³‍Merari hoqgv Mahli nyi tulug nyobv lengnum hoo Musi nyi tulug nyobv lengnum: soq tulu si Merari nyi tulu hoqgv nyobob lengk bov.

³⁴‍Bulug nyega ko tuup hvnam mam pool barg akam hoqgv naarab layil hoq odum mam xikumnamv 6,200 kunum.

³⁵‍Hoo Merari ab hoolug nyobam Abihail gv ko tuup Juriel peelob nyignum. Bulug nyob hoolungv xumk pirr nyoodum daiyaho svmcw mvl doonum.

³⁶‍Hoo Merari gv ko tuup tulungam xumk pirram ywrabnanam tulu ham, xaapo tulu ham, swwrw tulu ham, doopy tulu ham, hoo hoqg hog mwlw nyinan tulu ham rvkil kaam dvb bulam xuqlinum; soq svk bon nyis mwlwngam bulam nyim dvb jinum;

³⁷‍ho baagwg swwrw tulu ham, ho hoq tulug doopiam hoo tooky tulu ham hoo oso tulu ham bulam kaamnum.

³⁸‍Xumk pirr agag kvvrwq minsko tombug dou-caga daiyaho Mojes la Aaron gv ko tuup tulungv dvrwq namlongam rvkil doognum hoo Israel nyiilungam ceetorl doognum. Hoo asaq lvvg hoqg nyiv hiyv lajaqkam ogum hvvnwq boam sidwb mvnum.

³⁹‍At Swg gaml bekjaqb Mojes la Aaron Lebi nyi tulug nyega ko bulug nyob hoq pool barg akambo hoqgv naarab layil hoq odum mam emin xeql xikumnamv 22,000 kunum.

⁴⁰‍Hoo At Sw Mojesnvn benum, “Israel nyiilug otuqcob nyega ko bwwnam pool barg akambo hoqgv naarab gvdwn bulug eminam xeqkum kaato.

⁴¹‍Hoo Israel nyiilug otuqcob ko bwwnam mam, hoo Lebi nyi tulug tuun-mee otuqcob ko bwwnam kwlib, Israel nyiilug otuqcob bwwnam tuun-mee tulug kwlib—no Lebi nyi tulungam ngoqgab naatayin—ngo At Swv.”

⁴²‍Ho At Swg gaml bekjaqb Mojes Israel nyiilug pengko ho otuqcob ko bwwnam eminam xiqkuml xeqnum.

⁴³‍Hoo otuqcob nyega ko bwwnam mam pool barg akambo hoqgv naarab layil hoq odum mam emin xiqkumnamv 22,273 kunum.

⁴⁴‍Hoo At Sw Mojesnvn agam goonv begamv,

⁴⁵“Israel nyiilug otuqcob ko bwwnam kwlib Lebi nyi tulungam naato, hoo bulug otuqcob ko bwwnam tuun-mee kwlib Lebi nyi tulug tuun-mee-ngam naato. Lebi nyi tulungv noqgv: ngo At Swv

⁴⁶‍Hoo Lebi nyi tulug nyegangam Israel nyiilug otuqcob ko bwwnamv 273 gob koi yaanam, hoqgab bulv soq tulu gab pvlyw dvb nyiknum,

⁴⁷‍no sikil barg gogaqb nyi vxig hoqgv naatayin; dvrwq namlog sikil xicw jaqb xitayin (sikil akv gera camnyinum)

⁴⁸‍hoo hoqg laaleqbo nyi tulu hoqgv pvlywnam kor twngkam no Aaron la mwwg ko tuup tulungam jitayin.”

⁴⁹‍Ho Lebi nyi tulungam laaleq yaanbo nyi tulug pvlywnam twngkam Mojes naanum.

⁵⁰‍Israel nyiilug otuqcob ko bwwnam kwlib mwv twngkam nookum kunamv sikil 1,365 kunum.

⁵¹‍Hoo Mojes Aaron nvla mwwg ko tuup tulungam pvlywnam twngkam jiknum, At Swg gomcwr jikjaqb, Mojes At Swg gaml bekjaqb nyiknum.