Read Nyishi XINAM 7 Bible Online

XINAM 7 - Nyishi bible

XINAM 7

¹Hwdlo Mojes xumk pirram mvnya yuk aalho ham mwv darxaqnv hoo hoqg uraho hog mwlw doonbo dupum-dvrab tulungam garxaqnum hoo yugwngam la hoqg pwcw-uddu mwlwngam darxaql hoo garxaqnum,

²‍Hiyam Israelwg nyob hoolug bulug ab tulug imiq dvpar hoqgv peelo gob emin xuqlinam tulungv ogumb hvvnwqnum

³‍hoo At Sw agaho, svpur gaari torx go hoo svv hvvb camleq dornyi go, peelo bo vnyiv svpur gaari torg-torgub, hoo nyiicwr-cwrxiv hvvb dorg dorgub bulug akiam bwanum. Soq tulu sam bulv xumk pirr agaho bwanum.

⁴‍Ho At Sw Mojesnvn benum,

⁵“Hoq tulu ham bulug hoqgv loorwqto, hoo hoq tulu ham kvvrwq minsko tombu ho bon nyin tayin, hoo hoq tulu ham Lebi nyi tulungam jito, nyiicwr-cwrxiv bulug bonam hvbkalam jito.”

⁶‍Ho Mojes svpur-gaari ngamla hvvb tulungam naalayil ho ham Lebi nyi tulungam jinum.

⁷‍Bulam bon nyin hvb svpur-gaari tornyi gola hvvb dorpy gon Gersonwg ko tuup tulungam mwv jinum.

⁸‍Hoo nyub Aaron gv ko tuup Itamarwg nyig ko uraho doonbo Merarig ko tuup tulungam bulam bon nyin mvdwb svpur-gaari torpy gola hvvb piin go jinum.

⁹‍Hvbmabde mwv Kohat ko tuup tulungam hog akkam jimanum, hoggab bulam dvrwqbo dupum-dvrab pam bulug gorbw ho joom dvb jinum.

¹⁰‍Hoo peelo bo tulungv yugwngam darxaq yuk aalho bulug akiam jinum; hoo peelo bo tulungv bulug akiam yugw agaho jinum.

¹¹‍Hoo At Sw Mojesnvn benum, “Peelo bo ak-akv aal lo-loongam yugwngam darxaq dvb bulug akiam bulv jitayin.”

¹²‍Juda nyob hoqgv Amminadabg ko tuup Nahson mwwg akiam mwv otuq aalho jinum.

¹³‍Hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

¹⁴‍hun pwcw cwwgho 10 sikil sungam bo sulum mam bwwrdvb jinum;

¹⁵‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

¹⁶‍sibin bimp dorg nyic aky gab jinum;

¹⁷‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Amminadabg ko tuup Nahsonwg aky jinamv.

¹⁸‍Issakarwg peelo bo Juar gv ko tuup Netanel aal loonyi deenho aky jinum.

¹⁹‍Hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

²⁰‍hun pwcw cwwgho 10 sikil sungam bo sulum mam bwwrdvb jinum;

²¹‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

²²‍sibin bimp dorg nyic aky gab jinum;

²³‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Juar gv ko tuup Netanelwg aky jinamv.

²⁴‍Jebulunwg nyiilu hoqg peelo bo Helonwg ko tuup Eliyab aal loum deenho aky jinum:

²⁵‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

²⁶‍hun pwcw cwwgho 10 sikil sungam bo sulum mam bwwrdvb jinum;

²⁷‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

²⁸‍sibin bimp dorg nyic aky gab jinum;

²⁹‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si helonwg ko tuup Eliyabg aky jinamv.

³⁰‍Reubenwg nyiilug peelo bo hoqgv Sedeurg ko tuup Elijur aal loopy deenho aky jinum:

³¹‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

³²‍hun pwcw cwwgho 10 sikil sungam bo sulum mam bwwrdvb jinum;

³³‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

³⁴‍sibin bimp dorg nyic aky gab jinum;

³⁵‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Sedeurg ko tuup Elijurwg aky jinamv.

³⁶‍Simeonwg nyiilug peelo bo hoqgv Jurisaddai gv ko tuup Selumiyel aal loog deenho aky jinum:

³⁷‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

³⁸‍hun pwcw cwwgho 10 sikil sungam bo sulum mam bwwrdvb jinum;

³⁹‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁴⁰‍sibin bimp dorg nyic aky gab jinum;

⁴¹‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Jurisaddai gv ko tuup Selumiyelwg aky jinamv.

⁴²‍Gadwg nyiilug peelo bo hoqgv Deuelg ko tuup Eliyasap aal loox deenho aky jinum:

⁴³‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁴⁴‍hun pwcw cwwgho 10 sikil sungam bo sulum mam bwwrdvb jinum;

⁴⁵‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁴⁶‍sibin bimp dorg nyic aky gab jinum;

⁴⁷‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Deuelg ko tuup Eliyasapg aky jinamv.

⁴⁸‍Iprayimg nyiilug peelo bo hoqgv Ammihudg ko tuup Elisama aal kvn deenho aky jinum:

⁴⁹‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁵⁰‍hun pwcw cwwgho 10 sikil sungam bo sulum mam bwwrdvb jinum;

⁵¹‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁵²‍sibin bimp dorg nyic aky gab jinum;

⁵³‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Ammihudg ko tuup Elisamag aky jinamv.

⁵⁴‍Manasseg nyiilug peelo bo hoqgv Pedajur gv ko tuup Gamaliel aal piin deenho aky jinum:

⁵⁵‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁵⁶‍hun pwcw cwwgho 10 sikil sungam bo sulum mam bwwrdvb jinum;

⁵⁷‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁵⁸‍sibin bimp dorg nyic aky gab jinum;

⁵⁹‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Pedajur gv ko tuup Gamalielg aky jinamv.

⁶⁰‍Benjaminwg nyiilug peelo bo hoqgv Gideoni gv ko tuup Abidan aal kiya deenho aky jinum:

⁶¹‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁶²‍hun pwcw cwwgho 10 sikil sungam bo sulum mam bwwrdvb jinum;

⁶³‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁶⁴‍sibin bimp dorg nyic aky gab jinum;

⁶⁵‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Gideoni gv ko tuup Abidanwg aky jinamv.

⁶⁶‍Danwg nyiilug peelo bo hoqgv Ammisaddai gv ko tuup Ahiejer aal looyw deenho aky jinum:

⁶⁷‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁶⁸‍hun pwcw cwwgho 10 sikil sungam bo sulum mam bwwrdvb jinum;

⁶⁹‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁷⁰‍sibin bimp dorg nyic aky gab jinum;

⁷¹‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Ammisaddai gv ko tuup Ahiejerwg aky jinamv.

⁷²‍Aserwg nyiilug peelo bo hoqgv Okranwg ko tuup Pagiel aal camleq lookin deenho aky jinum:

⁷³‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁷⁴‍hun pwcw cwwgho 10 sikil sungam bo sulum mam bwwrdvb jinum;

⁷⁵‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁷⁶‍sibin bimp dorg nyic aky gab jinum;

⁷⁷‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Okranwg ko tuup Pagielwg aky jinamv.

⁷⁸‍Naptalig nyiilug peelo bo hoqgv Enanwg ko tuup Ahira aal camleq loonyi deenho aky jinum:

⁷⁹‍hoo mwwg aky jinamv rup huku kuug jinum hoqg vgwngv sikil 130 gob nyinum, rup pukaq kaqgho 70 sikil go, dvrwq namlog sikil xicw jaqb xinum, hoq vnyiv ho bwwr dvb albo wtwngam la kutiam dvs aky gob jinum;

⁸⁰‍hun pwcw cwwgho 10 sikil sungam bo sulum mam bwwrdvb jinum;

⁸¹‍svv hvvtw hoqgv hvvb dorg, yaap tvmwr dorg, vnyw nywgbo yaap dorg boyuqnam aky gab jinum;

⁸²‍sibin bimp dorg nyic aky gab jinum;

⁸³‍hoo swrso pwr aky gab hvvb dornyi go, yaap tvmwr dorng go, bimp dorng go, hoo vnyw nywgbo yaap dorng go jinum. Soq tulu si Enanwg ko tuup Ahirwg aky jinamv.

⁸⁴‍Soq tulu si Israelwg peelo bo tulu hoqgv yugwngam darxaq yuk aalho bulug aky jinamv: rup huku camleq kuunyi go, rup pukaq camleq kvqnyi go, hun pwcw camleq cwwnyi go jinum,

⁸⁵‍rup huku kuux cwrv vgwngv 130 sikil gob hoo pukaq kvqx cwrv 70 gob, rup pwcw mwlwngv 2,400 sikil gob nyinum, hoqhv dvrwq namlog sikil xicw jaqb xinum,

⁸⁶‍hun pwcwngv camleq cwwnyi go, sungam sulumv bwwrnum, akwg vgwngv 10 sikilnum hoqham dvrwq namlog sikil xicw jaqb xinum, hun pwcw mwlw hv 120 sikilnum;

⁸⁷‍boyuqnam aky gab hvvb tulungv camleq dornyi go, yaap tvmwrv camleq dornyi go, vnyw nywgbo yaap camleq dornyi go, ho hoq tulu lvgab dvs akiv; hoo bimp camleq dornyi go nyic aky gab jinum;

⁸⁸‍hoo swrso pwr aky gab hvvbv camnyi leq dorpy go, yaap tvmwrv camx go, bimpv camx go, vnyw nywgbo yaap camx go aky jinum. Soq tulu sam yugwngam darxaq yuk aalho jinum.

⁸⁹‍Hoo Mojes kvvrwq minsko tombu urab At Swn agam gootab wnum, ho pvvb uddumg aya mwwpa ko dootam aoho hoqgv mwam agam goonam mam mwv tapanum. Hoqhv cerubim vnyi pengko hoqgv mwam agam goonum.