Read Nyishi MAIKA 5 Bible Online

MAIKA 5 - Nyishi bible

MAIKA 5

¹Sija nulug nyemaq acammam pwbw dvb mvto, nyem ko nyemaq acam ma; ngulam ceekol naareq dvb mvg yuku; ho bulv Israelwg hvvky nyuqm mam yoqdwr lvgab jwwdo.

²Hvbmabde, Betleham Ipratanga, no Judag nyob pengko hoqgv mwlwngam anyo yaanbo nyobv, noqg hoqgv Israelam pvvb bwwl doogbo akam ngoqgab dwrbuqlin tayin, soq haata bo si kol, oyug ab apa tulug aal hoqgv ku.

³Hoqgab mwv hoq mood nagub bulam jipaqtayin hwdlo mwn cin-cil ko bwwnam xaqb; ho mwwg vbw-bor tuugin Israel nyi tulug dookub wkur tayin.

⁴Hoo mwwg Pwnbo At Swg yuunam emin hoqgv, mwv At Swg ator hoqgv mwwg sviya acam mam daql rvky tayin. Hoo bulv swrsol dootayin, hoggab sija mwv swcw nvg ywwtwr nagub koibo gob nyitayin.

⁵Hoo mwv bulug swrsob nyitayin. Hwdlo Assiriya nyiilungv ngulug gvda urab haai yikho hoo ngulug lvpw atwg dookam lvc dwqa yin, ho ngulv mwam kvn rvkybo lvgab daqrabl hoo piin lvpw atwg nyega ko lvgab ceeko tayin;

⁶bulv Assiriya gvdangam hoo, Nimrodwg gvda hoqg haaga tulungam lyoqr orioq lvgab rvky tayin; hoo hwdlo mwv ngulug gvda uraso haaikam hoo ngulug gvda vrr ho lvc lwqa yin mwv ngulam Assiriya nyi tulu hoqgv naalin tayin.

⁷Ho Jakubg dvpar ho boumnamv nyiilug pengko ho At Sw hoqgv gums hvb nyitayin, nwmw aoho nyodo hoiyaqnam hvb nyitayin, hoq akv nyi ak gab oyu maadwn ho nyia ko tulu gab kaaya ram.

⁸Hoo Jakubg dvpar ho boumnamv nyob asaq pengko ho dootayin, nyiilug pengko ho yvtayin, sony nyot akv nyorog svdin pengko ho yvnam hvb, sony nyot nyopa ak sviya acam gv pengko ho yvnam hvb, hoqhv hwdlo wdu yin ham samtinl hoo vmwq yumgub pumwq dvn, hoo akjijaqkam ywwlin bo dookma.

⁹Nulug alaqkv laqrabl nulug ceebio tulug aoho mviya tayin, hoo nulug nyemaq mwlwngam mvpaq tayin.

¹⁰Hoo hoq aalam, At Sw bibwqdo, ngo nulug svpur tulungam, nulug pengko hoqgv mvpaq tayin hoo nulug ceriot tulungam twrtayin;

¹¹hoo nulug gvda hoqg bopam tulungam mvpaq tayin, hoo nulug ator cwwgw nan mwlwngam joopaq lotayin;

¹²hoo nulug gvda hoqg nyioky nyub tulungam mvpaq tayin, hoo nulam nvtaqnam mam nyiqry kaal betambo dookram;

¹³hoo nulug guss mvnam tulungam, hoo nulug pengko ho daapo diinam tulungam ngo mvpaq tayin, hoo nulug alaq pwnam tulungam nulv dumpo pvxwl xumk ram;

¹⁴hoo nulug Asera guss tulungam ngo nulug pengko hoqgv busuq xaatayin, hoo nulug bopam tulungam twrtayin.

¹⁵Hoo haaxaqnam mam la hang lingtwrnam mam tvjw maanbo nyob aoho ngo ree daqtayin.