Read Nyishi NAXUM 3 Bible Online

NAXUM 3 - Nyishi bible

NAXUM 3

¹Ywlw-twwnbo bopamv mwwdwqto, vm mvvnam mvla naalil naareq bov naleqdo- mengnyia lama dvb doodo!

²Xiqpwqnanv taqcnam, hoo kookwr duqn bov vcjaqb odynam, nyebia jaqb svpur xarn bov la naleqgo ceriotwg pojuqnamv dudo!

³Svpuram wgbo nyiilungv ruqduq do, kwlwq-kvlaqbo lyoqr orioqkv hoo kwlwq-kvlaqbo nwwxongv, mwlwngam mengnam, svmangam vigo pookum pa, sinbo svma tulungv xinya lama- bulv svma aoho dwqtubnam!

⁴Hoo yocu-yabio nyijo bo nyi tulungv xila maadwb yocu-yabio nyinam, anyangv la kangam cumdwq lvgab, hiyv nyob nyiilungam mwnwg yocu-yabio, hoo mwnwg kangam lvgab nyiilungam nyepin pingxa dvn

⁵Kaato, ngo nam ceeko dvn, nyiit At Sw bibwqdo, hoo noqg vby-anyongam noqg nyuqm ho liqpup tayin; hoo ngo nyob nyiilungam noqg talonam mam hoo lvpw mwlwngam noqg hvnywnam mam kaam tayin.

⁶Ngo kacboam nam huryaq tayin hoo nam modu minsmab nyitayin hoo nam bos kaapa dvb mvtayin.

⁷Hoo mwlwngv nam kaanbov noq galoqkv rintum tayin hoo bedo, Nenibingv yuupaq paku; hiyv mwnwg gab mwwdwq tayin? Noqg gab bet-bela bo ngo hogloqkv meegaq tayin?

⁸Nailwg bviywr doonbo Tebesnvn no alyad nvi yv, issiv mwnwn hwwiyum pa, sa-svlongv mwnwg sulungv, hoo mwnwg bvliv yv?

⁹Kus mwnwg atorv; Ijipt pvkam, hoo hoqhv ywwtwr dooma; Putv la Libyan tulungv mwnwn svka bov.

¹⁰Hvbsujaqkam mwn nyumwb nyiknum; mwnwn nyumwb leeg nukun; lyobu but vxy cerho mwnwg ko hoiyinam cwr-cwrwb mvnum; mwnwg xinam nyega tulu gab tak kaanum, hoo mwnwg atorbo nyi mwlwngam tagv korcupnum.

¹¹Nam kam twwxum mvi nvpv; no kvs sil wi nvpv; no ceebio hoqgv cwwgw meegaq yinpv.

¹²Noqg gurum mwlwngv taoq aaxy ningcol ningyuqbo hvb nyinam- hwqdin bvnyiloqkam mwlwngv dvdy bo agam urab yoqlwq yinpv.

¹³Kaato, noqg nyemaq tulungv nyem tulug pengko ho yvnam. Noqg gvda toggoq tulungv noqg ceebio tulu gab gamk rooto tvl doodo; wmv noqg noosungam xvvtwr gvnkun.

¹⁴Naareqnam gab iss lo suqj to; noqg gurum nwqtumnam mam ator dvb mvto; suiyu urab wto; simitam mviyo-mvco to, ita mvn nanam mwx-mvaqto!

¹⁵Hoqho wmv nam guiyum tayin; lyoqr orioqkv nam papaq tayin. Hoqhv komar takam dvxanam hvb nam dvxa tayin. Nulv atam komar takam hvb buqmw mvto; takam hvb buqmw mvto!

¹⁶Doa nvg takaram koi yaab no noqg kwm-kor mvnam mam caam to. Komar takam hoqg alap tulungv lvbjin layil hoo aadob jarleq dvn.

¹⁷Noqg lvpw atwg nyega tulungv takam hvb nyinam, noqg xeqn bov komar takam muqya appo hvb swkwr aalam sulu ho puml doodo- hwdlo doonyiv caalin yin, bulv aadob jarleq dukun; hiyvkam cengkma bulv hogloqb jarn kun.

¹⁸Assiriyag lvpw ata, noqg rvkybo tulungv yubl doodo; noqg xinam nyiilungv yubngaq duku. Noqg nyiilungv gvda puutu aoho cwrsaq-bvraq paku bulam akjijaqkam boocumbo dookma.

¹⁹Noqg mwwrnam mam bet-bela bo akkam dookma; noqg unv gogwq jaqpa. Mwlwngv hiyv noqg puiyam tapa bo tulungv bulug alaqkam noqg aoho cupup do. Hoggab hiyvg aoho noqg xooma bo almanv haama taapwn?