Read Nyishi JAKARIYA 4 Bible Online

JAKARIYA 4 - Nyishi bible

JAKARIYA 4

¹Hoo nyi ak mwwg yubnam hoqgv huurabnam hvb, ngam goorwqbo gumtwngv lokta haanum hoo ngam muunum.

²‍Hoo mwv ngam benum, “Hoggv no kaapa do?” Ngo benum, “Kaato, ngo hunwg mur twgw nan ak kaapa do, hoq aoho pukaq ak ap paku, hoo kvn go murv hoq aoho doodo, mur puux cwrho nabor kvn go aoho doodo.

³‍Hoo hoqho olib svvn nwnyi go daqnam, nwwgwn hv pukaq lvqbwq taqc ho hoo nwwgwn laqc taqc ho.”

⁴‍Hoo ngam goorwqbo gumtwngam ngo benum, “Ngoqg ata, soq tulu si hoggv?”

⁵‍Hoo ngam goorwqbo gumtw akv ngam birwql hoo betamnum, “Soq tulu si hoggv ham no cengma yv?” Ngo benum, ma, ngoqg ata.”

⁶‍Hoo mwv ngam benum, “Soq si Jerubbabelnvn At Swg gomcwr jinamv: Ator hoqgv ma, ho huqlw hoqgv ma, hvbmabde ngoqg yal hoqgv, nyiit At Sw bedo.

⁷‍No hiyv, koibo puutunga? Jerubbabel agaho no haapab nyitayin. Hoo anya jaq, anya jaq, hvl sogoq goqdu doodwb mwv ao jaqg wlwngam pootubl pvvlwq taikun!’”

⁸‍Hoo At Swg gomcwrv ngam haanum, begamv,

⁹“Soq nam soq gwwlam Jerubbabelwg alaqkv diirab pakun; mwwg alaqkv soq sam mvnya tayin. Hoo nyiit At Sw ngam nulgab kanam pakun hvl nulv cengtayin.

¹⁰‍Hoggab hiyv xeq anyo aalam haqpaq bov, hvnyir tayin, hoo Jerubbabelwg alaqho xika nan swwxongam kaapa tayin. “Soq kvn si At Swg vnyiqkv, hogloq hv swcwngam tuury tuupw dvn.

¹¹‍Hoo ngo mwam benum, “Mur twgw nanwg lvqbwq-laqc taqc alo olib svvn nwwnyi v hoggv?”

¹²‍Hoo ngo lwnyi deenho mwam birwql benum, “Soq olib svvnwg haqb vnyi si hoggv, hogloq bviywr hoqgv hun kamco vnyi hoqgv hun kutiam tolin mvdwn?”

¹³‍Mwv ngam benum, “Soq tulu sam no cengma dvn yv?” Ngo benum, “Ma, ngoqg ata.”

¹⁴‍Hoo mwv benum, “Soq si xuqlin kunam vnyiv, swcw nyiit At Sw gab bon nyidy bov.”