Read Nyishi JAKARIYA 5 Bible Online

JAKARIYA 5 - Nyishi bible

JAKARIYA 5

¹Hoo kaato, tiqtwl jaal wnbo potangam ngoqg vnyiqkv lokta nywrab banv hoo kaapanum!

²‍Hoo mwv ngam benum, “No hoggv kaapa do?” Ngo birwqnum, “Tiqtwl jaal wnbo pota ak ngo kaapa do. Hoqg aasongv kiubit camnyi gob nyinam, hoo hoqg taqtv kiubit camg gob nyinam.”

³‍Hoo mwv ngam benum, “Soq si beelwqnamv hv gvda mwlwho wiyiq nukun. Hoggab nyiicwr-cwrxiv hiyv dvconam, ham hoqg taqcgonwg xeqpnam hvb dvrwq dvb mvtayin, hoo nyiicwr-cwrxiv hiyv xaalyob dingnam ham asaq taqcgonwg xeqpnam hvb dvrwq dvb mvtayin.

⁴‍Ngo ham kanam namlin tayin, nyiit At Sw bibwqdo, hoo hoqhv dvco bo nammwb, hoo hiyv xaalyob ngoqg eminwb dingnam mwwg nammwb haatayin. Hoo hoqhv mwwg nam ho dootayin hoo hoqg svvtaqkam la wlw tulungam dwtwr tayin.”

⁵‍Ho ngam goorwqbo gumtwngv ngoqg daiyab haanum hoo ngam benum, “Noqg vnyiqkv nywrabto hoo kaaka to soq si hognvkv yu lvvgwb lingdu dvn.”

⁶‍Hoo ngo benum, “Soq si hoggv?” Mwv benum, “Soq si duusinv lvvgwb lingdu do.” Hoo mwv benum, “Soq si bulug gvda mwlwho nyixaq nammv.”

⁷‍Hoo kaato, putupam kubkonum, hoo dvn ak duusin uraho doodunum!

⁸‍Hoo mwv benum, “Soq si nyic-nyiangv.” Hoo mwv mwnwn duusin urab swwkur lwqknum, hoo putupam vgw dvb mvtwl hoqgab kubtum kunum.

⁹‍Hoo kaato, ngoqg vnyiqkv nywrab banv hoo kaapanum, dvn vnyi go otuqb hoodunam! Bulug alap ho dooiyv doonum. Bulv mvra-kiigag alap gvnam hvb gvnum, hoo bulv duusinam swcw gvla doag pengkob jaarab gvnum.

¹⁰‍Hoo ngoqg lvgab goorwqbo gumtwngam ngo benum, “Bulv duusin sam hogloqb jaag gvde nui yu?”

¹¹‍Mwv ngam benum, “Sinar gvdab, hoq gab nam ak mwjtab. Hoo hwdlo soq si mwx-mvaq yukun, bulv duusinam tvpoq tayin, hoqho ham doogw mvtayin.”