Read Nyishi JAKARIYA 6 Bible Online

JAKARIYA 6 - Nyishi bible

JAKARIYA 6

¹Kaaka to, ngo lokta ngoqg vnyiqkv nywrab banv hoo ceriot vpy go puutu vnyig pengko hoqgv lengdwb kaapanum. Hoo hoq puutu tuluhv tama puutu gob nyinam.

²‍Otuqcob ceriotam lwwcw bo svpur tulungv, vnyi deen ham kaiya bo svpur tulungv,

³‍oum deen ham puulubo svpur tulungv, hoo vpy deen ceriot ham tago-taro bo svpur tulungv seenum-bulv mwlwngv atornam.

⁴‍Hoo ngoqg lvgab goorwqbo gumtwngam ngo birwql benum, “Soq tulu si hoggv, ngoqg ata?”

⁵‍Hoo gumtwngv ngam birwql benum, “Swcw nyiit At Swg agaho bulv atv kaatam peekul hoq kokwb, soq tulu si doag lwpy go dooi yilinamv.

⁶‍Kaiya bo svpur tulu lvgab ceriotv nyoodum daiya gvdab caanam, puulu bov bulug kokwb wmin gvnam, hoo tago-taro bov nyooko daiya gvdab inam.”

⁷‍Hwdlo atorbo svpur tulungv lengdwqho, bulv swcw sam wl kao dvb cwqmanum. Hoo mwv benum, “Wn (wgdvl) swcw sam kao ta.” Hoqgab bulv swcwngam kaonum.

⁸‍Hoo mwv ngam sogoqnum, “Kaato, hiyv nyoodum nyook daiyab caanbov ngoqg yalam nyoodum nyook lo doonu mvpa kun.”

⁹‍Hoo At Swg gomcwrv ngam haanum;

¹⁰“Bebilon hoqgv nyumwb booknam hoqgv haakbo Heldai, Tobija, hoo Jedaiya hoqgv haan boam naato, hoo hoq aal darangam Japaniyag ko tuup Josiyag nammwb wto.

¹¹‍Bul galoqkv rupam la hunam naato, hoo ywr dumtup lo ak mvto, hoo ham Jehojadak ko tuup nyub but Josuag dumpo ho tulwqto.

¹²‍Hoo mwam beto, ‘Soq sib nyiit At Sw bedo, “Kaato, nyi ak hoqg eminv Haqbv: hoggab mwwg nyook hoqgv mwv hojar jurlin tayin, hoo mwv At Swg dvrwqbo namlongam pwtayin.

¹³‍Hoq sam At Swg mwv atv su dvrwqbo namlongam mvtayin hoo lvpw atwg dvpar hoqg xinam mam pvvtayin, hoo mwwg xinam dootam ho dootwl pvvb bwwl doog tayin. Hoo mwwg xinam dootam ho nyub ak dootayin, hoo vnyig pengko ho swrsob tomswr-honynamv dootayin.”’

¹⁴‍Hoo Helem, Tobija, Jedaiya, hoo Japaniyag ko tuup Hennvn mwwpa mvdwb ywr dumtupv At Swg dvrwqbo namlo ho dootayin.

¹⁵“Hoo aado kiyo ho doonbo nyiv haatayin hoo At Swg dvrwqbo namlongam mvba tayin. Hoo nyiit At Sw ngam nulgab kanam pakun hvl nulv cengtayin. Hoo noqg Pwnbo At Swg yal dunam mam nulv hingky jaqb tvjw baloqkam, soq si niqtuq lengtayin.”