Read Nyishi JON 10 Bible Online

JON 10 - Nyishi bible

JON 10

¹Jisu benum, “Ngo jvqtw jaqb nulam bedwn, hiyv nyiv sviya toggoq haak viyap haamab hvbmabde asaq lamta hoqgv geebol haanbov dvcobov hoo mengn bov nyiv.

²Hvbmabde hiyv viyap toggoqb haanbo nyi akv sviyangam rvky bov.

³Toggoqkam rvkil doogbov mwam viyap pam kuqko jidwn; sviya pvtwngv mwwg agam mam tacin dvn, hoo mwv atwg sviyangam emin goqbnv agab boolin leng gvdwn.

⁴Mwv sviya pvtwngam roolin tvl, mwv bulug otuq otuqb wco dvn, hoo sviya tulungv mwwg agam mam tacin banv mwwg kokw kokwb wmin gvdwn.

⁵Hvbmabde bulv nyi asaqg kokwb wbaram, hvbmabde bulv hoq nyi hoqgv keleqtayin; hoggab mwwg goonam mam bulv tacin ma.”

⁶Jisug soq doocil benam sam besbakam bulv mwwg benam mam tacin maanum.

⁷Jisu bulam lokta benum, “Ngo jvqtw jaqb nulam bekin dvn, ngo sviya tulu hoqg viyap haagangv.

⁸Ngoqg haama daab otuqb haaco bo mwlw jaqhv dvcobov hoo mengn bov; hvbmabde sviya tulungv bulug benam mam tamanum.

⁹Ngo viyap haagangv. Hiyv lajaqkam ngoqg galoqkv urab haan boam ywwtayin, hvbmabde mwv ura bvla agab lingyi lengcal yvmin tayin, hoo ww hwwjwngam dvdwb kaapa tayin.

¹⁰Dvcobov dvco tabla mengtab hoo twrtab haadwn. Hvbmabde ngo nyi tulungam swwgam jitab haaiyin, ho soq swwg sam nyi tulungam laapoq-kaaloq dvb jitab haaiyin.

¹¹“Ngo alwb sviya rvky bov. Alwb sviya rvky bov sviya hvdgab atv kam sitam dvb mwwdwn.

¹²Sviya kaajo bo nyiv, sviya tulungam rvky maadwn, hoo hoq sviya tuluhv mwwg ma, hoq nyi akv svcangv dorg haaikam mwv svcangam kaapa pel keleqdvn, hoo svcangv sviya tulungam ruqkar banv cwrsaq twqb bulam mvgdvn.

¹³Sviya kaajo bo nyiv keleqdvn hoggab mwv kaajol naanbo nyiib nyigam gab mwv sviya tulungam hog mwwdwq maadwn.

¹⁴Ngo alwb sviya rvky bov. Ngo atgam ngo cengdwn, hoo ngoqgv ngam cengdwn,

¹⁵Abv ngam cengnam hvbkalam ngo Abam cengdwn, hoo ngo ngoqg sviya tulu gab sitam dvb mwwdwn.

¹⁶Hoo ngoqg sviya pvtw ho dooma bo sviya asaqkv doodwn. Ngo hoggub nyijaqkam hoq tulu hamkam boa dvb nyipa, hoo bulv ngoqg agam yalam tacin tayin. Ho bulv sviya pvtw twwkin gob nyil, rvkybo akin alaqho doodwb nyitayin.

¹⁷“Ngo atwg swwgam apaqtvl lokta kokwngam nookur dukub hvl jipaqko gab ngoqg Abv ngam abydvn.

¹⁸Hiyv kam ngoqg swwgam ngoqg galoqkv naareqram, hvbmabde ngo sam ngoqg mwwlwqkob jinyi loodab jipaq pan. Ngo sam jid bvkam atorv doodwn, hoo nookur dvbkam atorv doodwn. Soq si ngoqg Abwg ngam nyim dvb gaml benamv.”

¹⁹Soq sam begam gab Juhudi nyi tulug pengko ho hang pwsaq-pwsaqb mwwrabnum.

²⁰Bulug pengko ho jaqgin benum, “Mwam sonyiv cepa! Rugaq bogo! Hoggab mwam tadwn?”

²¹Hvbmabde tuugin bidul doonum, “Sonyi cenam nyiv toloq tvb bedwn! Ho hoggub sony cenamv nyiqca bog vnyiqngam mvko nyotayin.?” Ngo la Abv Akin dvn?”

²²Ho Jerusalem Xumk nammam nama ko Durum moodv haaknum, hoo tapam poolwb nyinum.

²³Jisu Xumk namho Solomonwg boonyiab ho gaqgaql yvnum.

²⁴Ho Juhudi tulungv mwam toxnum, “Hog hwdgo ngulam mwuml doom tayin i? Ngulam jvqtw jaqb bitwl bekin tvb, no Kristo i”

²⁵Jisu birwqnum, “Ngo nulam otuqho bekin tukun, hvbmabde nulv ngam mwwjwram. Ngoqg Abwg emin gabwk hvl bonam nyigdvn tulu si ngoqg puiyv sam bidil bekin dvn.

²⁶Hvbmabde nulv ngoqg sviya ma hoqgab nulv ngam mwwjw ma.

²⁷Ngoqg sviyangv ngoqg agam goonam mam tacin dvn; ngo bulam cengdwn, hoo bulv ngoqg kokwb wmin gvdwn.

²⁸Ngo bulam nwrba cwtam swwgam jidwn, hoo bulv kol godab siram; hoo hiyvkam bulam ngoqg alaq hoqgv naareq nyoram.

²⁹Ngoqg Abv, bulam ngoqg alaqb gvqlwq jinbo akv mwlwngam koi yaadwn, hoo hiyvkam bulam Abwg alaq hoqgv naareql wg nyoram.

³⁰Ab la ngo akinv.”

³¹Ho Juhudi nyi tulungv lokta wlw naarab banv mwam mwlwngv hurtanum.

³²Jisu bulam benum, “Ngo albo nyis tulungam nulug kaagaho vigo Abwg nyitwk hvl jinam mam nyitkun, hoq pengko ho hogloq ak jaqgab nulv ngam wlw hurta dvn?”

³³Juhudi tulungv birwqnum, “Ngulv nam albo bonam nyigam gab wlw hurta maslak, hvbmabde no Pwnboam benyi-beyako gab sulak! Ho nyiib nyitwl Pwnbovk hvl begam gab sulak”

³⁴Jisu bulam birwqnum, “Nulug Dvrwq potalo hvl xeqma panyv, “Ngo benum, ‘nulv pwnbo tulungv’?

³⁵Mwv hoq tulu ham pwnbov hvl Pwnbog agamv haai yikho goqn mvnyiloqkam hoo Dvrwq potalo benamv daapo juqbo ram.

³⁶Ngam nyiloqkam Abv xuqbnv gvda gvtwb kanamnum. Hvnyiloqkam “Ngo Pwnbog Ko Tuupvk hvl benam mam nulv hoggub nyil ngam Pwnboam benyi-beya dvnwk hvl betayin?

³⁷Ngo Abwg nyis tulungam nyima loqkam ngam mwwjw maabv.

³⁸Hvbmabde, ngo nyis tulungam nyinam sam nyijaqkam nulv ngam mwwjw ma, hvbjaqkam Abv ngoqg lvgab doodwn, hoo ngo Abwg lvgab doodwn, ham cengdwb ngoqg nyinam wnam mam nulv mwwjw hinsnum.”

³⁹Bulv lokta mwam nootu tanum, hvbmabde bulug alaq hoqgv mwv keleq kunum.

⁴⁰Jisu lokta Jordon pobu kvtinb robkur kunv otuqho Jon hogloqho baptijum jidul doonum hoqb wknv doonum.

⁴¹Nyiv vigo mwwg dookub haanum. Bulv benum, “Jon hog swrdorxeq nyimanum. Hvbmabde soq nyi pagoqkam Jonwg hog mwlw pui benam si jvqtw hibnyi.”

⁴²Hoo nyiv vigo mwam hoqho mwwjwnum.