Read Nyishi ROMAN 3 Bible Online

ROMAN 3 - Nyishi bible

ROMAN 3

¹Juhudi tulungv hognvklo Nyoodo nyiingam alyadwn? Pepaql-muxnam ho hognvkv xinamv doodwn?

²Xisv vigo doojaq sudwn. Otuqjaqb Pwnbov Juhudi nyi tulungam gamt tolinl mwwg puiyam jinum.

³Hvbmabde tuugin gon dengky maabnyiloqkam, Pwnbov kam dengky maadwn hvl bela dvn yv?

⁴Hvbjaq nyiram; nyi mwlwngv xaalyo bogub nyisjaqkam Pwnbov hvvtwjaqkv. Dvrwqbo potangv bedwn. “No agam beikam jvqtw jaqb benam mam kaakin to. Nam yolu bek nyelho no beya dvb nyiky dvn.”

⁵Ngulug nyimurnamv Pwnbog kvtaqb nyinam mam kaakin baloqkam ham ngulv hog hvl betayin i? Ngulam laqm-baqmnamv Pwnbog nyixiaqnamv hvl ngulv bedwn? (Ngo sam nyia ko bicwb bedwn.)

⁶Hoggub nyila jaqkam, Pwnbov jvqtwb nyib nyiloqkam mwv hoggub nyil gvda gvtam pw-hwwnyi tayin.

⁷Ngoqg xaalyo gab Pwnbog jvqtwngam kaadar ceekar dvb kaakin bvnyiloqkam ngam hoggub nyil sija kam nyic nyinbov hvl betayin?

⁸Hvb nyiloqkam, “Al mvdwb almanbo bon lo nyituj”? hvl hoggub bema dvn, nyi tuugin jvqtw jaqb soq sam benv ngam tob-taiyil benum. Bulam yolu baqdwb bedynam mam baqm dvb bedwb nyitayin.

⁹Hvnyiloqkam, Juhudi nyi tulu ngulv Nyoodo nyiam alyad nvi yv? Hvbma, hoggub nyila kam ngulv bulam alyama dvn. Hoggab ngo nulam Juhudi ge Nyoodo nyi mwlwngv nyicig uraho doodwn hvl kaakin tukun.

¹⁰Dvrwqbo potangv bedwn. “Dvrwqbo nyi akjijaqkam dooma.

¹¹Tacin bo nyi akukam dooma. ho Pwnboam meegaqbo nyi akukam dooma.

¹²Nyi mwlwngv Pwnbo galoqkv gaqn kun; hiyvkam albo bon akukam nyinbo dookma. Nyi akin gokam dookma.

¹³Bulug lwwpo guuiyv nyubu asarbo hvb nyidwn. Bulug agam hoqgv xaalyo ngvla bece lengdwn, bulug nabor hoqgv tvb borta cumdwqngv lengdwn;

¹⁴bulug agamv bec-beyal bedwn.

¹⁵Bulv jwwl pal mingnw puqnw rooxo dvn;

¹⁶Bulug wtaq mwlwho sig-dorg rooxo dvb nyidwn.

¹⁷Bulug swrsomalo swwg lamtangam kaacin kumanum.

¹⁸Ho bulv Pwnboam bos dvb kam cengcin maanum.”

¹⁹Sija ngulv cengdwn hog mwlw luuxiv pvvbwg alaqlo doonbo gab pvvbv nyia kog agam gomxig benam mam bitur dvb, ho gvda gvt tvqpw sam Pwnbog nyel pw-hwwkwb boa dvb doodwn.

²⁰Hiyvg nyiv akgon kam Pwnbog lvgab kvtaqb jubdub pvvbwg benam mam tal nyis tulungam nyima dvn, pvvbwg bvrwq niqtuqkv hvbloqkam nyiam nyic nyin boam, no nyic nyipa ku hvl kaakin dvb doodwn.

²¹Hvbmabde sija Pwnbov mwwg lvgab aldvb mvnam pagoqkam kaakin paku, ho pvvbv soq lvgab hog nyis dooma, pvvbv la nyiqry benbo tulungv bulv soq gab hvvky swwnum.

²²Pwnbov nyiam mwwg lvgab alwb swwm dvb mvnam siiloqkam bulv Jisu Kriston mwwjw ko-gab. Hoggab hog asaq ak bepaq sv dooma.

²³Nyi mwlwngv nyic nyipa kun hoo Pwnbog ywwt ywwnam hoqgv aadob gaqxar pakun.

²⁴Hvbmabde Pwnbog anya mwwpal jinyinamv bulam pvlywbo Jisu Kristog galoqkv mwlwngam mwwg lvgab alwb swwm dvb mvpa kun.

²⁵Pwnbov mwam hirin rinnam pagoqkv hvbloqkam mwv sigam gab nyi tulungam bulug nyicam mwam mwwjw ko-gab jidkub nyinum. Pwnbov Kristan hirin rinnamv mwv hoggub nyil nyi tulungam mwwg lvgab kvtaq aldvb mvpa kun ham kaakin dvb nyinum. Kol Pwnbov nyi tulug nyicam cwqbnv kvvmwnum.

²⁶Hvbmabde sija swnyw-soolog aal so mwv nyi tulug nyicam kaadwn. Ho nyiam mwwg lvgab al dukub mvnam mam kaakin dvn. Hoq hvbkalam Pwnbov mwv dvrwq dvnwk hvl ho nyi vxiam Jisun mwwjw boam mwv jvqtw nyib swwm dvb jidwn.

²⁷Hoggab ngulv atam paqs dvn? Hog bes dooma! Pvvbwg nyis tulungam bugil swwgam gab yv? Hvbma mwam mwwjw ko-gab sulak.

²⁸Hoggab ngulv cengdwn nyiv mwwjw ko-gab nyiam Pwnbog lvgab al dukub mvpa kun, hvbmabde pvvbwg jinam nyis tulungam nyigam gab ma.

²⁹Ho Pwnbov Juhudi tulug Pwnbo aro ngvi yv? Mwv Nyoodo nyi tulug Pwnbo ngvkam maai yv? Vvjaq mwv mwlwg Pwnbob nyidwn.

³⁰Pwnbov akin dvn, mwv Juhudi tulungam bulug mwwjwko bvrwqgab mwwg lvgab al dukub mvtayin, hoo Nyoodo nyi tulungam bulug mwwjwko galoqkv al dukub mvtayin.

³¹Hvnyiloqkam ngulv mwwjw ko-gab pvvbam apaq gvdwn i? Ma, hvbma; ngulv pvvbam bwwl doogdvn.