Read Nyishi 2 KORINTI 12 Bible Online

2 KORINTI 12 - Nyishi bible

2 KORINTI 12

¹Ngo hog kaapa majaqkam, ngo atam paqs tayin. Hvbmabde ngo At Swn ngam nyiqry kaapa dvb hoo nyiqry kaalin dvb jinam hoqg bvrwqngam ngo gootayin.

²Vnyw nywyw leq nywpig otuqho Kristan nyi akgon oum deen ao gvdab boocal caagnum (Soq si jvqtw jaqb nyin mvbdwq hvbmab mwv nyiqry kaasnum bwdwq ham ngo cengma, Pwnbov cingtwq dvn.)

³Ngo bedardvn, soq nyi ak sam lokta hvraqb oram gvdab bool wgnum (soq si jvqtwb nyin mvbdwq hvbmab yuma maanamv ham ngo cengma Pwnbov cengdwn,) ho mwv agamv benyi maanam ak tapanum ho agamv goonyi maanam agamgo tapanum.

⁵Hoqgab ngo soq nyi ak soqg pagoqkam paqtayin. Hvbmabde ngo ngoqg atwg bvrwqngam paqsram, hvbmab ngo hognvk pagoqho laanyi maab ator maadwn hoq pagoqho ngo atam paqs tayin.

⁶Ngo atam paqs dvb mwwb nyiloqkam paqs tayin. Hoqgab ngo damabo gob nyiram, hoggab ngo jvqtw agam mam betayin. Hvbmabde ngo atam paqsram, hoggab ngo hiyv nvkam ngoqg pagoqkam mwwl ngam nyi asaqkam koi yaanbo gob mwwt sago mwwma dvn, hvbmab mwv ngoqg galoqkv hognvkv kaapa pan hoo mwwg nyurungv ngoqg agam goonam hoqgv hognvkv tapa pan ham hoggub mwwdwn hoq aoho mwwbin dvb nyiram.

⁷Ngam atam xitor yaagub mwwnam kama-tamanam mam ngoqg kaanam hoqgv aado ho apdvb ngoqg gv ayaq urasi taa soog doom pan, soq si uiyig gumtwngv, mwv ngam jwwdwn ho mwv ngam duqtwram duqm dvn hoo xitor gob mwwnam hoqgv aado mvdwn.

⁸Luum go ngo xuml At Swn soq pagoq gab bel sam naaxa tvbwk hvl mwam konum.

⁹Hvbmabde mwv birwqnum, “Ngoqg anyangv noqg gab jotv, hoggab ngoqg atorv noqg any maaikam mwlwngam ator yaadwn.” Ngoqg any maklo ngo Kristog atoram kaapa dvb ngo hemp pomanam mam podwn.

¹⁰Ngoqg any maklo ngoqg hangv xumdwn, hoggab Kristog emin gab hvnyw bepanam, hentwrnam, mvnyi-mviyanam hoo vs-axaqngam kaapa yukam ngo swrso mwwpa dvn. Hoggab ngo hoglo any matayin ho ngo ator aldvn.

¹¹Ngoqg damabo hvb nyigdvn si nulv ngam nyim pan. Hoggab nulv jaq sulak ngam hvb nyimdvb birwl apbov. Ngoqg hog majaqkam hoggub nyilakam nulug xitwr kamab xinam “Hvvky tulungam” anyo yaama dvn.

¹²Vigo swrdorxeqb hoo kama-tamanam nyis tulungam nulug pengko ho xitor-xilo bo bonam nyil hangv nyinyiaq jaqb nyinam hv ngo kam xuqnam tulug akgon hvl kaakin dvn.

¹³Hognvk pagoqlo nulam asaqkam xinam hwdgo ximab nyiknam i? Ngam bepamab, dvrwq namlo tulungam xinamv ngo twqlak nulam twngk tayin gab bidwq bek maab nyipan. Ngoqg soq nyixiaqnam sam apaq tvb.

¹⁴Si nulam kaatab luum dvb ngo wdwb ngoqg mwx-mvaqnamv sijakam nulam ngoqgab mwwdwq dwqmram. Ngo nulam sulak kaatab wtayin; nulug twngkam naaram, hoggab ko tulungv bulug ann-abam gumn pengma dvn, hvbmab ann-ab tulungv bulug ko tulungam gumnam pengdwb nyidwn.

¹⁵Ngoqg hognvkv doodwn hoq mwlw ham ngo mengdvb mwwdo, hoo ngo atam kam nulam svka naadwb hempaqdo. Nulam ngo vigo aby bok gab nulv ngam anyo go aby botayin i?

¹⁶Ngo nulgab mwwdwqnam ak gob nyimanum ham nulv vv hvl loodwb nyitayin; hvbmabde nyi tuugin betayin, ngo surjaqb nyinv nulam xaalyo banv nootu pan.

¹⁷Hoggub ngo nulam pagoq kaacoql pui baqnbo gumtw akgon kanam tvl bulam hog ak nulam xaalyo lyom pan i?

¹⁸Ngo Taitasnvn wwm dvb mvnyi-moiyul bebnv hoqgv mwwg lvgab wba mvdwb Kristan bor tulungam kanamnum. Hvnyiloqkam nulv sam bela dvn i, Taitas pagoq kaacoql nulam hog nyipa nvbo hvl. Mwv la ngo mwwnam akinam mwwl, nyinam akinam nyil yal akin gob, kork akinho korl wma dvn i?

¹⁹Nulv lokam mwwd nvpv, ngulv atam hog yolu doomabo jaqhvb nulug agaho bisw sunbo gob mwws dvco, hvbma! Ngulug goog dvn si Kristo ngulam betwk hvl Pwnbog benam mam ngulv bedwn, hoo ngulug hog luuxy nyigdvn si, tumanam ajin tulu nulam svka dvb sulak nyidwn.

²⁰Ngo ham hinc yooma, ngo nulug dookho wc yukam nulv ngoqg hang mwwk jaqb nyimab nulv oksub lokam nyinv suiyv, hoo ngo kam nulug hang mwwkwb nyimab oksub nyinbov kams yv. Ngo sam hinc ma, ngo nulug dookho wc yukam nulam yolu dudu dvb, koor vnyiq kamin sudub, hang lengmin sudub, roogumnam mam, hvnyw-har bepamins dvb, gon xwmin doodwb, xitor yaagub nyil doonam mam hoo kvtaq-rvpaqb dooma dvb kaapa dvb nyikam sui yv.

²¹Ngo kokwngam nulug dookub lokta wkur yukam Pwnboam nulug kaagaho anyo dvb mvkam suico; hoqgv otuqho nyic nyinbo nyi tulungv mwwkur mak nyi mwlwg nyic nyik gab almab nyik gab, yocu-yabio, dvco nyik gab, ngo xabd-riidwb nyikam sui kuco.