Read Nyishi 2 KORINTI 2 Bible Online

2 KORINTI 2 - Nyishi bible

2 KORINTI 2

¹Hoqgab ngo nulug hangam muur mvma dvb nulug dookub wma dukub mwwbwq pakun.

²Ngo nulug hangam muur dvb nyib nyiloqkam hiyv ngam biywr-bebia deebv? Hogloq nyi tulungam ngo muur dvb mvtkun hoq nyi tulungv sulak ngam biywr-bebia deebv.

³Hoqgab ngo hoq pota ham nulam xeqt kun; ngo nulug dookub wla, ngoqg hangam hemp aldvb mvdybo nyi tulungam ngo bimur nwwma. Hoggab ngo cengdwn, ngo hempwb dooi yikam, nul mwlwngv kam hempdo.

⁴Ngo nulam muur hingr mvma dvb mwwnv; ngo nul mwlwngam hog hwdgo abydvn ham cengm dvb ngoqg hangv mwwma nywywngam mwwl, hangv hvvdwq albanv, nyiqs dimangam dil, nulam ngo pota xeqt kun.

⁵Hvbmabde hiyv akgon nulam nyimur panyiloqkam, mwv ngam nyimur ma, hvbmabde nul mwlwngam vcwr gogaqb nyimur pan. (Ngoqg sam benam si hvbaloqkam ngo mwam vcib binwma.)

⁶Hiyv nyiv mwam hentwr hemnam hv mwwg gab jotv ku.

⁷Hoqgab hoq hvk nyiam mwam mwwdwq-saqkwl doom mvma dvb nulv mwwg nyimurnam mam apaqto hoo mwam bet-belanamv aldvn.

⁸Hoqgab hoqhvk nyiam nulv aby bodnvbo hvl mwam cengm dvb jitku hvl ngo nulam mvnyi-moiyul bedwn.

⁹Hog mwlw nyitaqlo nulv ngoqg gamlam tal bugil swwd nvbo ham cengdwb mwwl potangam xeqt kun.

¹⁰Hogloq nyi ham mwwg nyimur kunam mam apaq jipa kun, hoq nyi ham ngo kam apaq jidkun. Uiyam ngulv hampeq koma dvb, ngo hog ak apaq jipa kulo,

¹¹hoqhv Kristog kaagaho nulgab hamkam nyipa kun. Hoggab mwwg hang mwwnam mam ngulv cengmab nyima dvn.

¹²Kristog Tugu Puiyam betab ngo Troasho haadwk ho At Sw ngoqgab lamta ak mvkoq jinum, hvbmabde ngulug bor Taitasnvn kaapa mak gab ngoqg hangv mwwdwq alnum.

¹³Hoqgab ngo bulug galoqkv wde kunwk hvl beknv Mesidoniya wknum.

¹⁴Hvbmabde Pwnboam paqto, hoggab ngulam Kristog galoqkv Pwnbog lvgab dooba dukub aldvb mvpa kun, ho Kristog ator hoqgv ngulug mviyananv doodwn. Pwnbov ngulam Kristog pagoqkam bekar mvdwb mwwg sungam albo nongam nyook mwlwho bekar mvdwb jidwn.

¹⁵Ywwnam nyi tulug la ywwmanam nyi tulug pengko lo ngulug Pwnboam Kriston guunnan gab nyidwn.

¹⁶Ywwmanam nyi tulu gab soq si sig naiyangv, hvbmabde ywwnam nyi tulu gab soq si swwg ung hoqgv lengbo swwg nongv.

¹⁷Hoggab ngulv Pwnbog agam mam ximab almab mvnbo nyi ma, hvbmabde haagab alwb mwws-svqs maab Pwnbo galoqkv kaapanam gonam tal Pwnbog kaagaho ngulv Kristog galoqkv bon nyijobo nyera gob nyidwn hoo Kristog agam mam goodwn.