Read Nyishi 2 KORINTI 5 Bible Online

2 KORINTI 5 - Nyishi bible

2 KORINTI 5

¹Hoggab ngulv cengdwn, ngulug soq gvda so gv ayaqngv doogwnan tombu hvb nyinbo si tapto taikun, ho Pwnbov mwwg atv mvnam namho ao lvpw tolo ngulam kol nwrba cwtam gob doody bo nam uraho ngulam doom dvb jitayin.

²Ngulv sija nyelin jaqb sigin ginl dootwl ao gvda toloqgv ipoqbo ham vj gob kootwl doodwb mwwngam aldvn. Hoqham jvqtw jaqb koobum nyiloqkam ngulv talo tvl doodwb nyiram.

³Ngulv soq tombu uraso sigin ginl doonam si ngulug iginv vi al ko-gab sigin ginl doodwn.

⁴Hoggab ngulv vj koomab asar talo tvl doonw ma, hvbmabde gvda soqg gv ayaqngam apaq tvl ngulug nit swwgam kaapal hoq lvgab kootum dvb mwwdwn.

⁵Soq pagoq gab hvl ngulam mwx-mvaq bov Pwnbov mwv, hoo mwv ngulam mwwg noosu uraho hog hwdgo gumnv ngul gab doodwn ham kaakinam hwiywb mwwg yalam ngulam jipan.

⁶Hoqgab ngulv looxiam haakam alwb doodwn. Ngulv cengdwn, ngulug atwg gv ngam hingw yukam Atwg galoqkv ngulv aado ho doodwn.

⁷Hoggab ngulug swwgv vnyiq kaak hoqgv ma, hvbmab mwwjwko hoqgv swwdwn.

⁸Ngulv haakam alwb mwwdwn hoo gv ayaq hoqgv aado ho dootwl At Swg lvgab dooba dvb mwwdwn.

⁹Hog mwlw aoho, hoggub nyisjaqkam, ngulv hogloq namho jaqkam aado ho jaqkam Atwn hang xumdvb nyidwb nyidwn.

¹⁰Hoggab ngul mwlwngv Kristog agaho ngulug atwg bon nyijonam mam, al ge kor ge gv soodinv nyinam bon nyijongam naatab mwam pw-hwwdy kotab vxiv mwwg agaho daqlin dvb nyiky tayin.

¹¹At Swn bos sonamv hognvkv ham ngulv cengdwn hoo hoggab ngulv nyi asaqkam bigum dvb bedwn. Pwnbov ngulug hog mwlwngam cengl doodwn, hoqgv ngo mwwjwdvn nulvkam nulug hang uraho ngam cengd nvpbo mwwdo.

¹²Ngulv nulam paqt bvk hvl sija bekma, hvbmabde nulv ngulam hoggab paqdwb nyidwn hoq pagoqkam nulam hindy alwb bekin tvs hoo hoggub nyil atam xitor yaagub benbo nyi tulungam birwq tayin ham bekin tvso.

¹³Hoggab ngulv mwwlaq suma baloqkam Pwnbo gab alv ho mwwlaq suba loqkam nulgab alv.

¹⁴Hoggab Kristog abynamv ngulam biim maadwb wkar war mvma dvb mvl ap pan. Ngulv sija cengpakun, nyi ak ngul mwlw gab sipa kun, hoqgab mwlwngv siknam hvb nyidkun.

¹⁵Mwv nyi mwlw jaqgab siknum, hoqgab simab doonbo nyi tulungv bulv bulug at gab swwmab, hvbmabde hiyv ngul gab sinkun hoo swwgam jitkul torab dukub jipan hoq nyi ak gab aro swwl doodwb nyidwn.

¹⁶Otuqho ngul mwlwngv nyiakog nyicwb nyiskujaqkam, sija ngulv hvb akukam nyitin kuram. Otuqho ngulv Kriston kam nyiakog hang mwwcib mwwtwn, sija ngulv ham nyikram.

¹⁷Hoggab hiyv nyiv Kristog lvgab dooba dukun, mwv nit nyi gob nyidkun, kucuqbo mwlwngv niinkun, kaato, nitib nyipa kun.

¹⁸Pwnbov Kristo galoqkv ngulam ceebio-nyemaq swwn boam mwwg ajin gob mukub pakun, ho nyi asaqkam mwwg ajin swwdwb mvmdvb gaml jipa kun. Soq mwlw sam nyinbov Pwnbov.

¹⁹Ngulug pui begdvn si Pwnbov nyia ko mwlwngam ajin dvb Kristo galoqkv bon nyidul doodwn. Pwnbov bulug nyic nyinam mam xootwr xipwl ap kumanum, hvbmab mwv ngulam hoggub nyil ajin jinw dvn hoqg puiyam bemdvb mwv ngulam gvqlwq jipa kun.

²⁰Hoqgab Pwnbov ngulam Kristo gab hvvky daaxar gob mvtwl, ngulam mvnyi-moiyul benum, hoqgab ngulv sija Kristog hvvky daaxar bonam nyidu dvn. Kriston mwwtaql nulv Pwnbog lvgab al tuku.

²¹Ngulam Pwnbog nyiidar nyi swwm dvb nywywngam nyic nyika maanbo, hoq nyi akam ngulug pagoq gab nyic nyinbo nyi gob meng nukun.