Read Nyishi GALATI 6 Bible Online

GALATI 6 - Nyishi bible

GALATI 6

¹Ngoqg vbw-bor tulu, hiyv ak gonwg nyixiaqnam mam kaapal mwam nootu baloqkam, nulug pengko lo hiyv yalho alwb doodwn nulv mwam al dukub mvto; hvbmabde nulv mwam anya alwb bedwb nyidwn. Hoo nulv atvkam hengabl pwqk-xok maadwb hingkubl dooto.

²Nulv akwn akwnwg igin viyam baqko-baqpeql svka kamin suto hoo soq sib nulv nyib nyiloqkam nulv Kristog pvvbam niqtuq nyilin tayin.

³Hoggab hiyv nyiv atv hog gokam doog maatwl atam koiyv su mwwnbo akv atam vm mvvs dvn.

⁴Nyiv atwg nyinam-wnam mam kaaka sudub nyidwn, ho alwb nyipa nyiloqkam nyi asaq gonwg nyinam mam xikal kaama kam at gam paqs dvb nyidwn.

⁵Hoggab nyi vxiv atwg igin viyam baqs dvb nyidwn.

⁶Hiyv nyiam Kristan puiyam tomswr pan, mwv tomswrbo akam hog mwlw albo luuxiam naabamto.

⁷Nulv atam vm mvvs maabv, hiyvkam Pwnboam paca dvb mvnyi maadwn. Nyi vxiv mwv hognvkv liipan ham mwv noocum dvb nyitayin.

⁸Hiyv nyiv mwwg rongo lo atwg mwwkwb vly liidwn mwv hoqgv sigam noocum tayin, ho hiyv nyiv Yalwg rongo lo vly liidwn mwv Yal hoqgv nwrba cwtam swwgam noocum tayin.

⁹Hoqgab ngulv albo bonam nyidwb mwwram maabju; hoggab ngulv apaq maabjaqb nyib nyiloqkam noocum dvk moodv ngul gab haatayin.

¹⁰Hoqgab ngulv hog hwdgo albo bonam nyidwb doonyiam kaapa deedib nyi mwlw gab nyituj. Hvbmabde ngulug imiq dvpar uraho doonbo mwwjwbo nyi tulu gab kwrw jaqb nyilv yaatuj.

¹¹Kaato ngo axor cwrt alwb xeql sija ngoqg atwg alaqngv nulam xeqdwn.

¹²Nyi tulungam kaakin twqdwb nyinbo ho nyi agaho kaak dvb nyinbo nyi tulungv nulam mux mvmdvb ningteq ningyeql bedwn. Bulug soq sam nyinam si bulv Kristog daapo hoqg pagoq gab hentwr hema dvb sulak nyidwn.

¹³Ham betlakam mux mvnbo nyi tulungv hiyvkam bulv pvvbam bugil swwma dvn, hvbmabde bulv nulam mux mvmdvb mwwnam si gv ayaqg nyinam mam nulv bulug bekwb tvlwq paku hvl paqs dvb sulak nyidwn.

¹⁴Hvbmabde ngo nyiloqkam ngulug At Sw Jisu Kristog daapo aosoqgv ngo asaqgo paqs dooma. Hoggab mwwg daapo pagoq gab gvda gvtv sidkun hoo gvda gvt gab ngo daapo aoho sipa kun.

¹⁵Pepaql-muxnam ge mvma ge hiyv gab jaqkam hog nyiram. Hvbmabde nitib Jisu Kristo gab swwnamv bvrwq niqtuqkv.

¹⁶Soq gaml sam tal swwnbo nyi tulu gab, swrsomalongv la anyangv bul mwlwg lvgab dooba nvka hoo Israelwg Pwnbo nyi tulu lvgab doomin gvnka!

¹⁷Bitwr so bedwn, hiyv nyivkam ngam vs-axaq dvb nyimabv, hoggab ngoqg gv un pai baqgdvn si ngo Jisug nyerangv hvl kaakin dvn.

¹⁸Ngoqg vbw-bor tulu, nulug At Sw Jisu Kristog anyangv nul mwlwg lvgab doonka, Amen.